¹ Tamuje mapi iki ma ka'la jiwerami ju Ku'wirbore mapu iki kie omeri jiwerk olá., ali kie pi aboni we onorli nira yenbo. ² Nakiusi mapu sinemka tamuje nakupi kanilbo auche bile yuwa karunti namuti ka'la oloka, mapurika ka'la binebo. ³ Mapujiti kie Kristo binoi we onorli nira yenli. chopi binoi, Echirika níli mapurika osiruta chukú: " MAPALI MUJE KIE KALELTI ECHI JARE JITI MAPU IKI WE MMI KICHILI NIJE AYENACHO WE OMONKI MUJE JITI". ⁴ Mapujiti kara su'waba namuti mapurika ocilti ne chabe jonsa, oslati mapurika tamuje binebo, mapurika ikíli nokisk ali echi Ra'ichali osirutami tami iwerl iyama mapurika sinibi rawe echirika bu'weka pirelbo. ⁵ Jipi, Echi Riosi mapu ka'la buwemi ju ali mi jiwerl iyami ju. yemi ku'wirsa mapurika sineami bilepi namuti a'nata pirelma, echi Kristo Jesusi Jiti. ⁶ Echirika olasa ka'la nima Binoi mapurika yemi omerbo nawajina sineami napawika, echi Riosi ali echi Walubela Jesukristo Onola. ⁷ Echijiti kanilsi nakupi, mapurika Kristo ayenacho wabe yemi mi kaleli, Mapurika wabe kanilma keni Riosi. ⁸ Mapujiti nije ani mapu Kristo jularami nili Ku'wirami nira, Pabakami, ne bichiwa rawala Riosi winil jiti, mapurika ku'wirtami nima riweali echi iwenli, ⁹ ali mapurika sineami ralamuli mapu iki kie Juriosi ju nawajinma Walubeala nira echi Riosi mapu we natimaka nikúrami ju. Mapurika osiruta chuku: "ECHIJITI NIJE MI WABE ONOMA MAPONA MUCHUWI ECHI RALAMULI KIE JURIOSI ALI MI NAWAJINMA MUJE RAWALA JITI" ¹⁰ Jerika ani acuhe sine: "NE WABE KANÍLSI, YEMI MAPU IKI KIE JURIOSI JU, YEMI ABONI MAPU IKI YUWA PIRIE." ¹¹ Ali auche sine: "NAWAJINSI ECHI WALUBEALA JESUKRISTO, YEMI SINEAMI RALAMULI MAPU IKI KIE JURIOSI JU; NAKIUSI MAPU AUCHE JARE SINEAMI AYENACHO NAWAJINMA." ¹² Auche sine, echi Isaias jeanili: "NAWAMARÉ ISAÍ KUCHALI JONSA, ALI WILISMA MAPURIKA WA'LULA NIRA ECHI RALAMULI MAPU IKI KIE JURIOSI KU'WIRSIA. ECHI RALAMULI MAPU IKI KIE JURIOSI JU ECHIRIKA MA KA'LA KU KU'WIRTAMI NIMA ECHI BINOI JITI." ¹³ Jipi echi Riosi mapu ku'wirami ju, we kanilkuami mi yasa a li kili kie biyir majak pirelkuami mapali waminabi bine, mapurika omerbo yem sinibi waminabi machika pirela mapurika ku'wirtami nimaré yemi, echi Riosi Iwikala jiti jiwerl mi yasa. ¹⁴ Nije ayenacho ka'la machi yemi jiti, keni rijimala. nije ayena machi mapu yem ayenacho wabe kanilka ku'wiri auche jare, ne wabe machika a'natami ju. nije ayenacho machi mapu yemi ayena omeri nakupi ka'la ra'amka pire. ¹⁵ chopi nije osoya chuku ne machirutami nira karunt namuti yemi jiti mapurika yemi auche sine ku newalama, mapurika Riosi tami wabe simati i'yali. ¹⁶ Jena mapu Riosi tami i'yali jiwerka olama nije mapu nije nima riweali bile mapu Kristo jiti nijewika olamaré echomi mapona jularami ju echi ralamuli kie Juriosi yuwa, mapurika bile saceroti nira nijima echi ka'lala Riosi Ra'ichali. Nije ko simé jena jerika olasia mapurika echi Ralamuli kie Juriosi ka'la narerami nima Riosi jiti, mapali echi Riosi Iwikala ku Bi'wasa. ¹⁷ Mapu nije jiti kanili ju Kristo Jesusi ali echi kara su'waba namuti mapu iki Riosi ola, ¹⁸ mapujiti nije kie sine omerma karunti namuti ra'icha chopi mapu iki Binoi Kristo olali tami ku'wira mapurika nije ayena nijewika olama simiya mapona muchuwi echi ralamuli mapu iki kie Juriosi ju, ¹⁹ echi karunti olarami jiwerka, ali echi Riosi Iwikala jiwerl jiti. mapujiti Jerusalenchi jonsa ali yensi chuwena wabe mikia jonsa mapurika Iliko aniliwachi, nije omerma sinepra nawesa echi Riosi Ra'ichala. ²⁰ Jena jerika, nije naki waminabi nawisanala echi Riosi Ra'ichala, chopi kie mapona ma nawesalti echi Kristo rawala jiti, mapurika nije auche jare winil waminabi iwerl olama. ²¹ Jena jerika Osiruta chuku: "ECHI AUCHE JARE MAPU IKI KIE SINE NAWALI RIOSI RA'ICHALI JITI ABONI AYENA RIWIMEA, ALI ECHI AUCHE JARE MAPU IKI KIE SINE NAMLI, KA'LA MACHIMEA. " ²² Echiko rika nije isim rawe wabe norli olaki jena'i nawa yemi yuwa. ²³ Chopi jiti, nije ma kie kasen simeraré jena'i wiporachi, ali nije ma wika bami naki siminala yemi yuwa. ²⁴ Echijiti mapali nije simisa mina España, nije mi riwimea naki mapali echomi simirsa, ali jularami nima yemi jiti, mapali ma we kanilka iniasa yemi yuwa pi itiel. ²⁵ Chopi jipi ma simi mina Jerusalenchi ku'wirsia mapu iki bichiwami ju. ²⁶ Mapujiti we ka'la kanilkin echi jare Maseronia ali echona Akaya pireami jiti, mapuali aboni ku'wirli echi jare ne wabe risuati, bichiwami mapu iki muchuwi echona Jerusalenchi . ²⁷ Owe, jena jerika olasa aboni we kanili ali jonsa echijiti, aboni ko ju mapu pichi ku ku'wirtma nima. Mapujiti echi jare ralamuli kie Juriosi ku'wirli Jiwerl aya, ayenacho ku'wirtami nima karunti namuti aya. ²⁸ Echijiti, mapuali nije ma sunusa jena jerika ola ali ma ka'la suwensa iya jena mapu yarami nimaré, nije simirma yemi yuwa echona España. ²⁹ Nije ayena machi mapuali nije ma echona nawasa yemi yuwa, nawaman ne wabe sima rika ku'wirtami nira echi Kristo jiti. ³⁰ Jipko nije yemi werli mi ane, Rijimala, Keni Walubeala Jesukristo jiti, ali echi mapu we Kanilkuami nija echi Riosi Iwikala, mapu yemi ayencho werli olasi tami yuwa tana Riosi tami jiti. ³¹ Tansi Riosi mapurika nije sinibi tiburami nima echi mapu iki kie biyir nijeuka pire echona Jureachi, ali mapu yir olamare echona Jerusalenchi ka'la kanila simarma echi Bichiwami echona pireami. ³² Tansi Riosi mapurika nije omerma nawa yemi yuwa we kanilk mapurika echi Riosi naki, ali mapurika nije omerma, yemi yuwa, ka'la kanil isaba. ³³ Riosi We mi kanilkuami yemi Yasa ka'la nima. echirika nisa ka'la ju.