¹ .-K'alal la yil Jesus te bayal ants-winiketike mobel ta wits: k'alal la snajk'ansba, te nopojeletik yu'une tal ta stojol. ² .-Ja k'opoj ta stojolik sok la snojbes: jich la yal. ³ .-Binaxme yutsil te mach'atik mebactik ta skuenta yu'un te espiritu melel ja yuininik te ajwalinel yu'un te ch'uchane. ⁴ .-Binaxme yutsil te mach'a ya x-ok'ike, yu'un ya me smuktesbot k'inal yayik. ⁵ .-Binaxme yutsil te mach'a pek'el yot'anike, yu'un ja ya x-akbotik jilel te lum k'inale. ⁶ .-Binaxme yutsil te mach'a ya yayik winal sok te mach'a ya xtakina yot'anik yu'un ta spasel te bina toje, yu'un te jaik ts'akalme ya x-ak'botik. ⁷ .-Binaxme yutsil te mach'atik k'uxtaywaneje. jichme ya staik k'uxtayeluk. ⁸ .-Binaxme yutsil te mach'atik toj yot'anike. Yu'un ja me ya xk'o yilbuyik sit yelaw te Diose. ⁹ .-Bayalme yutsil te mach'atik ya yak' xlamajuk k'inal, yu'un ja yal snixnab Dios ya xk'ot sbi'ilik. ¹⁰ .-Bayalme yutsil te mach'atik ay swokolik ta nutsel ta skaj te beluk toj ta pasele, melel ja yuininik te ajwalinej yu'un te ch'ulchane. ¹¹ .-Bayalme ja wutsilik te jaex teme ya awich'ik ixtak'opteyel sok teme ya awich'ik nutsel yu'un te anst-winiketike, sok teme ya yalik spisil ta chajp' lotil k'op ayejetik ta atojolik yu'un ta jwenta. ¹² .-Ayukme abujts awot'anik sok binuk nax me awot'anik, yu'un muk' me ja majt'anik ya awicnik ta ch'ulchan. Melel la yich'ik nutsel te alwanejetik yu'un te ants-winiketike te ne'elto ay ja wu'unike. ¹³ .-Ja'atik yats'amulex te balumilale; teme ch'ay xchi'il te ats'ame ¿bin ut'il ya xchiub ta yambuelta? ma bin ora ya xtunixa bi, jaxanix ya yich' ch'ojel lok'el sok ya yich' pech'el ta tek'el yu'un ants-winiketik. ¹⁴ .-Te ja'atik ja sakil k'inal k'oemex yu'un te balumilale. ma xu ta nak'el te muk'ul lum ay ta bay witse.` ¹⁵ .-Te ants-winiketike ma ba ya stiles k'ajk' sok te ya yak' ta yanil moch, ja ya yich kajanel ta skajtijib, jich ya sakubtosbe k'inal ta spisil te mach'atik ayik ta nae. ¹⁶ .-Ak'a-ik me ilel te sakubel k'inal awo'unike ta stojol te ants-winiketike, swenta yu'un ya yilik te lek ja wat'elik sok ich'a-ikme ta muk' te tatil te ay ta ch'ulchane. ¹⁷ .-Ma me akuyik te jo'on talon yu'un sjimel te mamtaliletik sok te bina yaloj te alwanejetike; ma ba tal jin, yu'un ja tal kak' k'otuk ta pasel. ¹⁸ .-Yu'un jamal ya jkalbeyex manchuk teme ya xk'axbel te ch'ulchan sok te balumilale, ni junuk jota sok ni junuk tilde (asento) ma ba ya xch'ay te mamtalile, ja to teme k'ot ta pasel spisil. ¹⁹ .-Ja yu'un mach'atik ya sk'axintay te xut'il mamtalile sok teme jich ya yabey snop te yantike, pek'elme sk'oplal ya xk'ot ta banti ajwalinel yu'un te ch'ulchane. Jauk meto te mach'atik ya sk'ejik sok te mach'a ya yak ta najbesel muk' sk'oplal ya xk'ot ta banti ajwalinel yu'un te ch'ulchane. ²⁰ .-Jamal ya jkalbeyex teme ma ba k'ax jich ja wat'elik jich bint'il te ts'ibojometike sok te bint'il fariseoetik, ma ba ya xu x'ochex ta bay ajwalinel yu'un te ch'ulchane. ²¹ .-Te ja'atik ay ja wayojikistol te bint'il albil ta nameytel: "MAME AWAYIK MILAW", mach'atik te ya yayik milawe ya me x-ich'otik ta k'op te xibantiksbae. ²² .-Jich yu'un ya jkalbeyex spisil te mach'a ya yilintay te yermanoe ay me smul ya xk'ot ta stojol te chajbanwanejetik sok mach'a te jich ya yalbey te yermanoe ¡te ja'ate ma xtunat! ya me yich' chajbanel ta stojol te muk'ul tsoblej; sok te mach'atik jich ya yalbey te yermanoe: ¡te ja'ate bolat! kechel ya xbajt' ch'ojel ta k'antibak. ²³ .-Jich yu'un teme ya ja wich'beyiktel smajt'an Dios ta skajtijib majt'anil, jich tal ta jol te ay bina skontro-inojat yu-un te ja wermanoe. ²⁴ .-Ak'a jilel te majt'anil ta nopol skajtijib majt'anil; jich benan be'el ta bay a be'e. Ne'el uts tesbeya yot'an te ja wermanoe, patil ya xtal ja wak' te majt'anil awu'une. ²⁵ .-Chajbaname ora ak'op sok te akontione te k'alal ayat to ta be'e soke, te mach'a la skujch'inat ta k'op yu'un jich ya yak'at ta sk'ab ta chajbanel k'ope ya yak'at ta sk'ab te kanan chukibal sok jich ya awich' ch'ojel ochel ta chukibal. ²⁶ .-Jamal ya jkalbeyek te ma ba ya xkolatel lok'el lea ja to teme la toj spisil te abelal tak'ine. ²⁷ .-Te jaex aya wayojikistol te jich la yalik: " ¡MA ME APASIK MULIL! ²⁸ .-Te jo'one ya jkalbeyex, ta spilik te mach'a ya yil tul ants te ya xbik'taj yot'an yu'une, la me yayix mulwej ta yot'an abi. ²⁹ .-Jich yu'un teme ja ya yak'bat ja le amul te swael asite, lok'esa lok'el sok ch'ojabel k'ejelto ta atojol; ja lek xana teme ya ach'ey junuk asit te bint'il spisil ja bak'etal ya yich' ch'ojel ochel ta k'atinbak. ³⁰ .-Jich yu'un teme ja ya yak'bat alea amul te swael ak'abe, baja lok'el sok k'ejelto xa ch'ojba'el, melel ja lek te ya xlaj xejt'uk te abak'etal te ya xbajt' spisil te abak'etal ta bay k'atinbake. ³¹ .-Sok jich nix albil: "MACHATIK TE YA YIJTEYBAIK SOK TE YINAME, AK'A YAK'BEY TE SUNAL IJTAYEL: ³² .- Jich yu'un jo'on ya jkalbeyek spisil te mach'a ya yijtay yiname, teme ma ba ta skay te smule, jame ya yak' ta mulil abi: sok te mach'a ya yik te ijteybil antse, yak me ta mulwej abi. ³³ .-Sok ay awayojikstol te albil jilel ta namey k'inal: "MA ME AWAI LOTIL K'OP, K'OTUK ME TA PASEL TE BILA AWALOBE TE KAJWALTIKE". ³⁴ .-Jich ya jkalbat ma me awal te beluk ma xk'ot ta pasel: ni ta skuenta te ch'ulchane, melel ja smuk'ul snaktijib te Diose. ³⁵ .-Ni jauk ta skuenta te balumilale, yu'un ja me skajtijib yakan; ni jauk ta skuenta te Jerusalen, melel ja muk'ul lum yu'un te ajwalile. ³⁶ .-Ma me xa nop lotil k'op ta ojol, melel ma me stak' ya a k'atbun ta sak te yijk'alal tsotsil ajole. ³⁷ .-Ja'uk me to jichuk me ya xk'opojat: "teme jich ya a wale, yu'un nix jich abi, teme jo'o la awale, yu'un nix jich jo'o abi". spisil te bek xon ya yich' alel abi ja mulixabi. ³⁸ .-Ay awayojistojol te jich albil: "TEME LA SLAJINBAT ASIT LAJINBEYA TE SITUKE, TEME AY MACH'A LA SMAJ'BAT JA WE MAJBEYA TE YEUKE. ³⁹ .-Jich ya jkalbat, ma me amenuk awil te mach'a amene; teme ay mach'a ya smajat ta swael achoj, ak'a smajbat te yane. ⁴⁰ .-Teme ay mach'a ya yik'at belta chap'anel sok ya spojbat te ja najt'il k'ue, ak'beyabel sok te ja muk'ul k'ue. ⁴¹ .-Teme ay mach'a ya sujat te ya xbenatbe'el ta snajt'ilal be'e, ba'an benanbe'el chebuk xan najt'il bea bi. ⁴² .-Teme ay mach'a ya sk'abat ak'beyame spisil te bek yak' sk'ambelate, sok ma me xa mak ta k'op te mach'a ay, bila ya smajanbate . ⁴³ .-Ja wayojikistojol te jich albil: "K'UXME AWAYIK TE JA PAT AXUJK'E SOK ILAYAME TE AKONTROE". ⁴⁴ .-Jich ya jkalbeyex, k'anaik me te ja kontroike, sok k'opon beyameik Dios ta stojol te mach'a ya yuts'inexe. ⁴⁵ .-Skuenta yu'un yal-snich'anatik ya xk'oatik ta stojol te jtatik te ay ta ch'ulchane. yu'un ja pajal ya yak' xlok'tel te ka'al ta stojol te mach'a amen yat'elike sok ta stojol te mach'a lek yat'elike. sok pajal ya yak' xtal ja'al ta stojol te mach'atik toj yot'anike sok ta stojol te mach'atik ma tojuk yot'anike. ⁴⁶ .-Teme ja nax k'ux ta wot'anik te mach'atik k'ux ya yayexe ¿bek majt'anil ya awichik abi? ¿ma ba jichuk nix ya apasik te bit'il kan-patanetike? ⁴⁷ .-Teme ja nax ya ja pat-bey yot'an te awermanotake ¿bek xan lek ya pasbeyik te yantike? ¿ma ba jichuk nix ya ja pasik te bint'il yan lumetike? ⁴⁸ .-Jich yu'un tajukme ja wot'anik, jich te bit'il te toj yot'an stukel te jtatik te ay ta ch'ulchane.