¹ Lata titaxtulh uma, lata xtasitsi puxku Asuera taktsuwilh, xla lakapastaklhi Vasti chu tuku xla tlhawalh. Nachuna lakgapastaklhi xtamapakgsin nukuma malajkaxtlhawanilalh. ² Chuna chu lajkgawasan tuku kskujnikgoy puxku wanikgolh. ka kapsuka lu lakslan laktsumatku xpalakata puxku. ³ Kamasta talakaskin pi wa puxku kawalilh mapakgsinanin nak xlikalanka xlimapakgsin, xpalakata ka kamastojkga laktsumanku nak xpulhatankan xlakpuskatin mapakgsinanin anta nak lanka chiki nak Susa. Kamasta talakaskin ka kamakgtakgalhi Hegai, xmapakgsina puxku, tiku kalakgaya lakpuskatin chu kakamaskilh xlitalakamanin. ⁴ Kamasta talakaskin piwa tiku puxku nalakgati kawa puxku nak xlakgxokgo Vasti. Uma tastakyawan lakatilh puxku chu chuna lhawalh. ⁵ Xwi chatum judio nak xkachikin Susa tiku xwanikan Mardoqueo xkgawasa Jair, xkgawasa Simei xkgawasa Cis, tiku Benjaminita xwanit. ⁶ Xla xliminkanincha nak Jerusalen chu putum tiku kaliminkanincha, chu putum tiku katachin kaliminkanincha akxni puxku xwanit Jeconias nak Juda, tiku Nabuconodosor, puxku xalaj Babilonia jkatachin xkalinit. ⁷ Xla xmakgtakgalhma Hadasa, xtalilakgapasa Ester, stsumat xkuku, xla nix kgalhi xtiku chu xtse. Ama tsumat luslan xtasiyay xtayat chu lu lakaslan xtasiyay. Mardoque xmakgtakgalha la stsumat. ⁸ Lata xlimapaksin puxku lichiwinanka, chalhuwa laktsum kalinka nak xalanka chiki nak Susa. Kamakamaxkika Hegai. Ester nalinka nak xalanka chiki xla puxku chu xmakgtakgalhma Hegai, tiku xkamakgtakalha lakpuskatin. ⁹ Uma tsumat lu lakgatilh chu xla lajalh xtalakgalham. Lu tunkun makamaxkilh xlitalakamanin chu xtaway. Xla makamaxkilh akgtujun lakskujnin xalak xchik puxku chu xla chu xlakskujnin kawililh nak xalhan aktsu chiki niku xtamakgxtajkgoy xlakpuskatin mapakgsinanin. ¹⁰ Ester niti xwaninit tiku xnatalan chu niku xwi xkachikin, xpalakata Mardoqueo xwaninit pi niti xwanilh. ¹¹ Chali chali Mardoqueo xtlhawan xlakatin nak xakaxanatni tankilhtin, jkilhtin kxchijkan lakpuskatin, xpalakata xkatsiputun nikunlha xwi Ester, chu tuku xama akgspulay. ¹² Lata kalakgchalh chatunu laktsuman na ankgoy kxlakatin puxku Asuero, xmakgantaxtikgoy laxtalimapakgsinit na ankgoy lakpuskatin, chatunu laktsuman xmakgatsikgoy akgkutiy papa xpalakata liwana xtakaxtaykgolh, akgchaxan papa xlitakgaxtaykgoy aceite xla mirra, chu akgchaxan xlimuksun chu xlitalakamanin, ¹³ lata chatum tsumat xlakgan puxku, lata xla xlakaskilh xlak xchik lakpuskatin, xpalakata xla xlilh nak xalanka chiki. ¹⁴ Lata xtastunuy xla xtanu, chu lata kxkgakgay xtaspitparay nak xliakgtiy xchijkan lakpuskatin, chu xmakgtakgalha Saazgaz, xmapakgsina puxku, tiku xkgamakgtakgalha lakpuskatin. Xla ni xtaspitpa kxlakatin puxku par wa nixlakgatilh chu xtasanipa. ¹⁵ Lata lakgchalh kilhtamaku xpalakata Ester (stsumat Abihail, xkuku Mardoqueo, tiku xmakgtakgalha la stsumat) xlakgalh puxku, xla watiya skilh tuku Hegai akgastakyawalh xpalakata na skin. Ester lhajalh talakgalhaman xlakatin putum tiku xak akxilhkgoy. ¹⁶ Ester linka xlakatin puxku Asuero xpulakni xalanka chiki xli akgaw papa, wa ama papa xla Tebat, xli akgtujun kata xlimapakgsin. ¹⁷ Puxku lhakg paxkilh Ester nixtachuna amakgapitsin lakpuskatin chu xla lhajalh talakgalhaman xlakatin puxku. Chuna chu akwalilh xcorona chu limapakuwilh puxku xlakgxokgo Vasti. ¹⁸ Puxku putum kamahuilh xmapakgsinanin chu xlakskujnin, taway xpalakata Ester, chu makaksalh lixokgon nak putum xlimapakgsin. Chu na maskiwinalh. ¹⁹ Lata laktsuman kamastokgparka xliakgtiy, Mardoqueo xwi nak xmalakcha puxku. ²⁰ Ester ni a ti xwaninit tiku xtapulataman, lata Mardoqueo xliakgastakyawanit. Xla kgalakgaxmatlhiku xa´akgastakyaw Mardoqueo, lata xla xtlhaway lata xtawi. ²¹ Ama kilhtamaku, lata Mardoqueo xwi nak xmalakcha puxku, chatiy xmapakgsinanin puxku, Bigtan chu Teres, tiku xmakgtakgalhkgoy niku xlaktanukan, sitsikgolh chu xlakgaslakgputunkgoy puxku Asuero. ²² Lata uma makatsinika Mardoqueo, xla wanilh puxku Ester, chu Ester xakgalhilh puxku nak xtukuwini Mardoqueo. ²³ Uma makatsini liwana kgalhputsaka chu katsika pi xlikana chu ama xchatiykan kapixchiwkaka. Chu uma tsokgwalika nak tatsokgni niku klhkakan tuku xtitaxtuy nak xlakatin puxku.