¹ La jkil tul ch'ul abat te ko-talel ta ch'uulchan te ja yich'oj ta sk'ab te sjamjibal (llave) te bek ijk'nax ochel te mayuk slajibal sok jun muk'ul kadena. ² Jich te ch'ul abate la stsak te muk'ul chan te xibantik sba ta ilele (dragon), te ja namey k'inal chan, te ja te pukuje, o Satanas xi' te yan sbiile , jich te ch'ul abate la xchuk ta mil jawil (1000). ³ Jich la xch'oj bael ta bay te ijk'al k'inal te mayuk slajibal, la smak sok la yak'bey jilel sello. Swenta yu'un manchuk ya slo'liy xan te yanyantik lumetik ja to teme sts'akaj te mil jawile (1000). Te k'alal lok'ix a te mil jawile(1000), ya me yich koltayel lok'el jun cheb-oxeb k'aal te pukuje. ⁴ Jich la jkil muk'ul naktijibaletik.Te le' nakalika te mach'atik ak'bil yat'elik yu'un te Dios ta slikel muliletik. Jich la jkil-uuk te xch'ulelik te mach'atik la yich'ik ts'okbel te sjolik swenta yu'un te la xcholbeyik ta jamal te bek la spas te Jesús sok te sk'op te Dios. Jaik te mach'atik ma la yich'ik ta muk' te chambalam te xibantik sbae sok te slok'ombae sok jich ma la sk'an yich'ik te marca ta bay stibaik sok ta bay sk'abike. La jkil te cha'kuxik tele sok la sjoinik te Cristo ta ajwalinel mil jawil (1000). ⁵ Spisil te mach'atik lajemike ma be xch'a' kuxik tel ja to k'alal te ya xlaj te mil jawile (1000). Ja in to ja sbabial te cha' kuxele. ⁶ ¡ Binax me yut'silil sok ch'ultesbil me te mach'a ya cha' kuxik tel ta sbabial cha'kuxinele! melel ma ayukix yu'el te xchebal buelta lajele. Jich me ya xk'otik te bit'il sacerdotetik yu'un Dios sok Cristo sok jich me ya sjoinik ta ajwalinel ta mil jawil (1000). ⁷ Te k'alal ya xlaj te mil jawile (1000). Ya me yich' koltayel lok'el tel te Satanas ta bay te xchukjibale. ⁸ Jich ya me xbajt' slo'liy te lumetik ta spamal te balumilal te ja -Gog sok Magog- yu'un ya stsob tel ta kerajel. Jich bayal ya xk'otik te bit'il sji'al te mare ⁹ Jich talik ta bay sjamalil te balumilale sok la sjoytayik te bay ayik te mach'atik ch'unjeletike, sok te muk'ul lum te k'ux ay ta yot'an te Dios, te ja Jerusalén. jauk me to te Dios la yak' koel tel k'ajk' ta ch'ulchan jich lajik ta k'ajk'el ta spisilik. ¹⁰ Te pukuj, te ja lo'liyotik yu'un, la yich' ch'ojel ochel ta bay pamal k'ajk' te yak ta tilel sok azufre, te banti la yich'ik ch'ojelbel-uuk te chambalam te xiwantik sbae sok te lotil puk k'op yu'une. Jich me ya xk'ax swokolik ta k'aal-ajk'ubal ta sbajt'el k'inal. ¹¹ La jkil jun muk'ul sakil naktijib sok la jkil te mach'a nakal le'a. Lok ta anel te ch'ulchan balumilal ta stojol Dios, jauk me to ma ba wejt' banti ya x-ainik. ¹² La jkil spisil te ailmeletik ta muk' bik'it te tek'elik ta stojol te muk'ul sakil naktijib, jich la yich' jamel te junetik. Sok ay yan jun te la yich' jamele ja te sjunal yu'un te kuxlejale. Spisil te mach'atik lajemike la yich'ik ta ich'el ta k'op swenta yu'un te bek la spasik ta balumilale, te ja le' tsibubil ta bay june. ¹³ Te mare la yak lok'uk tel spisil te mach'atik lajemik le'a. Te lajel sok te stsobjibal ailmeletik la yak'ik lok'el tel uuk te mach'atik le' ayika jich te ailmeletik la yich'ik ich'el ta k'op swenta yu'un te bek la spasik ta balumilale. ¹⁴ Te lajel sok te stsobjibal ailmeletik la yich'ik ch'ojel ochel ta bay muk' pamal k'ajk'. Ja xchebal buelta lajel abi. ¹⁵ Teme ay mach'a ma ba ts'ibubil te sbiil ta bay sjunal yu'un te kuxlejal, ja me ya yich' ch'ojel ochel ta bay muk' pamal k'ajk'.