¹ Ya me k'anbatik te yakuk awilik te kermanatik Febe, te yak'o sba ta abatinel yu'un te ch'uunjeletik ta bay Cencrea, ² ik'a ik me ta swenta te kawaltik. Jich me apasik te bit'il ch'uunjeletike, sok koltayameik me te ay to bila ya xtuun yu'une. Melel bayal mach'a la skoltayix, sok la skoltayonix-uk te joone. ³ Ak'bon spatibal yot'an te Priscila sok te Aquila, te ja juy ba sok ta at'el ta swenta Cristo Jesús, ⁴ te ja k'an yak' sbaik ta lajel ta jtojol. wokol nax la yalik yu'un, ma jookonax te ya jkal wokole, jich nix-uk te ch'uunjeletik te ayik ta yan lume. ⁵ Ak'beyaikme spatibal yot'anik te ch'unjeletik te ayik ta sna. Ak'beyaik spatibal yot'an te Epeneto te ja bayal k'ux ta kot'an, te ja neel la xch'un te Cristo ta bay Asia. ⁶ Ak'beyaikme spatibal yot'an te Maria, te ja tulan at'ejemix ta atojolik. ⁷ Ak'beyaikme spatibal yot'an te Andrónico sok te Junias, te ja jtijinabal sok ja juy ta chukel. Bayal mach'a snaobey sbaik te ja lekil chol k'opetik, te ja neel la xchu'unik te Cristo patil la jch'un te joone. ⁸ Ak'beyaikme spatibal yot'an te Amplias, te bayal k'ux ta jkot'an ta stojol te jkajwaltik. ⁹ Ak'beyaikme spatibal yot'an te Urbano, te ja juytik ta swenta Cristo, sok te Estaquis, te kux ta jkot'an. ¹⁰ Akbeyaikme spatibal yot'an te Apeles, te ja yak'oj ilel te xch'uunej te Cristo. Ak'beyaikme spatibal yot'an te mach'atik ayik ta sna te Aristóbulo. ¹¹ Ak'beyaikme spatibal yot'an te Herodión, te ja jtijinabal. Ak'beyaikme spatibal yo'tan te mach'atik ayik ta sna te Narciso, te ja xch'uunejik te jkawaltik. ¹² Ak'beyaikme spatibal yot'an te Trifena sok Trifosa, te tulan yakalik ta at'el ta stojol te jkawaltike. Ak'beyaikme spatibal yot'an te Pérsida te bayal k'ux ta kot'antik, te ja bayal at'ejem ta swenta Cristo. ¹³ Ak'beyaikme spatibal yot'an te Rufo, te ja tsabil yu'un te jkawaltik sok te sme' te ja jme' k'oemuk ta jkot'an. ¹⁴ Ak'beyame spatibal yot'an te Asíncrito, Flegonte, Hermes, Patrobas, Hermas sok te kermanotaktik te sjoinej sbaik soke. ¹⁵ Ak'beyaikme spatibal yot'an te Filólogo sok te Julia, sok te Nereo sok te xwix, sok te Olimpas, sok spisil te ch'uunjeltik te sjoinej sbaik soke. ¹⁶ patbeya me aba awot'anik ta jujutul sok chul ujts'iyel. Spisil te ch'uunjeletik yu'un Cristo ya stikunbeyex spatibal awot'anik. ¹⁷ Kermanotak,ya kalbeyex wokol, te yakuk akanantayabaik yu'un te mach'a yak'ik yak'el xatomba sok te yakuk xyalex koel. Melel ja skontroik te sk'op Dios te ja ak'bil anopike. Ma me xa join abaik sok. ¹⁸ Melel te mach'a jich yot'anik ma ya yak' sbaik ta abatinel yu'un te kajwaltik Cristo, janax baem yot'anik te bek ya sk'an te sbak'etalike. Ay nax sbujts' sok binax yutsil ya xk'opojik, ja ya slolibeyik yot'anik te mach'atik ma snaik stsayel te k'ope. ¹⁹ Ta spisil te ch'uunjeletik pujk'emix ak'oplalik yu'un te la awak'ik ilel te ay ch'uunjel awotaik. Binax jkot'an ta atojolik, jauk meto ya jk'an te ayuk abijilike yu'un te bek lek ta pasele ja ya jk'an te manch'un ayuk abijilik yu'un te beluk ma ba lekuk ta pasele. ²⁰ Te Dios te ay lamal k'inal yu'un, ya me spech' ta tek'el te pukuj sok ya me yak'batik ta awakanik. Te yut'sil yot'an te jkawaltik Jesucristo ayuk me ta atojolik. ²¹ Sok ya stikumbeyex spatjibal awot'anik te Timoteo, te ja juy jba sok ta at'el, sok-uk te Lucio, Jasón, sok te Sosípater, te ja jtijinabal. ²² Joon Tercio te ja yakon ta sts'ibuyel ta jk'ab te jun to, ya kak'beyex spatjibal awot'anik-uk ta stojol te kajwaltik. ²³ Ya me stikumbeyex spatjibal awot'anik-uk te Gayo, te ja jmajanobey sna sok te le stsob sbaika spisil te ch'uunjeletike. Sok ya stikunbatik spatjibal awot'anik te Erasto te ja stsob tak'in yu'un te lume, sok te kermanotik Cuarto. Te yut'sil yot'an te kajwaltik Jesucristo ayuk me ta atojolik, jichuk. ²⁵ Jich yu'un ta ora to aka me kalbeytik yuts'ilal te mach'a ya stak' skoltayotik te junuk nax ayotik ta swenta te lek yach'il k'op. Sok te bit'il albil skoplal te Jesucristo, melel ja Dios te la yak'bey yil te mach'a xch'uunej te beluk muken ay ta sneelal to, ²⁶ jauk me ta ora to la yak'botikis kiltik sok la yak'botik kiltik ta swenta te bek ts'ibubil jilel yu'un te alwanejetik, ta swenta smantal te Dios te ja sbajt'el k'inal aye, yu'un jich ya xch'uunik mantal ta swenta xch'uunjel yot'anik. ²⁷ Te janax ay tul Dios te ay sbijile, aka yich' ich'el ta muk' sbajt'el k'inal ta swenta Jesucristo. Jichuk.