¹ Nak kilhtamaku Asuero (Wa uma Asuero stsukuy xlimapakgsin nak India chu xchaan kxlimakgat Etiopia, xkamapakgsiy akgtum ciento puxam tujun lanka kachikin) ² ama kilhtamaku puxku Asuero tawilalh nak xlimapakgsin nak pumapakgsin xla Susa. ³ Xliakgtutu kata nak xlimapakgsin, xla kamawilh wekg xtamapakgsinanin chu xlakskujnin. Xmakgtakgalhnanin Persia chu Media, chu xmapakgsinanin xalak lanka xkachikin xwilakgolh nak xlakatin. ⁴ Xla masiyalh xlilanka xlilhewekge xlimapakgsin akglhuwa kilhtamaku, akgtum ciento tati puxam kilhtamaku. ⁵ Chuna lata takgatsilh uma kilhtamaku, puxku mawinampa akgtujum kilhtamaku. Kamawilh wekg latamanin tiku xwilakgolh nak xpumapakgsin Susa lata tiku lhakg xa lanka chu tiku lu xa'aktsu. Uma taway mastaka nak xakaxanat kxkilhtin xpumapakgsin puxku. ⁶ jkilhtin kxakaxanatwa xtalikaxlawananit lhakgat xa snapapa chu xa mantajwa, xlilakgstonkganit taziw xa lino chu xa mantajwa, xlichiwkakanit xa stilili plata xlichikanit chiwix xa marmol. Xwi putawilh xa oro chu xa plata nak tiji nikuma xlikaxlhawakanit xa lilakgatit chiwix xla mosaico chu xa marmol, xa medreperla chu xa adoquin. ⁷ Xpukgotnikan xa oro, kgatuno pukgotni watiya akgtum xwanit chu wa puxku lu xtawninama xa lhan xkuchu xa uva. ⁸ Xkgotmakgolh chuna la xwan mapakgsin: "ka kgotlhi tiku kgotputun". Puxku xkamapakgsinit putum xlakskujnin nak xpumapakgsin pi lu lhan xkalhawanikgolh tiku xminkgonit. ⁹ Nachuna xa puxku Vasti xkatawayama lakpuskatin tiku xwilakgolh nak xpumapakgsin puxku Asuero. ¹⁰ nak xliakgtujun kilhtamaku, lata xnaku puxku xpaxawama xpalakata xkuchu, xla wanilh Mahuman, Bitza, Harbona, Abagta, Zetar chu wa Carcas (chatujun kskujkgoy nak xlakatin puxku) ¹¹ pi xtaliminilh nak xlakatin wa puxku Vasti chu xtalikaxtayalh xcorona. Xla xkamasiniputin lakchixkuin chu xmapakgsinanin pi lu slan xtasiyay. ¹² Chu xla, xa puxku Vasti ni lhawaputulh nikunlha puxku xkalimapakgsinit xamapakgsinanin. Chuna chu wa puxku snun sitzilh, xtasitzi lu snun pasalh nak xpulakni. ¹³ Chuna chu puxku kakgalhskilh lakchixkuin tiku xtalilakgapaskgoy la xalakgskgalala, tiku xakgatakgskgoy kilhtamaku (chuna la uma xlhaway puxku xpalakata putum tiku xakgatakgskgoy limapakgsi chu lhan xtalakapastaknikan) ¹⁴ tiku lu lakatsu xtalama puxku wa ama Carsena, Setar, Admata, Tarsis, Meres, Marsena chu Memucán, xkgalhtujukan xlajkawasan xa puxku xlak Persia chu Media. Xlakan lhan kxakgalhikgoy puxku chu lhan taskujut xkalhikgoy nak limapakgsin. ¹⁵ Xpalakata limapakgsin nakgantaxtuy, ¿tuku nalhawani puxku Vasti xpalakata xla ni lhawaputulh nikunlha limapakgsinalh? ¹⁶ Memucan wa nak xlakatin puxku chu xlimapakgsinanin: "ni watiya puxku ni lhan lhawanilh puxku Vasti, nachuna putum mapakgsinanin chu latamanin tiku lamakgolh nak xlimapaksinanin puxku Asuero. ¹⁷ Wa uma nukunlha ni lhan lhawalh puxku nakatsikgoy putum lakpuskatin. Nachuna xlakan ni lhan katilhawniputunkgolh xlakchixkuinkan. Xlakan na wankgoy: "Puxku Asuero limapakgsinalh kalinika nak xlakatin puxku Vasti, chu xla ni amputulh". ¹⁸ Lata nina ksputa ama kilhtamaku, lakpuskatin xlak Persia chu Media tiku xkgaxmatkgonit uma tiku lhawalh puxku Vasti, nachuna nakalhawanikgoy xlimapakgsinanin puxku. Lhuwa talakgmakgan na tolay chu tasitzi. ¹⁹ Par chuna lakgatiy puxku, kamasta talakaskin kamakanta akgtum tatzokgni min palakata, chu katitzokgka nak xlimapakgsinkan Persas chu Medas, wa uma ni katimapanuka, pi wa Vasti yalha kitimilh kmilakatin. Pi wa puxku kamaxkilh limapakgsin atunu puskat, tiku lhakg xa lhan, nixtachuna Vasti. ²⁰ Lata xlimapakgsin puxku ni ma titzojkga nalitachiwinan nak lilanka xlimapakgsin, putum lakgpuskatin natatzokgostanikgoy xlakchixkukan, wa tiku lhakg xalaklanka chu tiku lhakg xa aktsu. ²¹ Wa Puxku chu xkatamapkgsinanin malhanikgokg uma tastakyaw, chu Puxku tlhawalh la Memucan wanilh. ²² Xla malakgachalh tatsokgni putum kachikinin, akgatunu nak xtachiwin. Xla limapakgsinalh pi lakchixkuin xmalanankgolh nak xchijkan. Uma tamapakgsin mastaka nak xtachiwinkan kachikinin nikuma xtapakgsinikgoy.