¹ Rü ñema i nguneü̃gügü, na ngupetüü̃ rü chechara agu ñema ñema nanamṵ́ i wii ore ematü i norü muiü̃ na ügüaü̃ka a tümaugagü a duatagü a yiema i guuinaanetüwewa má̰ẽẽ. ² Ñaani i ñema nüira i ematüü duü̃ü̃güarü ugüchíga rü nanaü ñeguma Sirino ãḛ̃gakü ĩgu Siriawá. ³ Rü ñemaka guü̃ma i duü̃ü̃gü norü ĩãne nagu nabuenewa niĩchigü ñḛ́mà naugüãü̃ka̰. ⁴ Rü ñemaka yuchetá Garíréaanewa ñemane ya ĩãne Nasarewá ínaü̃ü̃, rü Judéaarü nã̰ãnewà, Dabinachiü̃anewa a ĩane Bereguaeganewá naü̃, erü nümarü Dabitanüü̃niĩ. ⁵ Nümarü ñema naü̃ na ugüü̃ka wiigu Mariama, rü na̰mà tá á̰tèchaü̃kü rü ta amapütüwe. ⁶ Ñegüma ñema ta ñemaguyani, tüna nangu tümaarü nguneü̃ na taíraaküü̃. ⁷ Tumarü ta iraakü, nüĩraü̃kü tümane, rü nachápenüü̃ í mánüü̃chiü̃maã tanúkḛ rü wii wokaarü chibüchikagu tana káḛḛü̃, erü ñema mecha taü̃wa marü na tauma í tümachikagü. ⁸ Ñema naanewa na ñemagü karnerugüarü dauruü̃gü chütakü nachitaü̃wa norü kamerugüna ídaugüü̃. ⁹ Wii naṵ̈nẽ üünẽ koriarü naka na ngo rü korí arü mẽẽmá ni ngooneachitanü rü ñemaka poraãkümà ni muü̃ẽáchitanü. ¹⁰ Noturü ñema naṵ̈nẽ üüne rü ñanarugü nüü̃: "tãũ i pemuü̃ẽü̃ erü peka̰ nuã chanañe i wii ore i duü̃ü̃güarü taãẽẽruü̃ taiĩü̃. ¹¹ I ñuma! nabu wii perü maẽẽẽruü̃ Dabiarü ianegü! ¡nüma rü kori a kristu niĩ! ¹² Rü ñaã tániĩ i perü kuaruü̃ pena, na aü̃, rü nuü peangauüka yima õchana rü nàchápenüü̃maã nukeü̃ rü wokaarü chibüchikagu tá na kaü̃." ¹³ Ngüraachimare, ñema na̰ünẽ üünẽma, muuma i natakumü i churaragü i nguraachimore ngó̰èü̃ Tupanaü̃ i kuaü̃eü̃ rü ñagüü̃: ¹⁴ "Tupanaü ti kua̰üü̃gü i daüguü i naãnewa rü na name niĩ i pegümaã perüngümüẽü̃ guuma i yatüü̃gü ñama i waimuanewa a yiemagü tümamá na taãẽgüe." ¹⁵ Rü na ngupetüü̃ ñeguma i na̰ünẽ üünẽgü daunaanewá na igu, ñema karnero arü daügürüü̃ wiichigü rü togüma ñagüü̃ ñügü: "Ñumatanaükü beréwá i irü itayadau i ñẽma ngupetüü̃, ñema kori tüü̃ weü̃." ¹⁶ Nümagü rü paama ñéma naĩ rü ñema tümamá narü a Maria rü ñuachi yuche rü nüü na daugu yima ochana wokaarü chibüchikagu kakü. ¹⁷ Rü ñeguma marü nüü̃ na daugüguwena, nümagü rü nüü̃na kuaachiega ñema marü chire nüa ugüü̃ nachiga daa bukü. ¹⁸ Guuma nüü̃ ínüeü̃ ñema ñaa na baiãchiãẽgü nama i ñema ore marüchire karnerogüarü daüruü̃gü nüü̃ i güü̃. ¹⁹ Notürü María nagu tarü inüecha ñema guuma i nüü̃ta inüü̃, rü tumaarü maünegunamatanguü̃. ²⁰ Na woegugügu ñema karnerugüarü daurügüü̃, taeakü Tupanaü nikuá̰üü̃gü naka ñema guuma nüü̃ naĩnuẽü̃ rü nüü̃ nadaugüü̃, erü aikumanii ñema ná̰ma nüü̃a ugüü̃. ²¹ Ñeguma 8 nguneü̃gu, nümarü ínanawiecha̰müpẽechiraü̃gu, rü ngechuchugu nanaüégagü, ñematama niĩ i naega i ñema naṵ̈nẽ üünẽ nüü̃ í uü tautáma ta ããkügu. ²² Ñeguma marü na ngüpetugu i ñema nguneü̃ noeü chieü i na taüchigüü̃ naünegüwa, erü ñemani naĩcheareü mügü nüü̃ iuü̃, yuche rü Maria templo a Jerusalengunewa nanagagü ñeguma koriünawegüaü̃ka. ²³ Ñemaakü koriarü mugüwa náèmatü: "Wiichigü yatü nánèkawa i wanaü̃ rü koriaü̃ itanaüü̃chita." ²⁴ Ñemaka nümagü rü wii amare nüna na agü erü ñemaakünüü̃niu koriarü magüwa: "tare mutukugü urüna tare ñemaka̰ yaeü̃." ²⁵ Ñaaniĩ, na ñema wii yatü Jerusalenwa Smeongu ãḛgakü rü wii yatü mekümakü rü aikuma tuparaü̃ nechaü̃küniĩ. Nümarü ínananguẽẽ Israearü mḛéèrü ñema nãẽ ṵ̈ü̃ne ná̰ètüwá na ñema. ²⁶ Ñümarü marüchire nügü nüü̃nawe, i norü nãẽ ṵ̈ü̃ñewa, rü nümana tama nüna dauchaüü̃ i ñema yu, rü na naweeira ta nüü̃na dau a kori ya Cristu. ²⁷ Ñema nãẽ ṵ̈ü̃nẽ rü Simeon ü̃ ni upee, rü ipata taü̃negu ni uku. Ñeguma yima bukü echuchunanatügü ñema na gagüaü, rü namao na ügüaü̃ka i ñema naküma rü mugüwañemaü̃, ²⁸ Nümarü yima buküü̃ na ganagü rü tupanaü̃ ni kuaüü̃ rü ñanarügü: ²⁹ "Ñümarü marü na meniĩ rü kurü purakütanüü meü̃wa nau, erü ñematamaniĩ i kuga. ³⁰ Erü chauetügü nüü̃ na daü kürü poü̃ruü̃, ³¹ Rü kumatama kunamee nepeewa a guunema a yima ianegü. ³² Wii amü duatagüü̃nawé, rü nüũ nikua̰üü̃gü rü kurü duü̃ü̃gü Israe. ³³ Nanatü ru norü ná̰è yima bukü rü na baiãchiãẽgü rü ñuakü nachigamaã a deaü̃. ³⁴ Simeón meüpeü̃ngupetü rü ñaü nae Mariaü̃: "Düka, daa bukürü nanayaugü tümaka a yiema rü yierü irü dagüe Israewa rü wii kuaruü̃ tama nanawaegü, ³⁵ rü wii küchi kurümaüwa ti topetütá ñeguma i norü maünearü naãẽwa nagüna i nüeü̃ na ngougugü." ³⁶ Ñema ta ñema a wii Tupanaãrü oreü̃iue rü Ana nii tumaega, tümarü fanuenaakütiĩ rü iane a Aserkaatiĩ. Tümarü marü yagua̰ü̃chitiĩ. 7 taunekü ikatama tümateü̃tawa ta ñema ñeguma marütümama na pégùwẽnà ³⁷ rü wii yuteeyií 84 taunekü. Tümarü tauguma itanañé a taü̃netupanapata, rü guü̃guma ta aureecha rü ta yumüẽẽcha, chütakü rü ngunekü. ³⁸ Ñema oratama, tüma naütawatau rü tupananá moẽ táã tumarü yima buküchigagu tì deaü̃ namãã i ñema guuma nüü̃ irü nguẽẽgüü̃ jerusalen ína poüü̃ka. ³⁹ Ñeguma marü guuma a ngueagüguwena ñema koriarü mugüwa nüü̃ iüü̃akü, nümagürü Galileaka na woegu, norü ianeü̃chi Nasarewa naĩ. ⁴⁰ Yima bukü rü marü naya, rü na poraü̃chi, rü yeeraakü nüü̃ nikuáchigü rü Tupanaarü pórà nawá na ñémà. ⁴¹ Namatügü rü gukü a taunekügu rü Jerusalenwa táiüü̃ü̃ nákà ñema üpetüchigaarü peta. ⁴² Ñeguma 12 taunekü nüü̃ ñemagü, wḛnaárü naka ina choachi i ñema guuma na ügüüü̃ i petachiga. ⁴³ Ñeguma agúchigagu ñema petachiga, rü tümachiü̃ka tawoegu. Noturü yima bukü ngechuchu rü nanatügüechita tüna Jesrusalengu narüãũ. ⁴⁴ Nümagü naegüwa nagu narü inüegügurü ñema natanüü̃gütukumügu nà̰á, rü wii nguneü̃ nii ñegü nána iü̃. Negumatama naka na daugüü̃ natanüaguü̃tagu rü narü namükügüü̃tagutá. ⁴⁵ Ñeguma tama nama narü igu, na woegu rü Jerusalenwanai, rü na ügüeü̃ na ñémà ná̰kà na dáugüeü̃. ⁴⁶ Na ngupetüü̃ rü tomeepü nguneüguwena, nümagü nama norüi taüne Tupanapatawa, rü nguetaeẽgü arü ngaü̃tanüwa narü toü̃, nüü̃ ina inüü rü nüna na ka. ⁴⁷ Guuma i ñema nüü̃ inüẽẽü̃ nama na baiachíe i norü kua rü ñumachi ñuakü takü na ngaüü̃, í ñema nüna ná̰kà na kagüü̃. ⁴⁸ Ñeguma nümagü nüü na daugügu, na baiachiaegü. Ñataguü̃ nüü̃ yíema ná̰ẽ: "Chaune, ¿tṵ̈küü̃ ñema toma ku wagü? na inü, kunatü rü chama kuka ta daugüecha oegãẽãkumaakü". ⁴⁹ Nüma ñaü̃ nüü̃: <<¿Tṵ̈küü̃ chauka̰ pedaugü? ¿Tama ẽna nüü̃ pekua̰ na woetama chaunatüchiü̃wa ta changẽmaü̃? ⁵⁰ Noturü tümagü rü tama nüü tá kuagüéga ñema tümamaã nüü̃ auü̃. ⁵¹ Ñeguma nüma napataka na taegu tümagüma ru nazarewanaĩ rü nẽa tüü̃ na inüechaü̃. Rü naẽ tümaãrü maünegu nama tá ngüü̃ i guuma ñema ngupetüü̃. ⁵² Notürü ngechuchu niyachigü, rü yeeraakü nüü̃ nikuachigü rü narü wechigü rü yeerawa ni uchigü naka yíma Tupana rü guü̃ma i yatüü̃güta.