¹ Jich te Jesuse sok te nopojeletik yu'un k´otik ta nopol Jerusalen sok talik ta Betfagé te banti ay te wits Olivoetike, jich yu´un te Jesuse la stikun bael te nopojeletik yu´une, jich la yalbey: ² Banik ta bay ch´in lum te nopol aye ta ora nax ya a taik kojt´ Sme burro sok ch´in yal. ³ Tilaik tel sok ik´bonik tel-a. Te me ay mach´a ya sjok´ibeyex yu´un te bina apasike, te ja-exe ya me awalbeyik, «Te kajwaltik ya xtu´un yu´un», jich me te mach´a ya sjok´ibeyexe ya me yak´beyextel ta ora nax». ⁴ Jich me ya xk´ot ta pasel ta ora to te bina yaloj te alwaneje. jich la yal: ⁵ «ALBEYA TE YANTSI SNICH´AN TE SIONE: ILAWIL, TE MUK AJWALIL AWU´UNE TALIX ME TA ATOJOL, PEK´EL YAK´OSBA SOK KAJAL TEL TA CH´IN BURRO ALAL YU´UN TE SME TE BURROE». ⁶ Jich yu´un te nopojeletike bajt´ik sok jichnix la spasik te bit´il la yich´ik albeyel yu´un te Jesuse. ⁷ La yik´ik tel kojt´ sme te burroe sok kojt´ te yale, jich la yak´ik te spak´ik ta sba te ch´in burroe, jich te Jesus kaja moel. ⁸ Bayal te ants-winiktik la slimik te smuk´ukal sku spak´ik (mantos) ta be ⁹ Te mach´atik nelajik bael sok te st´unojik te Jesuse, yakik ta yalel ta aw: *¡BINAX YUTSIL TE SNICH´AN DAVID!, CH´ULTESBILUK ME TA MACH´A TALEM TA SBIIL TE KAJWALTIKE. JELAWEN YUTSIL TE MACH´A AY TA CH´ULCHANE!* K´alal ¹⁰ Jesus och bael ta Jerusalén, spisilik te mach´atik ayik le-a jach´ik ta stijbel sbaik sok yakik ta yalel: *¿Mach´a awinik to?* ¹¹ Te ants-winik te sjokinoj tel la yalik: *Ja-i to ja te Jesus ta alwanej te talem ta Nazaret ta Galilea*. ¹² Jich yu´un te Jesuse och bael ta sna te Diose. Jajch´ slok´es bael spisilik te mach´atik yakik ta mambajel sok te yakik ta chombajel ta ba sna te Diose. Ja nix jich jajch´ sbok´ tiklambey te smesa te mach´atik jel tak´inetike sok te snaktijibik te mach´atik yakalik ta xchonel tsumutetik. ¹³ Jich la yalbey: *Jich tsibubil, TE JNAE ALBIL ME TE SNA-UL SK´OPONEL DIOS;YAN TE JA-EXE LA AK´ATBUNIKIX TA SNA ELEK´ETIK*. ¹⁴ Jich yu´un te masitetike sok te koxo-etike talik ta stojol te Jesuse ta k´alal ay ta yutil sna te Diose, sok la skoltey te chameletike. ¹⁵ K'alal te la yilik te muk'ukal wolwanej Sacerdteetik sok te escribaietike te bila yan xanix-a te yak ta pasele te kajwaltik sok te la yayik stojol te ya kalik ta aw te ch'in aletike ta bay sna te Diose sok yakalik ta yalel " Binax yutsil te snich'an David”, jich ilin yot'anik yu'un. ¹⁶ Jich la yalbeyik:"¿Ja kat bal ta yayex stojol te beluk ya kalik ta yalel te ants - winiketike ?”La sut' te kajwaltike:"¡ Laj ! ¿ ma ba awilojik ta sunal sk'op Dios "TA YE TE CH'IN ALETIK SOK TE CHU'UL ALALETIK TE JELAWEN YUTSIL YA YICH' K'AJINIEYA TE A BIILE? Jich' ¹⁷ te jesuse lok' bael bajt ta luim Betania te way jelel_a ¹⁸ Ta sab, k'alal yak ta sujt' el beel-a muk'ul lum, la yay winal. ¹⁹ La yil jun higvera te' te nopol ay ta ti' bee jich' oxtajbael lea ja-uk meto ma la stabey sit' janax te yabenale. Jich' la yalbey," ma me ja wak'is ja sit” ajk' nax te higuera te jajch ta takinajel. ²⁰ K'alal la yilik te nopojeletik, ehamnax la yayik yu'un sok jich la yalik, "¿bit'il aya-a te Higuera te' ajk'nax jach' ta takele? ²¹ Te Jesus jich' la sut' sok jich' la yal, "jich' jamal ya kalbeyex, te me te jaexe ay xch'unjel awot'aniki sok te me ma xchebetuk awot'anik, te jaexe ms me jsuk nax apasik te beluk la pasik sok te higuera te' ya me xu-a walbeyik ja in wits to, '' lok'antel sok ch'ojaba ochel ta muk'ul ja'' jich me ya xk'ot ta pasel. ²² Spisil te beluk ya ak'anik ta sk'oponel te Diose te me ya xch'u-un awot'anik ya me x-akbotex''. ²³ K'alal Jesus bajt' ta sna te Diose, te wolwanej Sacerdoteetik sok te principaletik yu'un te lum oxtajik tel k'alal yak ta nojp'teswanej jich' la yalik:¿Banti la tatel te awel te jich' ya-a pase?¿ Sok mach'a la yak' bat te a wuele?'' ²⁴ Te Jesus la sak jich la yal:" jichonok ay beluk jok' ibeyex. te me ya-a sut boniktel, ja nix jich ya kalbeyexuk abi te banti la jtatel te jkuele yu'un spasel into. ²⁵ te ich'já yu'un te Juan, ¿Banti tal, tal ta ch'ulchan o tal ta winiketik jich kaj yalbey sbaik, "Te me ya kaltik talem ta ch'ulchan, ya me yalbotik, ¿bist'uk ma la ch'unikixa-a? ²⁶ teme ya kaltik, talem ta winiketik ya me xitik' te lume yu'un ja yilojik te Juan jich bit'il tul alwanej. ²⁷ jich la sak'ik ta yalbeyel te Jesuse, "te Jo' otike ma jnatik xi-ik. la sut yambuel te Jesus;, "jchonok ma ba ya kabeyex banti la jtatel te kuele yu'un spasel into. ²⁸ ¿beluk ya anopik yu' un into? ay tul winik cheb snich'nab. oxtajbel ta stojol te sba snich'ane jich la yalbel : jnich'an ban ta at'el ta bay yawil ts'usubil ²⁹ te snich'an la sut' jich la yal, te jo'one ma sbon xi", ta patilal la sujtes sk'op jich bat' ta at'el ³⁰ te winik bat' ta stojol te ch'ebal snich'ane ja nix jich la yalbey te biti sneelal snich'an la sut' jich la yal: jichuk jtat, ya sbo'on xi, ja-uk meto ma ba bat' ta at'el. ³¹ ¿ban ti ta x-cha tulul te nich'aniletik las pas te te beluk albot' yu'un te st'ate? jich la yalik ja te jba nich'anile. "la yich'ik albeyel yu'un te Jesuse, "jich jamal ya kalbeyex,te mach'a k'an patanetik e sok te antstik te mach'a ta x-chon sbaik ja me neel ya x-ochik ta sna te Diose te jaexe patilk me ya xilex ³² te Juan tal ta atojolik yu'un yak'bex a wilik te stojil bee, ja-uk meto te jaex e ma ba la ch'aunbeyik;yan stukel te k'an patanetik sok te anst'ik te mach'a ya ch'onsbaik e la xch'uunik st'ukel. Yan te jaexe, te k'lal la wilike te jich k'ot ta pasel, ma la sut' awot'anik sok ma la a xch'uunik. ³³ Ayawayik' stojol yan señail k'op. ay tul winik, te meto muk' sk'inal. La sts'un sts'usub lea, la sjuy ta mah' te, sok la sut'bey spits' ijibal, ya nix jich' la spas Jun toyol yiljibal-k' inal, sok la yak' ta majanel yu'un sts'un sts'usubetik. yan st'ukel bajt ta yan lum ³⁴ k'al nopolix-a te ya xk'ot sk'alel sk'okel te sts'usubetike, la st' ikonbael ch'a oxtul abatetik ta stojol te sts'un sts'usobetik yu'un ba slebeyik sit ³⁵ Ja-uk meto te sts'un sts'usubetike la st'sakik te abatetik, la smajik te tule,la smilik te yane, sok te yane la sch'ojik ta ch'en. ³⁶ yan buelta te yajwal k'inal e la st'ikonbael yan yabatetik,k'ax xan jich' te bit'il sneelale, te sts'un sts'usubetike ja nix jich' la spasbeyik te bit'il sneelale. ³⁷ Ta slajibal te yajwal k'inalela st'ikunbael te snich'an ta stojolik, jich la yal: jaik ya yich' bonik ta jmuk' stukel te jnich'ané. ³⁸ jich k'alal la staik ilel te jnich'anile, jach' yalbey sbaik "ja ,me te jnich'anil te ya x-ba yich jilel te k'inale; la'ik, jmiltik sok kich beytik jilel te smat'an k'inale xi-ik. ³⁹ jich la yik'ikbael, l xch'ojik lok' el ta spat' jmak'te yu'un te ts'usubil, sok la smilik lea. ⁴⁰ jich' yu'un k'alal ya sjutel te yajwal te k'inale "¿Bek' me ya spasbey te sts'un sts'usubetike? La sjok'iy te Jesuse. ⁴¹ La sak' ik te ants-winiketike ; " ja ya x-lajinbey sk'oplal te bol iniketike ta k'axem -toxan, sok ya me yak' bey smajan te sk'inal ts'usubil yantik at' eletik' winiketik te ya stojik sok te sit sts'usubetik k'alal ya sta yorail sk'okele. ⁴² Jesus jich la yal, "te jaexe maba a wilojik te sjun te Dios" te ch'en te la sbajik te pas-naetike, ta k'atbuj ta yip'tijib yuyal te nae Jai to ja me yu'un te kajwaltik, sok bayal yutsil ya kiltik" ⁴³ Jich yu'un ya kalbeyex, ya me a wich'ik pojbeyel lok'el ta a wolilik te bit'il ay ta ajwalinel te Dios te ay ta ch'ulchane ja me ya xk'ot ta swentaik te mach'atik ya sitin yu'unik ta mero leke. ⁴⁴ te mach'a ya smayu'un te ch'en to ya me x-lila ta spisil. Sok te me ya xnejt'ot yu'un te ch'ene k'axel tan me ya xil, xi te Jesuse ⁴⁵ Te muk'ukal wolwanej sacerdoteetik sok te fariseotik k'alal la yayik stojol te senyail k'ope, la snaik te ja yakalik ta yich'el albel yu'un. ⁴⁶ k'alal ya x-k'an stsakik, ja ya xi'ik te lume, yu'un te ants-winike ja alwanej k'oem yu'unik.