¹ Spisil te mach'a sjokine sbaike jajch'ik sok la yik'ik'bael te Jesuse ta stojol te pilatoe. ² Jich jach'ik ta yalel: "La jtatik in winik to te yak ta sjajch'esel k'op ta spamal k'inal, ya skomotik ta stojel te patan yu'un te Cesare, sok ya yal sba te ja' Cristo te muk' ajwalile." ³ Te Pilatos jich la sjok'obey te Jesuse: "¿ Ja'at bal te muk ajwalil yu'un te Judio etike?" Te Jesuse la sjak' sok jich la ya'lbey: Ja'at te jich la awale." ⁴ Te pilatoe jich la yalbey te jwowane sacerdotee sok ta spisil te antswiniketike: " Te jo'one mayuk smul lajtabey in winik to:" ⁵ Ja'uk me to yakalik ta sujel, jich yakalik ta yalel:" Ja inwinikto yak ta sok tes bel sjol te ants-winike, yak ta snoptesel k'alal to ta sk'inal Judea le' ne'el jach' tel ta sk'inal galilea ja nich ta bay in lum to" ⁶ Jich yu'un te k'alal la yaiy stojol te Pilatoe. Jich la sjo k'iy yaiy teme Galileo-winik te Jesuse. ⁷ Te k'alal la sna' stojol te le'talem ta stojol te Herodese, la stikunbael te Jesus ta stojol te Herodese, yu'un le' ay ta bay lum Jerusalen te bi k'a-alil ko't ta pasele ⁸ Te k'alal la yil te Herodes te Jesuse, b'inas yot'an yu'un, melel bayalix k'a-al te ya sk'an yolbey sito-a. Yu'un ya sk'an te yakuk ak'botuk yil jchajb at'elil yu'une. ⁹ Te Herodese bayal beluk la soj k'obey te Jesuse, ja'uk me to mayuk beluk la sjut'es. ¹⁰ Te jwolwanej-sacerdoteetik sok te ts'ibojometike tejk'ajiku-uk ta slebel smul te Jesuse. ¹¹ Te Herodese sok te yaj soldadoe la yutik, sok la slabanik te Jesuse. sok la slapbeyik buen t'ujbil k'u-ul, yu'unte la stikunik sujt'el ta stojol te pilatoe. ¹² Te Herodese sok te Pilatoe la yamik'oin sba'ik ta mismo K'a-alil ( yu'un bayalix k'a-ala te skontroinej sbaike. ¹³ Te Pilatoe la yik'tel te wolwanejetik sacerdoteetike sok te ajwaliletike sok ta spisil te ants-winiketike. ¹⁴ Jich la yalbeyik: " Te jaexe la wik'boniktel jain winikto te yakta swolel te ants-winik ta spasel te beluk amene ilawilik te jo'one la ki''jch'ix ta k'op ta atojolik, mayuk smul la jtabey me bayal smul ya alebeyik. ¹⁵ Mayuk, ni ja'uk te Herodes te la stabey te smule, melel la stikunbotikix sujt'el tel. ilawilik jich mayuk smul te ya x'ak'ot ta lajel yu'une. " ¹⁶ Jich yu'un te jo'one, ya me ka'jbey kastigo ta patil ya me koltay bael ¹⁷ ". Jich yu'un te pilatoe ya nanix sk'an ya skoltay bael tul Judio winik te ay ta chukel ta k'in te yakalik ta spasele ¹⁸ Jauk me to awunik ta apisilik, jich la yalik " i bajt'uk ta milel me winik to ja'me xakoltaybotik bael te Barabase !" ¹⁹ Te Barabas ay ta chukel yu'un ta skaj te bayal la sjach'es k'op ta yolil lum sok ta skaj te la yay milawe ²⁰ Te Pilatoe ba yalbe xan te lume yu'un ya sk'an skoltay bael te Jesuse. ²¹ Ja'uk me to awunik xan jich la yalik: " Mila ta cruz, mila ta cruz" ²² Te Pilatoe la yalbey xan te lum ta yoxebal bueltae "¿ Bistu-uk? ¿Beluk amen spasoj ja in winik to? Mayuk beluk amen jtaobey te ya x'ak'ot ta lajel yu'une. Jich yu'un ya me kak'bey kastigo ta patil ya me koltay bael. ²³ Ja'uk me to tulana awunik xan ta sk'anel te ya x-ak'ot ta lajel ta Cruz. Jich yu'unik te la spek' tsanik te Pilatoe. ²⁴ Jich yu'un te Pilatoe la yak'bey te beluk yakalik ta sk'anel te lume. ²⁵ La skotay bael te mach'a yakalik ta sk'anel te ya xkolej jabi ja te mach'a ay ta chukel yu'un te smul ta sjach'esel k'op sok te milawalej. Jesuse jich b'it'il te la sk'anike. ²⁶ K'alal la yik'ik bael te Jesuse la stsaki k jtul winik te Simon sbiil te talem ta lum cirene te xk'otuk ta k'alk'altik, ja' la yak'beyik xkuch bael te cruce la stsak'lin beel te Jesuse. ²⁷ Ay bayal ta tul te ants-winiketik sok te antsetik te yakalik ta ok'el sok mel-ot'an ta swenta te Jesuse. ²⁸ La sut sba yil te Jesuse jich la yal:" te jaex yantsilel te Jerusalen maxa wok' tayonik, jaxa wok'tey aba atukelik sok te awaltakike. ²⁹ Jich yu'un ila wilik ya me sta yorail te jich ya yalike Binay me yutsil te mach'a ma ba alajike, sok te mach'a ma ba k'ax alal ta xch'ujt'ike ba nuk'bot xch'unike. ³⁰ Jich me ya xjajch yalbeyik te witsetike: Net'awo'tik sok me te ch'in witsetike ya me yalbeyik: mukawotik. ³¹ Jich bit'il te ya spasbeyik te yaxal te'e, " ¿ Beluk me ya xk'ot ta pasel te k'alal takinix a te te'e?" ³² Ay yan cheb winketik te milawaletike la yik'ik'bael sok te Jesuse yu'un bat'in ta milel sok ³³ Te k'alal k'otik ta bay te k'imal te sbi-ilinej" chajara-bake" le' la yich' jijp'anel a te Jesuse sok te cha'jtul milawaletike, jtul ta swa'el sk'ab sok tul ta xk'exen sk'ab ³⁴ Te Jesuse la yal: " Tat, pasbeya perdon, melel ma sna'ik te beluk yakalik ta spasele" te soldadotike la spasik yilik te beluk ya xk'ot ta swentaike jich la xet'beyik te sk'u'spak' te Jesuse. ³⁵ Te ants-winiketike yakalik ta yilel te beluk yak ta k'oel ta pasele ja jichuk te ajwaliletike yakallik ta slabanel te Jesuse, jich yakalik ta yalel :" La skoltay sbauk, teme janix-a te tsabil yu'un te Diose." ³⁶ Te soldadoetike la slabaniku-uk, sok nop tsajikbael to stojol te Jesuse, ta yak'beyel yuch' te vinagre-e. ³⁷ Sok jich la yalbey:" Teme jo'at nix-a te muk' ajwallilatyu'unte Judiotike, koltayabajkiltik atukel" ³⁸ Sok ay jun lejch'el ch'ujte' ta bay abaj sol te jich ts'ibubile:" Ja in toja'te muk' ajwalil yu'un te Judiotike" ³⁹ Ay tul te milawal te ji'jp'anbil ta kruce, la sbol-k'optay, jich la yal :"¿ yu'un bal ma jaukat te Cristoate? koltayaba atukel sok koltaya wotiku-uk." ⁴⁰ Ja'uk me to te yane la skom ta k'op:" ¿ yu'un bal ma xa-xi'te Diose, te bit'il pajal ayotik ta woklajelsoke? ⁴¹ Te jo'otike le' ayotikto yu'un yakotik ta yich'el te beluk ya sk'an jki'chtike yu'un te beluk amen la jpastike. Ja'uk me to ja'in winik to mayuk beluk amen la spas." ⁴² Sok jich la yal xan: Jesus, na'ame won te k'alal yaxtalat ta ajwalinele. ⁴³ Te Jesuse jich la yalbey: " ya kalbat ta jamal ya me joinat ta utsilal yo'tik." ⁴⁴ Olilix k'aala te ijk'ub te k'inale ta spamal te balumilale, ja'to k'alal oxeb ora smalel te k'a-ale. ⁴⁵ Ijk'ub te k'a-ale. Jich yu'un te pak te makbil a te sna te kajwaltike jats ta olil. ⁴⁶ Tulan awun, te Jesuse jich la yal :" tat, ya jkak'bat ta ak'ab te jch'ulele." te k'alal la yal jiche, lok' te xch'ulele. ⁴⁷ Te k'alal la yil te centurion te beluk k'ot ta pasele, la yalbey yutsilal te Diose, jich la yal: " melel nix-a te mayuk smul in winikto." ⁴⁸ Spisil te ants-winiketik te mach'a la stsob sbaik ta yilel te beluk k'ot ta pasele, te k'alal sujt'ik baele la smajulayik yo't'anik yu'un te mel-o't'ane. ⁴⁹ Spisil te mach'a tik sna'ojbeyik sba te Jesuse sok te antsetik te la sts'aklinik tel k'alal ta sk'inal Galilea, k'ejel to la stejk'an sbaik ta yilel spisil te beluk k'ot ta pasele. ⁵¹ Ayjtul winik te Jose abi-ilej, te wenteinbil yu'un te muk'ul tsobleje, lek yo't' an sok toj yat'el ⁵⁰ ( Ma la yak'sba-a te beluk la snopike, sok te beluk la spasike), ja yu'unn te talen tabay lum judea ta Arimatea, yak ta smaliyel te ya xjach' ta smaliyel te ya xjach' ta ajwalinel te Diose. ⁵² Ja'in winik to nop tsa bael ta stojol te Pilatoe, la sk'anbey te sba'k'etal te Jesuse. ⁵³ La skojt' estel ta cruz sok la spots ta k'unil jpak'ba yak' jilel ta mukenal te ma to ayuk mach'a mujk'em le'ae. ⁵⁴ Ja' sk'alelal a te ya xchajban sbaik yu'un te sk'a-alelal te kux-ot'ane. ⁵⁵ Te antsetike, te mach'a lo'k'iktel sok ta Galilea, patil la sts'aklinik bael sok la yilik te mukenalej sok te b'it'il la yich ak' el jilel te sb'ak'etale. ⁵⁶ Te antsetike sut'ik tel la xchajbanik xpoxil te sba'k'etale te jbuts'anax yi'k'e sok te aceite te buj ts'an yi'k'ukej. k'alal la sta te sk'alelal kux-o't'ane la yich'ik lewa jich bit'il albil ta bay te mantalilej.