¹ Jich k'ot ta pasel te k'alal laj yot'an ta k'op te Jesuse, jich la yaltilabey te nopojeletik yu-une : ² Te ja-atike ja naojikix stojol te chebxanix ka'al ya sk'an yu-un te ya spastaj te pascue, sok te nich'anil ya yich ak'el ta k'abal yu'un ya yich milel ta cruz. ³ Jauk meto te wowanej sacerdote -etike sok te mamaletik yu-un te ants'winiketike la stsobsbaik ta banti muk' ul na yu-un muk'ul sacerdote te ja sbi'il Caifas. ⁴ Yakalik xchapel sk'opik te bit'il muken ya xchukik te Jesuse sok ya smilik. ⁵ Yu-um jich ma yalikito: Ma jauka te k'alal yak ta pasela te k'ine yu-un jich ma xjach ta k'op te ants-winiketike ⁶ Jauk meto te k'ael ayto ta betaña te Jesuse ta banti sna te simon te ay k'ael cha'mel yich'oj la stinanba koel ta banti weibal te. ⁷ Noptsajt el ta stojol tul ants te yich'ojtel yawil pox te jubet nax yik' sok utsnax stojol jich la smalbey koel ta sjol te Jesuse. ⁸ Te k'alal la yilikte nopojele tik yu-un, ilinik jich la yalik :¿ " bistuk te jontol nax ya wixlane? ⁹ Ja lek te lajuk yich' chonel bayal tak'in ya xlok'a jich ya jkak' betik te mebajetike." ¹⁰ Te Jesuse k'alal la sna stojolito, jich la yaltilabey: ¿ bistuk te ya wuts'inik te antse ? te beluk la spas ta jtojole t'ujbilnax. ¹¹ Melel te mebajetike spisil ora ya x-ain ta wolilik, yan te jo-one ma spisik ora. ¹² Te k'alal la smaltel koel te poxil te jubetnax yik' tajbak'etal te antse, ja la spas ta swenta te k'alal ya jkch' mukel. ¹³ Ta smelil ya jkalbatik, chikan banti ya yich' cholel te jk'ope ta spisil balumilal, ya yich nael te antese yu-un ya yich cholel te beluk la spas. ¹⁴ Jauk meto tul ta slajchytulul te nopojeletike, te ja sbi'il Judas Iscariote, bajt' ta stojol te wolwanej sacerdote- etike. ¹⁵ Jich la yal : ¿' beluk ya wak'bonik teme ya jkak' batik ta k'ab te Jesuse? jich la snopik te ya yakbeyik lajuneb xchawinik (30) ta sejp' plata fak'in. ¹⁶ Ora kaj snop te bit'il ya yut te ya yak' te Jesuse. ¹⁷ Jauk meto ta sbabeal k'a-al yu-un fe kaxlan waj te mayuk levadura yich'oje talik ta stojol te Jesuse jich la yalik: '¿ banti ya k'an te ya xba chajbantik te banti ya xweat yu-un te k'in pascuae "? ¹⁸ Jich la yal te Jesuse: " ba-anik ta banti muk'ul pam lum k'oponaik tul winik sok albeyaik: te Jesuse jich ya yal: te jku'une. ¹⁹ Te nopojeletike Jesuse, la spasik te welile yu-un te Pascua ²⁰ Te k'alal och te ajk'ubale, la snajk'ansba ta we-el sok te lajchetul (12) nopojeletik. ²¹ Te k'alal yakalik ta we-el jich la yaltila bey:" ta smelelil ya jkalbatik te ay tul te jaexe te ya yak'on ta k'abal. ²² Bayal la smel yot'anik tulu tul jach' sojk'ibeyik: ¿ jo-onbal kajwal"? ²³ Jich la sut te Jesuse:" te mach'a ya yotselbel sk'abuk te banti yakon ta we-ele ja ya yak'on ta k'abal. ²⁴ Te nich'anile ya xbajt' jich te bit'il tsibubil jilel: jauk meto ¡ obol mesba te winik te ya yak ta k'abal te nich'anile! ja lek te manchuk bejk'ajuk te winike" ²⁵ Te Judase, te ja ya yak' ta k'abal te Jesuse jich la yal : " jo-on labal kajwal? jich albot: " ja-atnix la wal." ²⁶ K'alal yakalik ta we-el, te Jesuse la stsak te kaxlan waje, la xch'ultes jich la xet. la yak'bey te nopojeletik yu-une jich la yal: " Tsakaik sok weaik. Ja jbak'etalito" ²⁷ La stsak te kopa e jich la yal wokol jich la yak'tilabey jich la yal: " uch'aik, ja pisilik. ²⁸ Yu-un ja ch'ich'elito ja trato te ya yich'malel yu-un spisilik te ya staik perdon yu-un smulik ²⁹ Te jo-one ya jkalbeyex, ma jkuch' yamvuelta sok ja-atik ta banti ay ta ajwalinel te jtate ³⁰ Te k'alal laj yot'anik ta k'ayoj, bajt'ik ta wits yu-un olivoetik. ³¹ Jich la yaltilabey te Jesuse: " Ta pisilik te ja-atike ya k'ejabaik lok'el te ajk''ubalito ta skaj te jwenta, ya-un jich ts'ibubil: " ya jmaj te kanan chijetike sok te chijetike ya xpujk'ikbe-el " ³² Jauk meto, ta patilal k'alal ya yich' jachel moel, jo-on ya xnelajonbel ja wu-unike, ta lum Galilea " ³³ Te Pedroe jich la yalbey: " manchukme spisilik ya sk'ejbaik lok'el ta tojol, te jo-one ma jkejba lok'el ³⁴ Te Jesuse jich la yalbey: " ta smelil ya jk'albat, te jai ajk'ubal to ma to xk'ajina te tat mute, ya mukon ta wot'an oxeb vuelta" ³⁵ Te pedroe la yalbey: " manchukme ya xlajon sok ja-at, maba ya jmukat ta jkot'an." jichnix, la yal spisilik te yantik nopojeletik. ³⁶ Jauk meto te Jesuse bajt sok te nopojeletik yu-une ta banti lum ja sbil-il Getsemani" najk'anabaik leito yu-un ya xba jk'opon Dios. ³⁷ La yik'bel te pedroe sok te cha tul xnich'an te zebedeo jich jach' ta mel ot'an sok woklajel ³⁸ Ta patilal la yaltilabey: te jch'ulele bayal mel ot'an ya yaiy, lajelonix ya jkayba. aynanik lei to pajal ya jwik'tik sitik ³⁹ Nalaj xan bel tebuk jich la stinankoel yelaw la sk'opon Dios jich la la yal : jtat te yakuk stak te ya xk'ax te kopa ta jtojole: jauk meto, ma jauk te beluk ya k'an te ja-ate" ⁴⁰ Sujt'el le te banti ay te discipuloetik yu-une wayatik jul sta, jich la yalbey te Pedro: " yu-unbal ma ju awunik te la wik'ik ja sit ik junuk orae? ⁴¹ Wik'a me asitik sok k'oponaemik Dios yu-un jich ma xtal yiljibal ja wot'anik. Te espiritue ay yip stukel, yan te bak'ete mayuk yip stukel." ⁴² Jich la sk'ejbabel ta xch'ebal vuelta la sk'opon Dios: jich la yal: " jtat, teme ma stak' xk'ax jich te bit'il ma la jkuche, aka pastajuk te sk'anjel ja wot'ane" ⁴³ Cha sujt'el ta yamvuelta wayatik jul sta, yu-un aliknax la yayik te stik. ⁴⁴ Jich bajt' la yijk'tey jilel yamvuelta; la sk'opon Dios ta yoxebal vuelta la xcha yal te beluk yalojixae. ⁴⁵ Te Jesuse tal ta stojol te nopojeletik yu-une jich la yaltilabey: " ¿ Yu-un bal wayalatikto sok yakatik ta ich' lewa? ilawilik, nopol ya staix te ora yu-un te nich'anil ya yich' ak'el ta k'abal ta sk'ab te mulawiletik. ⁴⁶ Jajch'anik ya xbotikix. ilawilik, te mach'a ya yak'on ta k'abal nopol ay " ⁴⁷ K'alal yakto k'opa te Jesuse, Jultel te Judase, tul te lajchayeb nopojeletike. bayal ants-winiketik yu-un te wolwanej yu-un te sacerdote- etike sok. yich'ojihtel xma chitik sok steik ⁴⁸ Ja yu-unito te winik te ya yak' ta k'abal te Jesuse ok'botik jun señail, jich la yal: " Te mach'a ya jkujts'iy, ja me abi. Tsakaik" ⁴⁹ .- Orajnax tal ta stojol te jesuse jich la yal: "¡Talon, Maestro!" jich la yujts'iy. ⁵⁰ .-Te Jesuse la yalbey: "Juy, pasa te beluk tal japas, "jich talik, la spikik sok te sk'ab jich la stsakik. ⁵¹ .-Ilawilik, ay tul te mach'a sjuinej te Jesuse la stuy te sk'abe, la slok' estel te xmachite la smaj te yabat me te muk'ul sacerdote jich la set'bey lok'el te xchikin. ⁵² .-Jich la yal te jesus: "k'eja te ja machit ta banti yawil, yu-un spisil te mach'atik ya stsakik te xmachitik ya xlajik machit ya yich'ik me. ⁵³ .-¿Yu-unbal ya kuy te ma xu jkun ya jk'ambey te jtate me, jich ya stikumbontel lajchaytijk' ch'ul abatetik yu'une? ⁵⁴ .-Jauk meto, ¿bit'il ya xk'ot ta pasel te beluk ts'ibubile, jauk meto puersa ya xk'ot ta pasel?". ⁵⁵ .-Te Jesus oranax la yalbey te ants-winiketik: "¿lok'atiktel sok ja machitik sok ja teik yu-un ya tsokonik jich bit'il te elek'one? jujun k'a-al nakalon me ta templo yakon ta p'ijtes wanej, ma la chukonik. ⁵⁶ .-Jauk meto ja ya xk'otix ta pasel spisil te beluk ts'ibubil yu-un te alwanejetik. "ta patilal spisil te nopojeletik la yu-une ijk'teyot jilel jich lok'ik ta anel. ⁵⁷ .-Te mach'atik la stsakik te Jesuse la yik'ikbel ta stojol te caifas te ja muk'ul wolwanej yu'un te sacerdote, banti te ts'ibujometik la sok te mamaletik stsoboj sbaik. ⁵⁸ .-Te pedroe st'unojbel la namalto me yak'oj sba te banti ay te yamak' te muk'ul wolwanej yu'un yu'un te sacerdote. Ochbel me ja la sjuin la ta naklej me te kananetike me yu'un ya ska'an yil te bit'il ya xil la te Jesuse. ⁵⁹ .-Jauk meto te wolwanej yu'un te sacerdote-etike sok spisil te muk'ul tsoblej yu'unike yakalik ta sle-el lotil le mulil ta swenta te Jesuse, yu'un jich ya stak' yak'ik ta milel. ⁶⁰ .-Jauk meto mayuk la staik, manchukme la bayal me mach'a la spas lotil le mulil. jauk meto ay tal cha t'ul. ⁶¹ .-Jich la yalik la: "te winikito la yal:" ya stak' ya jim te templo yu'un te Dios jichnix ya stak'jpas ta oxeb k'a-al."" ⁶² .-Te muk'ul wol wanej yu'un te sacerdote jajch'tel moel jich la yalbey: "¿yu'unbal mayuk bi la sut? ¿beluk yakalik yalel te mach'atik yak'ojsbaik ta testigo yu'un ta wentae?" ⁶³ .-Jauk meto ma la sjak' te Jesuse. te muk'ul wolwanej yu'un te sacerdote jich la yalbey: "ya jpasat ta maltal ta swenta te kuxul Diose, albotika teme ja'at te Cristo, te xnich'an te Dios." ⁶⁴ .-Te jesuse la sutbey jich la yal: "ja-atnix la wal; yu'un jich ya jkalbatito teme k'axbel te k'ale ya wil te nich'anil nakal ta swa-el sk'ab te tatile, jich ya xtal ta tok'al ta yolil ch'ulchan." ⁶⁵ .-JIch yu'un te muk'ul wolwanej yu'un te sacerdote la xch'i te sk'u pak'e jich la yal: "la yaiy bol k'opte wanej. ¿bistuk te ya to jk'antik yan testigoe? Ilawilik, ta ora to la wayik stojol bolk'optayel. ⁶⁶ .-¿beluk ya ponik? jich la sutik jich la yalik: "ya snujp' te ya xlaj." ⁶⁷ .-Jich la stubtaybeyik te sit yelaw sok la smajik, la smajik sok te xpejch'umal sk'abike. ⁶⁸ .-Jich la yalik: "albotika, te ja'at te Cristo. ¿mach'a te la smajat? ⁶⁹ .-Jauk meto te pedro nakal ta banti amak; tal tul criada ta stojol jich la yal: " te ja-atuke ja juinej te jesus te talem ta lum galilea." ⁷⁰ .-Jauk meto la smuk ta yot'an ta stojolik' jich la yal: "majna te beluk yak ja walbelone." ⁷¹ .-Te k'alal lok'tel ta banti ti nael, ay yan criada te ilot yu'une jich la yaltilabey te mach'atik ayik leae: "jai winikto sjuinejuka te Jesus te talem ta lum nazaret." ⁷² .-La smuk ta yamvuelta ta yot'an sok la yak' ta testigo te Diose: "Ma j nabesba jai winikto." ⁷³ .-Ta patilal sok ajk'tonaxa te mach'atik nopol tek'atik lea talik sok jich la yalbeyik te pedro: "ta smelil te ja-at ja juya sok, ja ya xchiknaj yu-un te bit'il ya xk'opojate." ⁷⁴ .-Jich yu-un, jajch' ta labanwanej sok yalel bol k'opetik: "Ma jnabesba jai winik meto," jich oranax k'ajin te kelmut. ⁷⁵ .-Te pedro jul ta yot'an te beluk albot yu-un te Jesuse: "Mato xk'ajina te kel mut te ya mukot ta wot'an oxe vuelta. "jich lok'bael sok bayal ok' yu-un.