¹ spisil ants-winiketik ak'a xch'unbey smantal te tuneletik te kajal yat'ele, melel mayuk tuluk te ma' ba talem ta stojol Dios. Te tuneletik te chiknajemike ja la stsaj te Diose. ² Jich yu'un, teme ay mach'a ya skontro'in te tuneletike ja me ya skontro'in te mantalil yu,un te Dios abi, sok te mach'atik ya skontroin in to, ya me yich'ik ich'el ta k'op yu'un. ³ Melel te ajwaliletike maba yu'un ya xiwtes te mach'atik beluk lek ya spase, ja nax te mach'atik beluk amen ya spasike.¿ Ja bal ya ak'an te ma' ba ya axi' te tuneletike? Ja xa pas te beluk leke, sok jich ya wich' albel lek ak'oplal yu'un. ⁴ Melel ja abat yu'un te Dios yu'un slekilal ta atojol. Jauk me to teme ja ya apas te bila ma lekuke, xiame ; Melel ma' ba jauk ya skuch te espada teme mayuk swentaile . Melel ja abat yu'un te Dios , ja tul te ya yak'bey kastigo ta yilimba te mach'a ya spas te beluk ma lekuke. ⁵ Jich yu'un, te ja'exe ya me sk'an te ya ach'unik spasel , ma' me ja'uk nax ta stojol yu'un te ilimba'e , sok ja'uk nix me yu'un te snopjip'al awu'une. ⁶ Melel ja yu'un te ya atoj apatane . Melel te tuneletike ja abatetik yu'un te Diose , te mach'a ya x-at'ej ta spisil orae. ⁷ Tojbeya spisil teme ay mach'a ay abet yu'une : k'an patan te me ay mach'a ay abetik yu'un te ak'an patane , tojbeyame teme ay macha ay abet yu'une ,xiame te mach'a ya sk'an axie, ich'ame ta muk te mach'a ya sk'an ya awich' ta muk'e ⁸ M' me ayuk mach'a ay abetik yu'un, ja naxme te k'ux ya awayabaike. Melel te mach'a k'ux ya yay te spat xujk'e la me xch'un spasel te mantalil abi'e. ⁹ Jich yu'un , " MA' ME APAS MULIL SOK YAN , MA' ME AWAY MILAW , MA' ME X-ELK'AJAT MA' ME XBIKTAJ AWOTAN", sok teme ay yan mantalil , te jich ya yal to'e "K'UX ME XA AWAY TE APAT AXUJK'E JICH BIT'IL TE K'UX YA AWAYABA'E." ¹⁰ Te k'uxul ot'anile ma' ba ya xlajinot yu'un te jpatxujk'tike. Jich yu'un , te k'uxul ot'anile ja me te xch'unel spasel te mantalile. ¹¹ Ja yu'un, te ja'exe ya ana'ik te beluk k'aalil,ja yora'ilix te ya xjach'ex te bit'il wayalatike.Ta ora to, te jkoleltike nopol ayix te bit'il k'alal jajch' ch'untik ta snelale . ¹² Te ajk'ubale yakix k'axel bael , sok ja yakix ta tael te sakubel k'inale . Ja'uk meto, ak'a kijk'itaytik jilel te at'elil yu'un te ijk'al k'inale, ja ak'a jlaptik te jmajk'iltik yu'un te sakil k'inale ¹³ Tojukme ak'a benukotik , jich bit'il ta sak k'inal , ma me ja'uk ya jpastik te beluk ma lekuke o te yakbele. Manchuk me xbenotik ta bay te bila ilebilsba'e ni ta chijil bak'et, sok ta jach k'op o bik'tal ot'anil. ¹⁴ Ja'uk meto ja aka pajbeytik stalel te kajwaltik Jesucristoe, sok ma me apasik te beluk ya sk'an te abak'etalike, sok ma' me ja'uk ya xbajt' awot'anik ta sapasel te chijil bak'ete.