¹ Muuma i mea wégùnananu i ñema déà marü ügüü̃ yígütanüwà, ² Nüma tüna na àgüürüü, i ñemagü i norigu tupanaü po̰úgüü rü orearü uchigawa. ³ Rü, chaukata name na meama nàkà i dauü i ñema guuma airüügü rü norigü marü meama ematüü kuka, pa meechikü teu. ⁴ Ñaarü aikuma mea nüka kuaükani i ñema mḛüore nawakuna ngúègüü. ⁵ Ñeguma Erode arü nguneigu, Judea arü a̰égakü, rü ñéma na ñéme wii pai i naega sakaria abiatanüü. Namarü Aaron naakütii i tümaega rü Erichabé. ⁶ Nümagürü meãna maé Tupanapéewo, rü aikuma naga nainüẽ ga norünmugü yima kori. ⁷ Notürü nañeakügü, erü Erichabé ta ñeakü rü nümagürü marü na yaeüchi nükümaküra. ⁸ Na ngupetü ñeguma Sakaria o̰reaugu Tupanapeena, rü nawatama na ñema i natanüüarü ⁹ nakümanii tüna unetagüũ a yiema paĩ arü mee,rü nüü na unetagü tupanapatagu na ukuü̃ka ñema pumara ina guuka ¹⁰ guuma i duuü̃gü düetüwá na yumüegü ñeguma a gugügú ñema pumara. ¹¹ Ñuma wii naünẽ koriarü nákà na ngó,rü ñema pumara i norü meügu ütaüküwagu na chi. ¹² Ñeguma Zakaria nü daugu na baiaichi rü na múú rü náètü na ngú. ¹³ Noturü ñema naünẽ üünẽ ñaü nüü: "pa Zakaria,tãũ i kumuüü,erü kurü yamüẽ rü marü nüü naĩnü. Rü kuma Erichabé rü kuü tá iããkü. Rü juantani naega. ¹⁴ Kumarü ta ku taãẽüchi rü ku meeüchita rü ñeguma na bugu rü mauüma i togü rü tà ta na taãẽgüüchi ñeguma nabugu. ¹⁵ Nümarü wii duuüarü taütani korietü pḛéna. Taugutama bino ni a̰ü rü tauma toi takü i nguchiüü, rü nãẽ üünẽ na̰wá na ñḛmà i na̰ènekawa. ¹⁶ Rü muumo i ñema Iraenanegü rü yima kori norü tupanaka ta arü na wóègu. ¹⁷ Nümarü koripeegü tani u narü nãẽ rü pora i Eliãárü. ñaa na üürü ñeguma nanatagü arü maüne nanegüka na wóeguüka,ñeguma i ñema tama mea i maeü,ñema meü nà̰magu na íüka i faakü ñeguma yima ianegü íní mégü naka a kori. ¹⁸ Zakaria ñaü̃ ñema üüneü: "¿ñauküta nücha kuaü i ña? eru charü marü wii yatü yaüchiüni rü chamarü marü ta yaüchi." ¹⁹ Ñema na̰üne üünẽ nüna ngaüü̃."chama niĩ i gabichu,yima tupana peegü chikü. chamarü nua chona mu kuma chi deaü̃ka, meü o̰rè nua cha ñe. ²⁰ Rü ñuaani, ku ñegata rü ku chianeta, tautama kí dḛà, ñúmàrüta norü nguneiwa na ngú i na ngupetüü̃. Erü kumarü tama choü̃ cuya õ i ngẽma chaugagü, rü ai kumatá ni ngu nago i ñema nguneü̃." ²¹ Rü yoni ga duüü̃gü rü Zakaria ina nguegüyani. Nümagürü na baiachie rü taküka na ta paa yí ma yamüepatawa ina üüü̃. ²² Notürü ñeguma nüma ina ũũgu, taukürüwa ni dea. Nümagürü nüü̃ nikua̰eãchitanü ga taküü̃ na dauü̃ yima yumüepatawana ñemaguyani. Nümarü ni unetameechigü erü na ñega. ²³ Na ngupetüü̃rü ñeguma i no purukügu, nümarü napatawa naũ. ²⁴ Rü nawena i ñema nguneü̃gü, nama Erichabé ta iruá̰kü. Tümarü ta á̰úre wiimẽḛpü ga tauemakü rü ñigürügü: ²⁵ "ñaani ñema yima kori chauka üü̃ rü na̰wà chorü ngṵ̈eü̃ ñeguma choü̃ na daugu rü ñemaakü chorü a̰nè icha taüchi napeewa i ñema dṵuü̃gü̃." ²⁶ Narü naimewa arü wiígü a tauemakü, tupana tanamu iñema na̰üne üünẽ gabichu a yima ĩãne garíréanewa a naega nacharé, ²⁷ tümaütawa a wie pa̰è tauguma yatü tümama maükü rü ñimarü i ãtechaü namaã wii yatü yüchegu ãḛgakü. nümarü dobichiü̃ kaachireni, rü tümaega a yiema pa̰è tauguma yatü tümama maükü rü Mariachirení. ²⁸ Nümarü tümaü̃tawa naṵ rü ñá̰ü̃: "nṵmaḛ, ikumarü tee kiü̃, rü meü̃gu kungṵ́! rü yima ya kori rü kuü̃tawa na ñẽma." ²⁹ Notürü tümarü popraküma tama tümae ta kua ñema ó̰reka rü tügünotama ta kaü̃ rü taakuarü moechigani i ñema ñá̰à. ³⁰ Ñema na̰üne üünẽ ñà̰ü ñiü̃."Pa María, tau ku mṵ́ǜü̃, erü nà̰mà kurü u i mò̰è tupanapeena. ³¹ Rü duwenü, kumarütá ku a̰ãkü rü tá na yatü. Rü "ngechuchugu" tá kunaüéga. ³² Rü nümarü wii ya ãḛ̃gakü taüchikü nane tá nii i naega. Rü kori ya tupana rü tá nukümaü̃kü ga ãḛ̃gakü dabirüü̃ nachika nüno na a. ³³ Nümarü guü̃gutáma jakopata arü aegakütani rü narü pora taugutama ni gu." ³⁴ María ña taü nü í ñema naṵ́ne üünẽ: "¿Ñuakü tá nií ngupetüü̃, erü chama rü wii yatüma ya pe?" ³⁵ rü ñema naünẽ üünẽ ñaü̃ tṵ̈ü̃: "ñema nãẽ ṵ̈ü̃nẽ kuetüwa ta na u, rü tupana ya taü̃arü pora ta kugu na ngaiema. Rü ñemaakü i ñema tauguma chieü üü i buu rü naegarü tupana nane tanií. ³⁶ Rü na dawenü, rü kutanüü̃ pa Erichabe, rü marü ta ããkü woo na marü yaguã̰chirẽ na yiiü̃. Daarü naimewa arü wii tauemakünii tümaka, yiema ñḛ́aküma tüna ká̰güéḛ̀. ³⁷ Erü tupanaü̃ rü tauma nagucha." ³⁸ María ñigürügü: "chorü kori ya tupanaãrü duuüchii i chama. Rü marü na me ichamaã kunaãü i ñema meü ore." Rü ñema naṵ̈ne üünẽ ñema tüna tà̰. ³⁹ Ñeguma María ñema ngüneü̃gü i tarü dà̰ rü pá̰àma̰ ná̰wà ta uü a yima iãne má̰püà̰üchinewa, rü Judéaá̰nèwà. ⁴⁰ Zakaríapatagu i üku rü Erichabeü tarü mó̰ẽ. ⁴¹ Rü ñeguma Erichabè nüü̃ inügu ñema Mariaarü mó̰ẽ, rü tümaarü õchana tümaanüwa ñemae ta yunagü rü Erichabèna nangu i nãẽ ṵ̈ü̃nẽ. ⁴² Tümarü tagaãkü ñatarügü: "Guü i ñeü̃güarü yeera tupana kuü̃ narü ngü̃ẽẽ. ⁴³ ¿Rü tüküruü̃ chona ngupetü i ñaa rü yima kori na̰é chautawa ta uü̃? ⁴⁴ Rü na dawenü, ñẽguma nüü̃ chaĩnügu: kuna rüna kurü moetaeü̃ rü chaumachiewa na ngṵ̈̀, rü chaüakü i chauanüwa ñẽmaü̃ rü norü taãẽmã ni yuneküü̃. ⁴⁵ Kümarü kutaãẽ, erü nṵ̈̃ü̃ kua õ i norü ore i ñḛ́mà kṵ́ma nüü a uü̃ yima kó̰ri." ⁴⁶ Mária ñigürügü: "chorü ma̰ü koriü̃ ni kṵ́aüü̃ ⁴⁷ rü chorü chauae rü na taãẽ tupanamá choü̃ i poü̃kü. ⁴⁸ Erü nüma tüü̃ na dawenüní ta ñearü airüüaü̃ a norü purakütanüa. Rü na dawenü, ñṵmaúküma guuma i duuügü taãẽmã ta choü̃ na ká̰güe. ⁴⁹ Erü nümanii poraakü rü taü̃ i meü̃ chauka naü rü naṵ̈ünẽ i naega. ⁵⁰ Guügutáma nüü̃ ta ñechaü̃ ya yiemagü nüü̃ múùẽẽ. ⁵¹ Nümarü tüü̃ni dḛ́èchitanü maṵ̈̃newà ñemagurü inüẽé. ⁵² Nümarü ínanawoü̃ ñema ãḛ̃gakügü náchikagüwa rü tüü̃ i narü dagüẽé a yiema tama tügü ikuaü̃güe. ⁵³ Nümarü tüü̃ ni üwemügü meü̃ ó̰nàmá a yiema taiyaeüchie, notürü ñḛ́mà muãrü diẽruaüchiü tauma nüna na a. ⁵⁴ Nümarü nüünarüngüẽẽ ñema norü purakütanüü̃ Israekaaü̃, ñeguma tüü̃ nüü̃ na kuaachieü̃ ñuakü tüna weaü̃ na tüü̃na ñechaüü̃. ⁵⁵ (Ñemaakü nanatügüma nüü̃ ni u) a Abrahan rü natanüagü guugumarüü̃." ⁵⁶ María rü tamepü tau emakü Erichabéütagu tarü a̰ũ rü ñṵachi tümapataka itaegu. ⁵⁷ Nümarü na̰wà na ngu ñema nguneü̃ tümaka a Erichabe ná ta iraküü̃, rü na yatü yima bükü. ⁵⁸ Ñema tümaarü ngaikamagu pegüü̃ rü tümatanüü̃gü nüü̃na ínüe ná̰ yima kori tüüna weaü̃ norü poraü̃ ñechaü̃ rü tümamá na tá̰ẽgü. ⁵⁹ Rü a nguneü̃guwema nümagurü inangugü rü inanawiechamüpẽechiraü̃gü yima tümane. Nümagurü nanatü ga "Zkariagu," nanaüegagüchaü̃. ⁶⁰ Natürü naẽ naüma nüü̃ta ngá̰ü̃: "tama. Nümarü Juantani naega." ⁶¹ Nümagü ñagüü̃ tüü̃: "ta tauma i kutanüü̃tanüwa i ñẽmagu ãḛgáè." ⁶² Nümagurü wii señalnanatüka na ügü, nüna na kagüeü̃ka ñuakü nanaweeü̃ na taküma na üegaaü̃. ⁶³ Nanatü wii mürepewatachinü táina kaü ñḛ́mà na ümatüaü̃ka rü ñḛ́mà nana ümatü: "Juan ni naḛga". Rü guuma nümagü rü ná̰mà na baiãchiegü. ⁶⁴ Ñegumatama ná̰ã ni chò̰ rü norü konü na liberado. Nümarü ni dḛ́à rü tupanaü̃ nni kua̰üü̃. ⁶⁵ Ñemaka i guuma i duuü̃gü norü ngaikamagu ãpatagüü̃ wii muu natanügu na ngṵ̀. Rü guüwama ñema naane Judeanewá rü nuü̃ niúchigagü ñema ngupetüü̃. ⁶⁶ Rü guü̃ma i ñema nüü̃ ineüü̃ rü norü maü̃negu nama na nguü̃gü, rü ñanaragügü̃ "¿taüü̃ narü kaichita i ñema buü? erü korimee naü̃tawachire na ñema. ⁶⁷ Rü nanatü ya Zakariananangu nãẽ ṵ̈üne rü nüü̃ ni u ñema ore, nüa uü: ⁶⁸ "Na me niĩ i kuagüü̃ tórü kori, iraéarü tupana, erü nümarü nṵ́mà na ṵ́ ngüḛ́wá rü norü ianeka na yumüḛ́. ⁶⁹ Nümarü inana dá̰è wii duuü̃ tṵ̈ü̃ i po̰úüü̃ norü purakütanüü̃ Dabipatawá̰, ⁷⁰ rü ñemaãkü nüma tama nüníu ñema nukümaü̃güü̃ norü orearü uruü̃gü i üünegü̃. ⁷¹ Nümarü wii po̰ú tá̰kà nua na ñeta tümaka a yiema torü uwanügü rü guü̃ma ñema dü̃ü̃gü i tachi aieü̃. ⁷² Nüma rü ñaa nanaü̃ta taü̃na weaü̃ka rü na tanatügüü̃ na nañechaüü̃ rü nüna küa̰áchieü̃ká̰ ñema ṵ̈üne pacto, ⁷³ ñema juramento nümanaüü̃ tanatü Abama. ⁷⁴ Nüma na jura tüna na a̰áü̃, erü marü tama ta pó̰kùḛ namegüwa i ñema tórü úwa̰nüg, tama nüü̃ i mueeü̃ rü nüü rü ngüegüü̃, ⁷⁵ rü aikuma mḛ́ü̃ i ügüü̃ napẽewa i guü i torü maü̃wa i guu i nguneügu. ⁷⁶ Ngü, rü kuma, bukü, rü taüchiküarü orearü uruü̃maã tá kuü̃ naugü erü koripeegu qui uta ná̰mà ku meeü̃ká̰. ⁷⁷ Ianekaagümatá nüü̃kiu na tüü̃ i na poüü̃ i norü pekadugü ñemaakü na ügüaü̃ka. ⁷⁸ Ñaa rü na ngupetütá rü nüü̃ i nechaü̃güüka i waimü norü tó̰rü tupana, ñemaka daũguü̃ i naãnewa táka̰ ninanamu i ñama i naãneãrü ngoonẽẽruü̃, ⁷⁹ ñema tarü naichitanüü̃ka a yiemagü waaneü̃wa ñḛ́màgüé rü yuchipetawa ñemagüe. Nümarütananaü i ñaa neguma takutü tama i upeeü̃ka i na ñema meü namawa ñemagüüka." ⁸⁰ Ñumá yima bukü rü ni yachigü rü yeeraákü nãẽma na pórà rü naane i taúema ĩ apataüwa na ñema ñumata ñema i nguneü̃wa na ngu na na ngoüguü̃ i duuü̃gütanüwa a yima Israel.