¹ Jena ju ne chokuchi Jesukristo jiti ruká nawisárami, echi Riosi ranala. ² Mapuriká osiruami ju echo na Isaías jiti, echi nawesami nesi. Nije júli bacha echi mapu ka'la ruyeka sima, mapu mi ká riwélima echi buwe. ³ Echi ra'ichali mapu nipáuma chakena akichechi: a kariwesi echi walúla bulá'a, kala achíame niwa. ⁴ Juani nawali, pakosia echona akichea alíichi alí nawesika bile pakokuami kala ku nátaka mapuriká ku wikawarami níma echi chati olalila. ⁵ Chuwena kawirali Jureachi aniliwachi ali kara suwaba pakótami echona Jerusalemachi jonsa simíbali maponá asali binoí. Abonikó pakórami niili echi jiti, echoná bawirali Jordan aniliwachi, mapualí aboni ku 'natasa echi chati olalíla. ⁶ Juani napachami nili echi mula'a wichila, bile wipuli wichi jiti niwárami pukami níli alí binoi kolomeni chakena nirúami ko'wamin nííli. ⁷ Binoi nawesali alí jenaika: "A bile inari, pe jubámi nije yuwa, mapu waminána jiwerámi ju tami yuwua, alí nije ketasi jú echirika 'olama ketási cho mapu botonama echi karrachi wíla. ⁸ Nijé 'yemi mi pakóki bawí jiti, chopi Binoi 'yemi mi pakórami níli juani jiti echona bawirali Jordanchi. ⁹ Echirika ikili echalí rawé mapu Jesusi nawali Nazaretachi jonsa echomi Galileachi, ali Binoi pakórami níli juani jiti echona bawirali Jordanchi. ¹⁰ Yensi machinsa Jesusi ba'wirali jonsa, Binoi ko n' tiwáli riwigachi iráptami ali echi Riosi Iwigala rikínali repani mooba mapuriká bile makawí. ¹¹ Alí bile ra'ichami machínali riwigachi jonsa: "Muje ju nije Ranala natimárami, Nije a ti we kanilika muje yuka" ¹² Echalíko echi Iwigála we sapú nirika 'yúrali mapuriká simínala echomi kawirali akicheachi. ¹³ Binoi ko asali achomi kawirali akicheachi naosa makoy rawe, chati 'natali 'nertami nili echi Riablo jiti. Binoi asali yuka echi namuti jobátima kawichi niruami alí echi Riosi piónali 'a ku'wirali. ¹⁴ Echalí ma Juani chapirúmi nili, Jesusi nawali Galileachi alí nawéska echi Riosi ra'chali, ¹⁵ alí jenaiká: "Ma sebali ju alí echi Riosi nila nolalia ma mulubé ati. Ku kala 'natasi alí bichísi echi echi ra'ichali." ¹⁶ Ali ma simirsa echomi mulubewalú bawechi Galileuchi, Binoi ko riwali echí Simoni alí Andresi, Echi Simoni a rijimali, bawechi apá echi chiní' rochí sirúli mapujitii aboni ro'chi siruami níli. ¹⁷ Jesusi ko jeaneli: a kiná simasi alí tami najatasi alí nije niwama 'yemi pakótami siruami." ¹⁸ We sapú niraka aboni chakena riweli, echi ro'chi sirúli alí simibali jubámi echi yuka. ¹⁹ Alí mapu Jesusi simíachi waminábi mika niraka, Binoi riwali echi Jakobo (Santiago), Zebedeo ranala, alí echi Juani, a rijimali; aboni wisú muchuli echi rochi siruakuami, echona barkochi. ²⁰ Binoi we sapú nirika bayéli; aboni ko riweli echi onolá echona barkochi echi nóchami a yuka alí aboni najátali. ²¹ Alí aboni mo'wili echoná Capernaumachi, alí, siné sawalachi, Jesusi bakili echona ri'obachi alí binerili. ²² Aboniko ketasi biiri mayeli mapurika binérami nili, mapu jiti Binoi binerali mapurika bile mapu walula niraka alí ketasi mapurika echi Riosi nulalila osámi. ²³ Ne 'echali salí echona ri'obachi bilé rijoi mapu níwami níli echi siti chati iwiga, alí welí sináli: ²⁴ ¿Cho piri alaboré tamuje, muje yuka, Jesusi Nazreatchi biteami? ¿A mo nawaki tamuje suwabmia? Nijé a machi chika ká muje, ¡Muje ju echi ne 'we kala Riosi níli! ²⁵ Jesusi we iweami ra'ichali echi chati Riablo pionali alí jeaneli: "¡Ke 'anika alí machini echona jonsa!" ²⁶ Alí echi iwiga chati rile apáli, alí machínali echi rijoi echi jonsa wéli sináka. ²⁷ Kara suwuaba pakótami 'we simirika néka ripili, echijiti aboni na'kupi rukeka nokali: ¿pir ju jena? ¡Bile bineruami ne bukuliame ne 'we iwerka! Binoi nulé ayenacho echi siti iwiga alí a nijewika onlá." ²⁸ Ne sapunirika echi ra'ichali Binoi jiti, ne buchuwena ikirali, ne chuweni Galileachi aniliwachi kawirali . ²⁹ Echalí jonsa mapu aboni buwuali echona ri'obochi jonsa, simíbali Simoni bitelachi alí Andrés, Jacobi alí Juani yuka. ³⁰ Jipi ko echi Simón wasila, nayú bu'wili ratáli jiti alí we sapu aboni 'aneli echi Jesusi echi mukí jiti. ³¹ Echirika Binoi nawali, sikala chapiká alí ku wilásali; echi ratali ma ku simili alí echi muki o'wili nigurka nocha. ³² Echalí rokó, ma bokowisa echi rayenali, aboniko 'yebali ne su'waba nayukami wecho echi chapirutami chati iwiga jiti. ³³ Echona wipó pireami su'wuaba napawili echomi yéchi. ³⁴ Binoi sawali ne wikabe mapu nayukami nili, wikabé na'uli jiti alí machí lusali echi chati iwigá, chopi Binoi ketasi nakili echi chati iwiga ra'ichama mapujiti aboni kalá machimi níli. ³⁵ Binoi ko asísali ne bi'ya, mapuali cho biji ke machíachi; machínali alí simili binel niraka alí echoná Onoruami yuka ra'chali. ³⁶ Simoni alí echi mapu yuwa muchuli, 'a 'yenali. ³⁷ Aboniko riwali alí jenaeli: "Kara suwaba mi 'a 'yena." ³⁸ Binoi jeanili: "Ma simabo auche bileni, jemi mulube wipo, mapurika nijé omerima nawesa echomi yenacho. Echijiti nije nawaki jena'i" ³⁹ Binoi simili ne buchuwena galileachi, nawesali binoi ri'obaulchi alí machi luska echi siti iwiga. ⁴⁰ Bile buwáli nayuami nawali echi yuka; alí we tánali echi Binoi, ne chokobaka ilíbíka, alí binoi jeaneli: "A muje echiriká nakisáka, muje omeri tami ku biwá." ⁴¹ Natimaka, Jesusi wémi sikelka alí chapili jeanika: "Nije a nakí. Ku biwíkami níli." ⁴² We sapu echi buwánali nauli we yati riwéli alí binoi ku bi'warami níli. ⁴³ Jesusi ne ka'larka 'aneli ra'ama alí nuleli we ku siminala sapuka, ⁴⁴ alí jeaneli: Ka'lá natiki kir ke wesi ruwé, chopi simiká riwírami echi wa´lula echo'na ri'obachi nawesami, alí 'ya mapujiti muje ku bi'wárami jú, mapuyiri namuti riká nulali echi Moisés, mapurika machirkuami nirá auché jaré. ⁴⁵ Chopi binoi machínali machi alí chótali jeane auche karka suwuaba, ne suniami machí´rali echi ra'ichali ne simirka mapujiti Jesusi ke omerali ne buchu´wena yena ke machiná niraka. Echijiti Binoi similí péwena ali echi pakótami isili echi Binoi yuwa ne suníami pireami.