¹ Jich te Jesus la sk'opon te ants - winiketike sok te nopojeletik yu'une. ² Jich la yal:" Te ts'ibojometike sok te fariseotike ya snak'ajik ta snak'tib te moisese. ³ Jich yu'un spisil te bek ya yalik mantal te ya a pasike, ch'uunaik me spasel sok ilawilik ta lek. ⁴ Jich, ya xchukik ik'atsil te alik nax te wokol ta kuchel, sok ya yakbeyik ta snejk'el, te ants - winiketik. Yan stukelik ma xjach'ik sbik'tal sk'abix ta skuchel. ⁵ Spisil te bek ya spasike, janax ya spasik yu'un te yukuk yich'ik ilel yu'un te ants-winiketike. Melel ya smulanik smuk'tesel te bek ya xchukik ta sk'abik sok ta stibaik sok ya smulanik te naj'uk te stsits'mal te sk'uike. ⁶ Ja' ya sk'anik te xnak'ajik ta bay lekikal weeliletike sok ta kekikal naktibaletik ta bay sinagogaetik, ⁷ sok te yakuk yich'ik patbeyel yot'an ta bay chiwichetik, sok te yakuk yich'ik albeyel " Rabi ” ( maestro ) yu'un te ants-winiketike. ⁸ yan te ja'exe ma me sk'an te ya a wich'ik albeyel " Rabi ”, mele ja' nax jtul te maestro ay awunik, sok ta a pisilik awermano abaik. ⁹ Sor ma me ayuk jtuluk winik te ya a walweyik jtat ta balumilal, melel jtul nax te a tatike, ja' te ay ta ch'ulchane. ¹⁰ Ma me stak' ya wichik albeyel "maestro", melel jtul nax te maestro awu'unike, ja te cristoe. ¹¹ Te mach'a muk' ta a wolilik ja me abat ya xk'ot a wu'unike. ¹² Te mach'a ya etuy abae pek'el me ya ok'ot. Sok te mach'a pek'el yak'o sbae ja me toyol ya sk'ok ¹³ ¡ Ay me awobolilabaik, ts'bojametik sok fan'seotik, te cha'lam awot'anike ! melel ya a makbeyik ta stojol te ants-winiketik te ajwaline yu'un te ch'ulchane. Melel ma ba ya x- chexa te ja'exe, sok ma ba ya awak'ik ochel te mach'atik ya sk'an x- ochike. ¹⁴ ¡ Ay me awobolilabaik, ts'ibojometik sok faniseotik, te ch'alam awot'anike ! melel te ja'exe ya apojbeyik sbiluk te me' ba antsetike. ¹⁵ ¡ Ay me a awokolik, ts'ibajometik sok faniseotik, te cha'lam awot'anike ! melel ya xbaatik ta muk'ul pampam ja'etik sok ta yantik lumetik yu'un ya awak' sut yot'anika. Sok te me la sutik yot'ana, cheb vuelta k'ax nich'anil yu'un k'atinbak ya sk'ot awu'unik jich te bit'ilexe. ¹⁶ Ay me awobolilabaik, te ja'ex ik'wanej masitetik, te jich ya awalik:" Te me ya mach'a ay bila ya yal ta jamal ta skuenta te snaj te Diose, mayuk sk'oplal k'oem. yan tem ay mach'a ay bila ya yal ta jamal ta skuenta re oro yu'un te bila la yale”. ¹⁷ Te ja'exe bolex masitetik, ¿bek mero tulan sk'oplal, ja bal te oro, o ja bal te snaj te Dios te ja yak'o te ora ta stojol te Diose? ¹⁸ sok, " teme ay mach'a ay bila ya yal ta jamal ta skuenta te skajtijib chik'jibal majt'anil, mayuk sk'oplal k'oem. Yan te me ay mach'a ay bila ya yal ta jamal ta skuenta te majt'anil te ay ta eba, ja me chuk bil k'oem yu'un te bila ya yale”. ¹⁹ Ma' sitex ants - winiketik, ¿bek mero muk' sk'oplal, ja bal te majt'anile o ja bal te skajtijibal te chik'bil mat'anile te ja yak'bey te Diose? ²⁰ Jich yu'un, te mach'a bila ya yal ta jamal ta skuenta te skajtijib chikjibal majt'anil, spisil ya sta ta alel te bek ay le'a. ²¹ Sok te mach'a ay bila ya yal ta jamal ta skuenta te snaj te Diose, ja'nix jich ya yal ta jamal ta stojol sok te mach'a naimen le'a ²² sok te mach'a ay bila ya yal ta jamal ta skuenta te ch'ulechane, ja ya sta alel te smuk'ul snaktijib te Diose sot te mach'a nakal le'a ²³ ¡ Ay me awobolilabaik, ts'ibujunetik sok fariseotik, te cha'lam awot'anik! melel janax ya a lok'e sik te jun ta slajunebal te menta, eneldo sok comino,ja'uk me to ja awik'itayojik ta spasel, te k'uxtaywanej sok te xch'uunjel - ot'anile. Janix la sk'an ja pasik te jich'ue, sok janix jich ma a wik'itay ta spasel te yane ²⁴ ¡ja'atik ik'wanej masitetik, te ya a chich'anik te chin use yan te camelloe ja ya abik'ik koel ekojt stukel¡ ²⁵ ¡ Ay me awobolilabaik, ts'ibojometik sok fariseotik, te cha'lam awot'anik! melel janax ya asapbeyik spat te vasoe sok te platoe, ja' uk me to te yutile nojel ta ats'iwanej elek sok te bayal xan ya xk'anuleye. ²⁶ Te ja'atix masit fariseotik, neel xasapbeyik yutil te vasoe sok te platoe, jich me sapil ya xk'ot te spate. ²⁷ ¡ Ay me awobolilabaik, ts'ibojometik sok fariseotik, te cha'lam awot'anik! melel jich k'oemex te bit'il mukenal te sak nax ta ilel, te t'ujbil nax tailel, ja'uk me to ta yutil nojel ta baketik yu'un lajem winik sok spisil te bitik ilaybile. ²⁸ Jich nix u-uk te ja'exe, jichex ilel te tojexe ta stojol te ants-winiketike, ja'uk me to nojel ta awot'anik te cha'lam-ot'anile sok te bek ma toj ta pasel. ²⁹ ¡Ay me awobolilabaik, ts'bojametik sok fariseotik, te cha'lam awot'anik! melel ya a pasbeyik smukenal te alwanejetik sok ya ach'albeyik te smukenal te mach'atik toj yot'anike. ³⁰ ¡Sok jich ya awalik:"Te ja'uk kuxulotika te k'alal kuxinik te jme'-jtatik, ma ba la kaytik milaw sok te mach'a la smakbecyikix-a xich'el te alwanejeti te jichuke". ³¹ Jich yu'un, ja' ex nix ya awalbey abaik te ja' ex yal-snich'anex te mach'atik la smilik te alwanejetik. ³² Jich nix te ja'atike ja nix ya a muk'tesik te stojol smul te a me'-atatike. ³³ Chanetix, sts'umbalex jti'awal chanetik, ¿ bit'il me ya skolex tel lok'el yu'un te ich'el ta k'op yu'un te k'atin bake? ³⁴ Jich yu'un, ilawilik, ya me tikunbeyex alwanejetik, p'ijil winiketik sok ts'ibujunetik. Ay me ya amilik sok ya a jip'anik ta cruz. Sok ay me ya a majik ta sinagogaetik sok ay me ya a nutsik bael ta jujun lumetik. ³⁵ Jich yu'un te bek ya sk'ot ta awentaike ja te xch'ich'el te mach'a toj yot'anike te malem ta lume, k'alal ta xch'ich'el abel te toj yot'ane ga to ta xch'ich'el Zacarias te snich'an Berequias, te mach'a la a milik ta yolil snaj te Diose sok xchik'jibal majt'anile. ³⁶ jamal ya kalbeyex, ja' me ya sk'ot ta stojolik te mach'atik kuxulik ta ora to. ³⁷ ¡Jerusalén, Jerusalén, te ya amilik te alwanejetik sok ya ach'ojik ta chem te mach'atik tikunbilik tel ta a tojolik! ¡ Bayal vuelta la k'an jtsobeyex te awal - anich'anike, jich bit'il ya stsob yaltak ta yanil xik' te me'mute, ja'uk me to ma la ak'an! ³⁸ Ilawil, jochol me ya xjil te a nae. ³⁹ jich ya kalbeyex, ma ba ya a wilbonik xan sit, ja' to teme ya awalik:" Bin nax yutsil te mach'a ya xtal ta skuenta sbiil te kajwaltike”.