¹ Malix-a te k´aale te sk´alelal te kux ot´anile, te k´alal yakix ta sakubel k´inal yu´un te sbabial k´aal yu´un te semana-e, te Maria Magdalena sok te yan Maria tal yilik te mukenale. ² Jich tal tulan nijk´el, yu´un tal jtul ch´ul abat yu´un te kajwaltike koj tel ta ch´ulchan, tal stij lok´el te ch´ene, jich la snak´an sba ta sba. ³ Te sit yelawe jich xojobil te bit´il tsantsewale, te sk´u spak´e mero sak jich bit´il te tuiwe. ⁴ Te kananetike yakik ta nijk´el yu´un te xiwele jich k´o tik te bit´il winketik lajemike. ⁵ Te ch´ul abate bajt´ ta ba-e ay te antsetike, jich la yalbey: ¨ ma xiwex, ya jna te ja´ ya aleik te Jesuse, te la yich´ milel ta kurus. ⁶ Maba le´ ayix to, melel cha kuxix , jich te bit´il la yale. La-ik la ilawilik te banti way sbak´etal te kajwaltike. ⁷ Ba-anik ta ora sok albeyaik te nojpojeletik yu´une: te bit´il ch´akuxixtel ta bay aelmeletike, ilawilik, ja´ne-el awu´unik ta sk´inal Galilea. leme ya xk´o awilika-a. ¨Ilawil jo´on te kalbeyex-e xi te ch´ul abate.¨ ⁸ Oranax te antsetike la yijk´itayik te mukenale yakik ta xiwel sok ay sbujts´ yot´anik, animajik ba-el ba yalbeyik te nojpojeletik yu´une. ⁹ Ajk´ to nax-a te Jesuse la stabaik sok jich la yal ¨talon xi¨. Te antsetike talik sok la spetbeyik te yakane sok la skajan sbaik ta yich´el ta muk´. ¹⁰ Jich te Jesuse la yal: ¨ma xiwex, ba-anik sok albeyaik te bankiltake aka me lok´ikuk ba-el ta Galilea; le´me ya yilonika-a xi te Jesuse. ¹¹ Te k´alal yakalik ta ba-el te antsetike, ja into ay chaox jtul te kananetike bajt´ik ta muk´ul lum sok jich k´o yalbeyik te wolwanej Saserdote-etik ta spisil te bina k´ot ta pasele. ¹² Te Saserdote-etik la sts´ob sbaik sok te ansianoetik jach´ snopik te bina k´ot ta pasele, jich la yalbeyik bayal stak´in te soldadoetike. ¹³ Jich la yalbeyik: ¨albeyaik te yantik, te nojpojetik yu´un te Jesuse talik ta ajk´ubal sok la yelk´anbeyik ba-el sbak´etal te k´alal wayalotika-e.¨ xiex me. ¹⁴ Ja´ in k´op to teme k´ot ta stojol te ajwalile, jo´otik me ya xk´opojotik jich me ma xwoklajexa-a te jaexe. ¹⁵ Jich te Soldadoetike laj stsakik te tak´ine, jich la yalik te bit´il pasotik ta mantale. ja´ in k´op to pujk´ ta spamal sok tulan sk´oplal k´ot ta yot´an te Judioetike jich nix ya yalbeyik sk´oplal ta ora to. ¹⁶ Te buluch jtul nojpojeletik bajt´ik ta Galilea, ta jamal k´inal te Jesus jich yaloj mantal. ¹⁷ Te k´alal la yilik le ay ate Jesuse, la yich´ik ta muk´ jauk meto, ay chaox tulik ta mala xch´uun yot´anik teme ja´ te Jesuse. ¹⁸ Te Jesuse tal ta stojolik jich la yal: ¨Spisil tulan at´eletik ak´botonix jwentain, ch´ulchan sok balumilal. ¹⁹ Ba-anik jiche, aka ochokik ta nopojel ta spamal nasionetik. Ak´beyaik yich´ik ja´ ta sbiil te Tatile, te Nich´anile sok ta swenta te ch´ul Espiritue. ²⁰ Ak´beyaikme snop ch´uunel spisil te mantaliletik kaloje. Sok ilawilik, te jo´one joinejexme ta spisil ora, ja´to ta k´alal slajibal te balumilale.¨ xi te Jesuse.