¹ Nije ka'la mi anek julama echi Jebe riweami rijimala, echi mapu sinibi onocha chuku echona bichiwami yuwa mina Senkrea pireami, ² mapurika yemi Walubeala Jeskristo jiti ne ka'la kanilka narepma. ka'la jerika olasi mapurika bichiwami nira, ali ku'wirsi mapuyirp namuti ku'wirl newalesa echi binoi. mapujiti echi binoi wikabe ku'wirami ju, ayenacho tami ku'wirami ju. ³ Narepsi echi Prisila ali Akila, mapu nije yuwa onochi echi Kristo Jesusi jiti, ⁴ echi mapu ne osoki suwili tami jiti. Nije walu natetari iya echi aboni, ali kie nije bi', ayenacho kara su'waba mapu iki bichiwami ju echi auche jare ralamuli mapu iki kie Juriosi ju. ⁵ Narepsi echi bichiwami mapona bitichi a muchuwi. Narepsi echi Epeneto mapu nije we kale, echi mapu ne bacha bichiwili Kristo echona Asia aniliwachi. ⁶ Narepsi echi Maria, mapu sinibi nochali we iwerl oloka yemi jiti. ⁷ Narepsi echi Antroniko ali echi Junias, nije ritemali ali mapu tami yuwa muchuli pacha mo'wara. aboni we machirutami ju echi wikabe mapu iki nawesanala jularami ju auche bilen, echi mapu iki ayenacho bichiwami nili nije yuwa bachacho. ⁸ Narepsi echi Amplias, echi we kalerami Walubela Jesusi jiti. ⁹ Narepsi echi Urbano, mapu tamuje yuwa iyenli nawesa echi Kristo , ali echi Estakis, mapu nije we kale. ¹⁰ Narepsi echi Apeles, mapu Kristo jiti ka'la rijoi nirarami nili. Narepsi echi jare mapu Iki Aristobulo yuwa pire. ¹¹ Narepsi echi Herorioni, nije ritemali. Narepsi echi mapu iki Narsiso yuwa pire, mapu iki bichiwami ju ¹² Narepsi echi Trijena ali Trijosa, mapu werli ola nocha echi Walubeala Jesusi yuwa. Narepsi echi Persira mapu nije we kale, mapu echi we ka'la onochi echi Walubeala Jesusi jiti. ¹³ Narepsi echi Rujo, echi mapu Walubeala Jesusi jiti bayertami nili ali echi eyela ali nije eyela ayenacho. ¹⁴ Narepsi echi Ansinkristo, flejonte, hermes, patrobas, Hermas ali echi rijimali ampu ayenacho aboni yuwa muchuwi. ¹⁵ Narepsi echi Jiloloko ali julia, echi Nereo ali echi rijimala, ali echi Olimpas, ali kara su'waba mapu iki muchuwi bichiwami. ¹⁶ Narepsi nakupi we kanilka, sineami mapu iki Kristo bichiwami ju mi walu natepaliami nawili. ¹⁷ Jipi ko ni werli mi ane, Rijimala, ka'la natasi echi mapu rojanla noka ali mi siuna rika raichka mina mi kie newalarma. aboni waminan simarra noka mapurika yemi binertami ju. kie me napawisi echi yuwa. ¹⁸ mapujiti jena yira ralamuli kie ka'la olamaré echi Kristo keni Walula Jesusi, chopi mapurika aboni naki olanla. mapurika ra'icharé ne su'we anika ali we norami nira, aboni we kalenk iyeni auche jare mapu iki kiecho me ka'la natami ju. ¹⁹ Mapurika aboni we ka'la nijewika pireami ju aboni auche jare ka'la bine. Nije we kanili, yemi jiti nirá ko, chopi nije naki mapu we ka'la natami nibo mapu pir we ka'la ka ali mapu pir kie ka'la ka. ²⁰ Echi Riosi mapu we kaniluami niji ma mulup chakena rikiemare echi satan. Keni Walubeala Jesukristo sinibi mi ku'wirsa kala nima. ²¹ Timoteo, Mapu tami ku'wiri nocha, mi natepaliami nawili ali Lusio, Jason, ali sosipater, mapu nije ritemali ju. ²² Nije Tersio mapu osa jena Osuli yem iyakuami. mi natepaliami nawili Walubeala Jesukristo nira. ²³ Kayo, Mapu tami nakiwili echi bitelchi isabma ali kara mapu iki bichiwami ju mi atepaliami nawili. Erasto, echi mapu wanomi katewasiami ju jena'i wika rijoachi, mi natepaliami mi nawili, ali echi Rijimala Kuarto. ²⁵ Walubeala ju echi Binoi mapu omeri mapurika yemi sinibi echirika werli olasma mapurika ani echi Riosi raichali ali mapurika ani echi Jesukristo nawisála, mapurika a machirtami nili chabe jonsa, ²⁶ Chopi jipiko ma riwirtami ju ali ma machirurami ju mapurika osali echi Riosi jiti nulerami ra'ichanala, mapurika nula echi Riosi ne sinibi biteami, mapurika nijewika bichibo. ²⁷ Echi bilepi Riosi mapu we ka'la machime ju, Echi Jesukristo jiti, Walubeala ju echi Sinibi rawe nira. Echirika nisa ka'la ju.