¹ Sok la jkil yan ch'ul abat te bayal yip te yak tel ta koel tel ta ch'ulchan. Potsol tel ta tocal sok ay arcoiris ta sjol. te yelawe jich yilel te bit'il te k'aale, te yakane jich yilel te bit'il muk'ul uy te tsaj xojanax k'ajk'e. ² Stsakoj ta sk'ab jun balbil Jun te jambilixe. jich' la stek' ta swael yakan te muk'ul ja'e sok te sk'exen yakane ja la stek' te lum k'inale. ³ Jich yu'un tulan awun jich bit'il te jun muk'ul choj, te yak ta awe, te k'alal awune, k'opoj ta sjukebal te chawuke. ⁴ Te k'alal k'opojik ta sjukebal te chawuk'e, k'an ts'ibuyixa, jauk meto ay mach'a k'opojtel ta ch'ulchan jich la yal: "muka ta awot'an te beluk la yal te jukeb chawuk'e. ma' xa' ts'ibuy." ⁵ Te ch'ul abat la jkil te tek'el ta atsam ja' sok ta lum k'inal, la sjach moel wa'el sk'ab ta ch'ulchan ⁶ jich la yal smelelil ta stojol te mach'a kuxul ta sbajt'el k'inal - te la spas te ch'ulchane sok spisil te beluk ay lea, te lum k'ina spisil te beluk ay lea, sok te atsam ja' spisil te beluk ay lea: mabal jalukix k'aal. ⁷ Melel ya xk'ot sk'alel te ya yok'esin ok'es te sjukebal ch'ul abate, jich me ya xk'ot ta pasel te te muken sk'op te Dios. te la yalbey ta stojol te chijetik, sok te alwanej yu'unike." ⁸ Te mach'a la sk'opnontel ta ch'ulchane, cha sk'opnon yanbuelta: "ban, tsaka te balbil jun te slechoj ta sk'ab te ch'ul abat tek'el ta sti' atsam ja' sok ta lum k'inal. ⁹ jich boon ta stojol te ch'ul abate, la jkalbey te yakume yak'bon te balbil jun. jich la yalbon: ila te balbil jun lajina koel. yame yakbat sch'aal ach'ujt', te me la we' jich ya xk'ot ta ch'inax te awe'e jich bit'il chab." ¹⁰ jich la jtsak te ch'in balbil jun ta sk'ab te ch'ul abate, jich la jlajin, te jkee k'ax chi' la yay jich bit'il chab. k'alal la jwe'el k'une te jch'ut' ch'a la yay. ¹¹ ay mach'a la yalbon kay: ya sk'an xan yanbuelta ya chol te mantaliletik ta stojol anst winiketik, yan lumetik, k'opetik, sok ajwaliletik yu'unike.