¹ Te Fariseoetik la yayik stojol te bit´il ayix bayal nopojeletik yu´un te Jesús, sok k´ax jichyak ta yak´el ich´ ja´ te bit´il te Juan. ² (Jauk meto ma jauk ya yak´ ich ja´te Jesús, ja la yak´ ich´ ja´ nopojeletikyu´un). ³ Lok bael ta Judea cha´ bajt´ ta bay sk´inal Galilea. ⁴ Puersa k´ax ta bay sk´inal Samaria. ⁵ Te Jesús k´at ta jun pam lum ta sk´inal Samaria, te sicar sbiile, te nopol yilajsba sok te sejp´ sk´inal Jacob te la yakbey te snich´an Jose. ⁶ Te le´ay a te pozo yu´un Jacob, te Jesuse lajbenixa swentate bayal beene jich le´ najk´aja te banti nopol pozo. Te nopol sfaix olil k´aala. ⁷ Tal tul Samaritana-ants yu´un slok´esel ja´ ta bay te pozoe, te Jesús jich la yalbey: ''Ak´bon jkuch´xujt´ak ja´a''. ⁸ Yan te nopojeletik yu´una baemik smanel tel welil a ta bay te lume. ⁹ Jich te Samaritana-antse la yalbey te Jesús: '' ¿Bin yu´un ya ak´ambon ja´ awuch´ melel te ja´ate judio-winikat- yan te jo´one Samarita-antsan?'' ¹⁰ Te Jesús la sutbey te antse: ''Te yakukana´ stojol te bila yot´an ya yak´bat a majt´anin te Diose, sok te mach´a te jich ya yalbat: Ak´ban jkuch´ ja, te xj´e, ja´at me ya ak´ambey ja´ te jichuke, jich me ya yak´bat awuch´ te kuxul ja´stukele.'' ¹¹ La yal te antse: ''kajwal, mayuk bin ya stak´ ja lok´estel a te ja´e, sok mero najt´ kooel te pozoe. ¿Banti ay awal te kuxul ja´e? ¹² ¿Yu´un ba muk´ xan a k´ablal a te binut´el te jtatik Jacob, te la yak´botikmjilel te pozo te banti la yuch´ ja´ sok snich´ nab, sak te xchambalante? ¹³ Te Jesús la sut: ''Spisil te mach´atik ya yuch´bey yalel in pozo to ya xcha´ takinaj yot´an xan. ¹⁴ Yan te mach´yu yuch´ te ja´ te ya jkak´ jtukele, mayuk bin ora ya xtakej xan te yot´an yu´un. Melel te ja´ te ya jkak jtukele, jich yu xk´ot te bitil slok´ib ja´ te ya x-okin skuenta xkuxlejal sbajt´el k´inal'' . ¹⁵ La yal te antse: ''Cajwal, ak´bot te ja´ te ya awale yu´un jich ma ba xtakina xan te jkot´ane. Sok ma ba xtalon xan ta slok´esel ja´le´i to''. ¹⁶ Te Jesús la yalbey: ''Baan, ba ik´atel te ja mamlal, sujt´antel le´tai to''. ¹⁷ Te antse la yal: ''mayuk jmamlal''. Te Jesús la sut: ''melel awal te´mayuk a mamlal´, ¹⁸ Melel ja´ tulix winiketik te la mamlaline, sok te mach´a awik´ojaba sok ta ora to, ma jauk amamlal-jich la walix ta smelelil. ¹⁹ La yal te antse : ''Cajual, ya jkil te alwanejat yu´un te Dios. ²⁰ Te me-el tatiletik jku´untike le´ la yichik ta muk Dios le´ ta bay wits to. Te ja´ex te judioexe ya awalik te le´ ta bay wits to. Te ja´ex te judioexe ya awalik te le´ ya sk´an x-ich´ot ta muk´ te Dios ta bay Jerusalén. ²¹ Jesús la yal: ''Ants, h´ona te beluk ya jkale, melel ya sta yorail te ma ba ya wch´ik ta muk´ te tatil ta bay wits sok te bay ta Jerusalén . ²² Melel te jaexe ma anabesbaik te mach´a ya wich´ik ta muk´e. Yan te jo´otike ya jna´tik te mach´a jkich´ tik ta muk´e, melel ja swenta te judioestik te kolele. ²³ Ja yu´un te ya st´a yorail, sok yorailix, te mach´atikmero ch´unjeletik te ya yuch´ik muk ta Epiritu sok smelelil te tatik Dios, melel ja ya sle te tatik Dios te mach´atik jjich yot´anik ya yich´ik ta muk´. ²⁴ Te Diose ja Espíritu, jich yu´un te sok Espiitu sok smslelil te ya spasike.'' ²⁵ Te antse la yal: ''ya jna´ te ya xtal te Mesiase, te sbiilinej Cristo. Te k´alal ya yalbotik ca´iytik spisil stukel''. ²⁶ Te Jesuse la yal: ''jo´on, ja te mach´a yak sk´op´nelate.'' ²⁷ Jich julik tel te nopoje letik yu´unne . Oranax kaj sjojk´ibelsbaik te bistuk yak ta oyeja te Jesús sa´k te tul antse, jauk me to mayuk mach´a la sojk´ibey : ''¿Beluk ya ak´ambey ? '' sok '' ¿Beluk ya wa´an sok? ²⁸ Jich yu´un te antse la yijtey jilel te sk´ibe, jich sujt bael ta bay mukul lam, jich ba yalbey te ants-winiketik: ²⁹ ''laik, konik kiltik tul winik te la yalbon spisil te beluk jpasoje ¿ma bal jauk te Cristoe? ³⁰ Jich te ants-winiketike lok´iktel ta bay te muk´ul lame jich tal yilik te Jesuse. ³¹ Te k´alal baema te ants ta bay lume, te nopojeletik yu´une la yalbeyik wokol te Jesuse jich la yalbeyik: ''Rabi, we´an xujt´uk'' ³² jauk meto, la yal: ''Ay jkich´o jun jwe´el te ma ana´obes baike''. ³³ Jich yu´un, te nopojoletike kaj yalbey sbaik. ''¿yu´un balay mach´a ich´bol tel swe´el yu´un? ''xi´ik''. ³⁴ Te Jesuse la yal: ''Te jwe´ele ja spasbeyel sk´anjel yot´an te mach´a la stikunon tele sok jlajimbey jilel te yat´ele. ³⁵ ¿Ma ba awalik: 'Ay to xan sk´an chaneb u te k´ajoje?' ya jkalbeyex :'¡ tuya mael a sitik ta yilel te k´altike, yijubenix. Ya sk´anix k´ajel. ³⁶ Te mach´atik ya sk´ajike ya me x-akbot stojol sk´ab yu´un, sok te sit te k´ajok te ya stsobike sbajt´el k´inal ya xkuxin, swenta pajalme ya sbujtsna yot´anik sok te mach´atik la yayik awale sok te mach´atik la yayik k´ajoje. ³⁷ ''Yu´un melel te bila ay ta alele: Ay tul te mach´a ya yay awale sok ay yan tul te mach´a ya sk´aje´. ³⁸ Te ja´exe la jtikunatik bael ta sk´ajel ta bay te ma´ jauk awu´anik sts´anele. Yantik mach´a at´ejemik le´a, melel ja ochemex ta bay te yat´elike''. xi´ te Jesuse. ³⁹ Bayal te Samaritanoetik te mach´atik le´ ya xainik ta bay te lume la xch´uunik te Jesuse ta swenta te ants yu´un te beluk albot sok te ba spuk: ''la yalbon spisil te beluk pastiliaje''. ⁴⁰ Jich yu´un te k´alal talik ta stojol Jesús te Samaritanoetike, la yalbeyik wokol te yakuk xan xil le´a, jich ain cheb k´aal te Jesús. ⁴¹ Jich bayal xan mach´atik la xch´umbeyik te beluk la yal te Jesuse. ⁴² Jich yakalik ta yalbel la te antse: ''Ma jauk nax ya jch´un´tik te beluk la awale, melel ja´atik la jkay tikix stojol te sk´ope, sok ya jna´tikix ta smelelil te jja´ koltaywanej yu´un te balumilale''. ⁴³ Te k´alal k´ax te cheb k´aale lok talel te Jesús ta bay te lume jich bajt´ ta Galilea. ⁴⁴ Melel ja nix la yal ta jamal te Jesús te ma x-ich´ot ta muk tu slumal te tul alwanej yu´un te Dios. ⁴⁵ Te k´alal k´ot ta bay lum Galilea, binax yot´anik ba staiktel te galileoetike, Yu´un xk´otukik ta spasel uuk te kin pascua, ta bayJerusalén, jich le´ la yilik a te bila la spas te Jesús ta yorail k´ina. ⁴⁶ Jich cha´ bajt´ xan te Jesús ta lum Cana´ te ay ta sk´inal Galilea te bay la sk´atbun ta vino te ja´e. Ay tul winike te mach´a ay tulan yat´el yu´un temuk´ ajwalile te ay ta chamel tul te snich´an ta bay lum Capernaúm. ⁴⁷ Te winike la ya´iy stojol te talem te Jesús ta bay Galilea te bit´il la yijtay jilel te sk´inal Judea, jich bajt´ ta stojol te Jesús sok la yalbey wokol te yakuk ko-uk bael ta sna yu´un yakuk xch´abtesbeya te xnich´ane melel yakix lajela. ⁴⁸ Te Jesuse la yal: ''Te manchuk ya awlik te señaetik sok te chajib at´eliletike, te jaexe ma ba ya ach´unik te jichuke''. ⁴⁹ La yal te mach´a tulan yich´oj te yat´ele: ''Kajwal, la´ ta ora te bit´il ma to be lajem te jnich´ane''. ⁵⁰ Te Jesuse la yal; ''Baanix ta ana; te anich´ane kuxal''. Te winike la xch´uun te beluk la yal te Jesuse jich bajt´ ta ora. ⁵¹ Te k´alal yak koelbela te winike, tal tael ba´el yu´un te yaj abatetike, jich la yalbeyik: te ja nich´ane kuxul sok kolemix. ⁵² Jich la sjojk´iy yaiy te jayeb ora-a te kaj ta lamajele. jich la yalik: ''Ajk´bey, olil-k´aala te lamaj te sk´aale''. ⁵³ Jich yu´un la sna´ stojol te stat te kerem te jich nix yorail a te la ya te Jesús: ''Te anich´ane kuxul''. Jich la xch´uun sok sunal te snae. ⁵⁴ In to ja xchebal seña te las pas te Jesús te k´alal sujt´ tel ta Judea te ay ta sk´inal Galilea.