¹ !Galileaetik ja'ex te ma xa na'ik k'inale! ¿ Mach'a la sboltesbeyex awo't'anik te maba ya ak'an ya ach'u-unikix te smelelil k'ope? ta asit te jaexe, la ya'k'ik ta ilel te la yich ji'jp'anel te Jesucristoe. ² Ja nax ya jk'an na' stojol te ja'exe: ¿ La bal awich'ik te Espiritu yu'un ta swenta xch'u-unel te mantalil o janax la ach'u-unik te beluk la awayik stojole? ³ ¿ Ja'ex te maxa na''ik te k'inale ? ta Jach'ibal jajch' ach'u-unik ta swenta te Espiritue, ¿ yu'unbal ya alajinbeyik sk'oplal ta swenta nax te aba'ketalike? ⁴ ¿Bayal beluk k'axix awokolik yu'un ? Ay awokolik yu'un te beluk mayuk skoplale? ja'uk me to mayuk beluk lok' awu'unika? ⁵ Te ma'ch'a ja' ya yak'beyex te Espiritu ta atojolike sok te mach'a ya yak'beyex awilik te jchajp at'eliletik ta atojolike. ¿ Ja'bal ya spas te beluk ya yal te mantalile o janax ya yaiy te sk'op Dios ta swenta te xch'u-unjel o't'anile? ⁶ Jich bit'il te Abrahame: " La xch'u-un te Diose sok lek ilot ya'un. ⁷ "Ja nix jich, ya wayik stojol, ja'uk me to, te mach'a ay xch'u-unjel yo't'ane, ja' yal xni'ch'a te Abrahame. ⁸ Te beluk ts'ibubil ta sjun te Diose, ja' te bitil toj ya x-ilot yu'un Dios te yan lumetike ta swenta te xch'unjel yo't'anike, Te Abrahame la xchol te lek ya'ch'il k'ope te jich la yalej: " Ja ex ta apisilik muk'ul Lumetik ya me ataik te lekil o'tonile te ma't'anile. ⁹ Jich yu'un, te mach'atik ay xch'unjel yo't'anike la staik te lekil o'tanile sok te Abrahame, Te ja winik te ay xch'unjel yo't'ane. ¹⁰ Spisil te mach'atik ja' smu'k'ulinej yo't'anik te mantalile ayik ta ch'ayel sok jich ya yal te beluk ts'ibubil ta sjun te Diose: " Ch'ayel me ya xbat'ik te mach'a ma xch'u-un spisil te beluk ts' ibubil ta libro yu'un te mantalile" ¹¹ Ja' yu' un ta ora to mayuk mach'a toj ya x-ilot yu'un Dios te bitil yat'elinej spasel te beluk ya yal te mantalile, ja' yu'un " te ma'ch'a toje ya xkuxin ta awenta te xch'u-unjel yo't'ane" ¹² Ja yu'un te mantalile ma ba talem ta bay ants-winik te ya spasbey te beluk ya yal te mantalile, Jich me ya xkuxin yu'un" ¹³ Ja' uk me to te Cristoe la Skoltayotik ta xch'ayel te beluk ma' lekuk ta swenta te mantalile jich bit' il te ma' lekuk te k'ajt' eltike te jich ts'ibubil ta sjun te Diose: " Ch'ayel ya xbat te mach'a ya yich' Jojk'anel ta jun te'e" ¹⁴ Te Bendicion te yi'ch'oj te Abraham te yakuk xtal ta stojol te yan lumemetik ta swenta te Cristo Jesuse, jich yu'un ta jpisiltik ya jki'ch'tik te trato beluk ya'k' obotik yu' un te ch'ul Espiritue. ¹⁵ Kermanotak aiybon awayik stojol te ants-winiketike. Te bit'il ya spasik trato sok yan winik, mayuk macha ya sts'ak xan, junax buelta teme ilbilixe. ¹⁶ Ja' in ora to te beluk albot te trato abranej sok te ts'unbale. Ma ba jich la yal: " Te ats'umbale ma xiuk, ja nax la yal tul nax, Te ay sk' oplal te sts'umbale" ja nax te Cristoe. ¹⁷ Ja in ora to te beluk ya jk'an ya jkalbeyexe ja in to: Te mantalile, te tal ta lajuneb xcha'bajk' (430) ja'wil ta patile, ma'ba la sk'ejbael te trato te ya'k'oj te Diose ¹⁸ Teme ta tsumbalil ya xtal te mantalile, ja'uk me to ma ba ya xtalix yu'un te beluk albile. Jich yu'un te Diose ak'bot ta stojol te Abrahame te beluk ak'bil yu'un te tratoe ¹⁹ ¿ Beluk ya xtu' un xan-a te mantalile? Ja' te ya xchikna ja te mach'a k'axin tey mantale ja'to te k' alal tal te stsumbal Abrahame te mach'a la yalbey sk'oplal te Diose. te mantalil ak'bot ta swenta te ch'ul abatetike. ²⁰ Ta ora to te k'alal tul winik ya xk' opoj sok yan winik te mayuk k'asese k'op yu' unej te Diose janix la yal te trato ta stojol te Abrahame. ²² Jich yu'un ¿ Ja bal te mantalil te ya xch'aybey te trato te la yak'te Diose? ! Ta smelelil ma jichuk ! Melel te mantalile ya yak'botik jkuxineltik Jich toj ya yilotik Dios yu'un ta xeh'uunel te mantalil te jichuke. ²¹ Ja'uk me tojte tsibubilta sjun te Diose te ja' chukulotik yu'un te mulile Dios nix la yak te lekil trato jich me ya ta a kux'lejal ta swenta ech'njel a wot'an ta stojol te Jesucristoe Jich ya x'abot te macha ya chu'unej. ²³ Ta ora to, te k'otantikeayotik ta moso K'o'en ta swenta te mantaliletike, Chu'kulotik ko'em jato te chikuaj te chunjel K'otantike. ²⁴ Jich te mandalile swentenejotik k'oem jato te tal Cristo, Jich la tatik Koltayelk ta ch'uunjel k'otantik. ²⁵ Ta ora toj ayix xch'uunjel ko'tantih ma'yukotikix ta wentainel yu''un te mandaliletike. ²⁶ Jiech yu'un ta apisilik yal-snich'anexix te Diose. Ta swenta te xch'uunjel awo'tanik ta stojol te Cristo Jesuse. ²⁷ Te k'alal bayalex te ja'ex a wich'ojik ja' ta swenta Cristo, te jaexe ja'junejikix te Cristoe ²⁸ Jich Ma'yukix te Judiotike sok te griegoetike sok mayukix te mosoetike sok te mach'a ayik ta libre-e mayuk winik sok mayuk ants, yu'un te ja' exe junax ayex ta stojol te Cristo Jesuse ²⁹ teme ja'ex ayex ta stojol te Cristoe Ja' sts'umbalex k'oem te Abrahane sok te beluk ak'biley yu'une.