¹ Te jesús lok'bael ta sna te Diose yak beel be. Te jnopojeletik yu'une oxtajik bael ta stojol yu'un yak' beyik yil tee bit'il ay te smuk'ul sna te Diose. ² La sok' te Jesús jich la yaltilanbey: "¿Te jaex ya kek bal tayilel into? "Jamal ya k'albeyex ma me a'yuk bijuk ch'en kajal ya jil ta sba ta yan ch'en te ma ya yich ta jimele." ³ K'alal la snak'ansba ta muk'ul wits yu'un olivoetik, te jnopojeletik nojpst'ajik bael ta muken ta stojol te Jesús jich' la yalbeyik: Ala kaytik, ¿bin ora yax k'ot ta jpasel spisil into? Sok ¿bin señail ya xchik' naj te k'alal ya ch'a talate sok nix ta slajibal te k'aale?" ⁴ La sak' te Jesús sok jich la yaltinlanbey: "stsajteyamabaik, yu'un ma me ayku mach'a ya slo'liyex. ⁵ Yu'un bayal me mach'a yax tal ta jbiil. Te ya yalik: "Jo'on me te Cristoe, sok bayal me mach'a ya slo'liyik. ⁶ Te jaexe ya me a wayik stojol kerajel sok kerajeletik jich'ito. Ilaik' me-a wilik te ma ba ya xiw-a wot'anik yu'une, spisil into jich me ya x-k'ot ta pasel; ja'uk meto ma me ja-uk te slajibal k'aale. ⁷ Ya me xach' skontroin sbaik muk'ukal lumetik, sok te muk'ukal ajwaliletik. Sok ya me xtal bayal winal sok tulan nij'el ta yantik luna. ⁸ Ta spisil into ja me xjach'ibal to nax te wojklajel. ⁹ Ja yu'un te jaexe ya mex ak'otex ta uts'inel, sok ya me jawich'ik ta milel. Ya me a wich'ik ilayel yu'un spisil lumetik ta skuentta jbiil. ¹⁰ Bayal mach'a ya ch'ebaj yot'anik yuún sok ya me jech' yak' sbaik ta k'abal, sok ya me jech' yilintay sbaik. ¹¹ Bayal me lotil jpuk'opetik ya xach'iktel sok bayal me mach'a ya yich'ik loliyel yu'un. ¹² Ta skaj te ya x-esmaj te mulil, bayal me mach'a ya ch'ay te sk'uxul yot'anike. ¹³ Tan te mach'a ya xuyu'un ja to ta slajibal, ja me ya sta skolel stukel. ¹⁴ Te lek yach'il k'op yu'un ajwalil yu'un te Diose ya me yich' aleel ta spamal balumilal ta skuenta yu'un jich jamal ya jchiknaj ta spisil muk'ul lumetike. Jich'me ya xtal te slajibal k'aale. ¹⁵ Jich yu'un, te k'alal ya awilik te bila ilabilsba te ya xinwane le la yalbey, sk'oplal te alwanej Daniele, k'alal tek'el ta ba ch'ultesbile, (te mach'a ya sk'opon te junto aka me kotok yot'an), ¹⁶ spisilik te mach'atik ayik ta Judea anukik bael ta wits'tikal, ¹⁷ te mach'a kajal ta sba snae manchuk me xkotel sleel te bila ay ta snae, ¹⁸ sok te mach'a ay ta bay sk'inal manchuk me ya sut'bael ta sleel te smuk'ul-skue. ¹⁹ Ja-uk meto obolmesbaik te mach'atik ay aletik yu'une sok te chu'ulalaletik yu'unik ta yorail a-bi. ²⁰ K'oponaik'me Dios yu'un k'alal slok'ex te anel manchuk me yorail sik-a, sok manchuk me skalel kux-ot'anil a. ²¹ Ya me xtal muk'ul wokolil, jich bit'il mayuk k'oem ta pasel k'alal ta shach'ibal yu'un balumilal ta ora to, sok mayuk jich ya xk'ot ta pasel ta patilal. ²² Te manchuk ya yich ch'uyel sk'alelal spisil into, mayuk tuluk ch'ich bak'et ya skol jichuke ja-uk meto ta sk'uenta te macha tsabilike, ya yich ch'uyel te sk'alelal in to. ²³ Jich yu'un te me ay mach'a ya yalbeyex te jaexe: "llawil, ¡Le ay te Cristo! sok ¡In bay te Cristo! ma me xa-a ch'uunik. ²⁴ Yu'un ya me stal lotil Cristoetik sok lotik alwanejetik sok ya me yak'ik ilel muk'al señailelik sok jchap at'elil, yu'un ya sloliywana, ya kuk xue ya me yich' loliyel te mach'a tsabilike. ²⁵ Ilawilik, te jo'one la me kalbeyex yu'un mato me sk'ot ta pasel spisil into. ²⁶ Ja-uk meto, te me ay mach'a ya yalbat', "Ilawilik, te Cristo ay ta bay jachol takin k'inal." ma me xba-at lea: sok, ilawil, le ay ta bay yutil na; mame xach'un. ²⁷ Jich te bit'il tsantsejwal te ya xlem ta bay slok'ibal k'aal, ja me jich ya x'chatal te nich'anile. ²⁸ Te banti ay kot' chambalam te jlajeme le me stob sbaik a te Jumenetike. ²⁹ Te me k'ax yorail spisil in wokolil to ya me xtup xojobil te k'aale, te ma ya yak'ik xojobil, te ek'etik ya me xch'ayik koeltel ta ch'ulchan, sok ya me yik lilanel sok te spisil te bitik ay yuelik ta ch'ulchane. ³⁰ Jich me ya ch'ik naj tel señail, te snich'anile ta ch'ulchan, sook spisil te ch'in lumetik ta spamal balumilal ya smel yot'anik yu'un. Jich me yilik te snich'anil te yak ta tael ta stokalil ch'ulchal sok te yuele sok te smuk'ul yutsilal. ³¹ Jich me ya st'ikuntalel ch'ulabatetik yu'un sok te k'alal tulan ya x-ojk'sinot te ok'ese, jich me ya stobik ta sch'anebal chikin ch'ulchane sok te sch'an jech'el sbelal te ike' te machá stabilike. ³² Nopeyaik stalel te higuera te' te ay ta señail k'ope, k'alal yakix ta ach'ubel te sk'ap sk'ab sok k'alal ya xlok' tel te yabenale, te jaexe ya me a naik te yorailix te k'ajkle k'inale. ³³ Janix jich, k'alal a wil spisil into, te jaexe ya me sk'an a naik te nopol ya xtal te Jesús, te jnopol ayix ta tinail. ³⁴ Jamal ya kalbeyex, te ts'umbalil into ma me ya xk'ax, ja to me te me k'ot pasel spisil into. ³⁵ Te ch'ulchan sok te balumilal ya me xk'ax, yan te k'ope ma ba ya xlaj stukel. ³⁶ Te bin yorail ya xk'ot ta pasel in to mayuk mach'a ya snabey sk'alelal, ni jauk te ch'ul abatetik te ay ta ch'ulchan, ni jauk te jnich'anile, ja nax stukel te tatile. ³⁷ jich te bit'il yorail xkuxlejal te Noe, jich me ya xtal te jnich'anile. ³⁸ Jich te bit'il sk'alelal pulemal yakalik ta we'el uch'bajela, yaklik ta nujp'unel sok yakik ta snujptesel sbaik ja to k'alal k'ot sk'alel te och' bael ta arca te Noeje. ³⁹ Mayuk bi la snaik-a ja to te jul te jpulemal jich me lajik' ta spisilik, jich me ya xtal sk'alelal te jnich'anile. ⁴⁰ Ay cha'tul winiketik te ayik ta sk'inalik, tul ya x-ik'ot bael, tul ya xjil. ⁴¹ Cha'tul antstetik ya kalik ta junej; tul me ya x-ik'ot bael, tul ya xjil. ⁴² Ja-uk meto wik'iluk me a sitik, melel te ja atike ma a naik te bin ora ya xk'ot sk'alel te ya xtal te ajwalile. ⁴³ Ja-uk me to naaik' me, te lajuk sna te yajwal te nae te bin ora ya xtal te elek'e, ya me xwik'sitey sok ma ya yak och'el ta sna jichuke. ⁴⁴ Jichex me-uk ya me sk'an chapalukex, yu'un k'alal ya xtal te snich'an winike te jaexe ma ba a naojik te yoraile. ⁴⁵ Jich yu'un, ¿machá te abat' te jun yot'an sok te ay spijil yot'an, te stabil yu'un te ya skanante b jilel te snae, yu'un yak welil ta yorail? ⁴⁶ Ch'ultsbiluk me te abat'il, yu'un k'alal xta'ot yu'un te ajwalil jich yak' ta spasel. ⁴⁷ Jamal ya kalbeyex te ajwalil bie ya me yak'bay swenta inel spisil te beluk ay yu'une. ⁴⁸ Yan teme ay tul abatil te ma lekuk sok ya yal ta yot'an: "Te ajwalil ku'un ma stal ta ora." ⁴⁹ Sok ya xach' smaj te jsuy ábatil sok xwe'-uch'ba sok yak' beletik, ⁵⁰ te abate ya me sla yorail te ch'ayen nax yot'an-a sok te ma snabey sk'alelal te bin ora ya xtal te yajwale. ⁵¹ Te ajwalil ya me x'ak'bot tulan kistigo yu'un sok ya x-ak'bot so in te jchebal ot'aniletik, te banti ay te ok'el sok te bay.