¹ .-Jich yu'un, te yoebal ch'ul abate la yok'sin te ok'ese. La jkil ek' ta ch'ulchan te ch'a ytel koel ta sba te balumilele. Te ek'e la yich ak'beyel ta sk'ab te sjamjibal te stiil te muk'ul xaabe. ² .-Ja la sjambey stiil te muk'ul xaabe jauk meto tometnax tel lok'el cha'el lea jich te bit'il xch'aelul te muk'ul yawil k'ajk: Te k'aale sok te ch'ulchane ijk'ub yu'un te ch'ael te yak ta lok'eltel ta xaabe. ³ .-Ta banti ch'ael lok' tel k'ulubetik te talik ta sba te balumilale, ak'biliktel yuel jich te bit'il tiawal tseketik te ayik ta sba te balumilale. ⁴ .-Albiliktel mantal te ma ba yuts'inik te aketike te ay ta sba te balumilale sok yantik xan beluk ya xchi lea sok te teetik, janax te mach'atik ma yich'ojik te seyo yu'un Dios ta banti stibaike. ⁵ .-Ma la yichik ak'beyel mantal te ya smilik te ants-winiketik, janax, te ya yak'bey swokolik jo'eb u. Te swokolike jich me te bit'il xk'uxul stiaw te tseketike te k'alal ay mach'a ya sti. ⁶ .-Te me kot te sk'alelal, te ants-winiketike ya me sleik te yakuk xlajik, jauk me to ma ba ya staik. Ya sk'an xlajik, jauk me to ya xlok' bael ta anel te lajele. ⁷ .-Te k'ulubetike jich yilel te bit'il kaba yoetik te ch'apalik yu'un ya yayik kera. Te banti sjolike ay beluk lea jich te bit'il korona te pasbil ta k'anal tak'in (oro) sok te sit yelawik jich te bit'il sit yelaw ants-winiketik. ⁸ .-Jich me stsotsil sjolik te bit'il stsotsil sjolik te antsetik sok te sbakel yeik jich te bit'il sbakel ye' te leon-chojetike. ⁹ .-Ay smajk'ilik jich te bit'il majkilal te pasbil ta tak'in yilele sok te sk'op te xik'ike jich te bit'il sk'op te bayal karretaetik sok te cabayoetik te yipiknax ta aelmal te ya xbajt'ik ta kera. ¹⁰ Ay sneik jich bit'il te sne te sne te tseketike; te ya xtiwanik, Ak' bil yuel yu'un ya xu yu'un te ya yuts'in te ants - winikwtik jo'eb u. ¹¹ Te ajwalil yu'unik te k'ulubetike ja te ch'ul abat yu'un te muk'ul xaabe, tesbiil ta hebreo k'op ja te Abado'n, ta griego k'op ja sbiil te apolion. ¹² K'axix te sbabeal woklajele. ¡Ilawilik! ya to me xtal xan ch'a kum woklajel ¹³ Te swakebal ch'ul abate la yok'sin te ok'esa te joone la jkaiy stojol te ay mach'a k'opojtel ta banti xchanebal xulubil yu'un te banti ay te skajtijib majt'anil te pasbil ta k'anal tak'in (oro) te ay ta stojol te Dios. ¹⁴ Te mach'a k'opoj jich' la yalbey te swak'ebal te ch'ul abat te yich'oj te ok'ese:" Koltaya lok'el te chaneb chul abatetik te chukulik ta banti sti muk'ul ja Eufrates." ¹⁵ Te chan tul ch'ul abatetike te ja yich'ojik chajbanel yu'un te k'alal ya sk'ot yorail, sok skalelal, sok yuil,sok yawilal, te ya yichik koltayeltel yu'un ya smil teb ma oliluk te ants - winiketike. ¹⁶ Te yajk'talul te soldadoetike te kajatiktel ta kabayo ja lajunwinik millon (200,000,000,) ta jkay stojol yajtalul. ¹⁷ Jich la yak'bonik jkil te ka ba yoetik yilele sok te mach'atik skajtibinojike: ay smajk'ilik te tsajik jich' bit'il te k'ajke; yax lemanax (azul) sok k'anax jich te bit'il azufre. Sok te sjol te kabayoetik pajal sok yilel te sjol te leon - chojetike, yak ta lok'eltel k'ajk'' ta ye, sok ch'ael sok azufre. ¹⁸ Teb ma oliluk te ants - winiketik te lajik yu'un te ox kum woklajele: te k'ajk'e, sok te ch'aele sok te azufre te yak ta lok'el ta yeike. ¹⁹ Te yip te kabayoetik le ay te banti yeike sok ta banti sneik- yu'un te sneike jich' te bit'il chanetike, te sjolike ya xu yu'un te ya yak'bey yekch'en te ants - winiketike. ²⁰ Te jayeb xan ta tul jil te anst - winiketike te mach'atik ma lajik yu'un te woklajeletike. ma la sut yot'anik yu'un te smulike, sok ma la yijk'itayik ta jichel ta muk' te pukejetik sok te lokombaetik te pasbilik ta k'anal tak'in (oro), sok sakil tak'in (plata), sok bronce, sok ta ton sok ta te'- te ma stak yilik k'inal, sok te ma yayik stojol k'op sok te ma stak ya xbeenike. ²¹ Ma la sut yot'anik yu'un te la yayik milawe, sok te ts'ilwaneje, sok te mulweje sok te layayik elek'e.