¹ Saulo asali ma kala natika mapo ma mukume ruli. Echirika echali rawe owinli we najatika echi sayerika echona iglesiachi ienami yuka mapu muchuli echona Jerusalenchi; ali echi bichiwami muchuli karka chijaka, pireami jiti echona judea ali samaria, ayenacho nawesami. ² Ralamuli mapu we kaliemi otoli echi Esteban mmina olali we nalaka echi jiti. ³ Chopi Saulo isili we chib olali echona iglesia ienami; binoi baquili calirali, ivil calirlinira ali banaka machi buwanali echi ralamuli ali muku ayenachi, ali muchuli echona pacha oakuachi. ⁵ Mina jonsa, echi bichiwami mapu inili chajanarami, isirla nawesa Riosi raichala. ⁴ Felipe ikinali echona wika rijowachi echona samaria ali raichala echi Kristo nira. ⁶ Mapali wikia Ralamuli echi ralamuli anamali ali Riwali mapo riwirtami inili echi Felipe jiti, aboni napawika iteli ikili anamika mapu binoi anili. ⁷ Chopi ikia ralamuli mapu inili, wika kie kala machi buwali mapali sinaka walu raichala; ali ikia ralamuli rowisami ali kie omerami ajasa inili sawarami. ⁸ Ali niruli we canilkuami echona wika rijowachi. ⁹ Chopi niruli bichiuli ralamuli echona ikia rijowachi riwewami Simón, chikachave asali olowa sukuru; binoi echirika ipenali we kaniltia echona samaria, mapali anika bile rijoi we natem nira. ¹⁰ karka echi samaritanos, yensi kuch jonsa ayenacho yensi wali, teli anamali kilinira binoi. Aboni anika: "Jena rijoi ju amerami Riosi jiti mapu ju "Riwewami walu." Aboni anamali. ¹¹ Aboni we kanila no kuali chave nira echi sukurami nira. ¹² mapu ali aboni bichili mapu ali Felipe nawesali RIosi raichali mapu bacha chukumi echi Riosi mina Jesucristo, aboni inili Pakotami, bino rijo rika muku ayenacho. ¹³ bino Simón ayenacho bichili. mali echi bautizartami inili, bino bachami chokuli echi Felipe yuka; mapo ali echi riwali inerkuami omerkuami isili, echi binoy chokumli anoka nira. ¹⁴ Jipi mapali echi nawesame echona Jerusalenchi namali echi samaria mapu Riosi raichala, aboni jurati echi Pedro y Juani. ¹⁵ mapali aboni simibali, bina tanli echi nira, mapu aboni nira chapili Riosi wikala. ¹⁶ Chopi jipi jenasi, chopi ke tasi nawali echi Riosi wikala aboni jiti; echi inili ma pakotami inili Riosi nira. ¹⁷ ayenacho pedro y Juani wichali sikali echona nira, aboni nareli Riosi wikala. ¹⁸ Jipi mapali Simón riwala Riosi wikala iyarami inili nawesami sikala jiti, echi iyantili mina wanumi. ¹⁹ Binoy anili: Yamami tamuje nikuami jiwerli, chuirpi jena ochasa kani nije nira, inima chapuritami Riosi wikala." ²⁰ Chopi Pedro aneli, moje niwala echi wanumi ripisa moje yuka, moje natali mapu muje ati nikuami echi Riosi niwali binoy walumi nira. ²¹ Mujé kie iniwi jena kie chira olamam jena ta namuti raichacuachi, mapu muje sulala kie ni achinika ju Riosi yuga. ²² Chopi muje roisa jena siti duami muje inila, ali orarka echi onoruame, chopi echi ko omerma ikawa chopi ni moje sulala. ²³ Ali nije ritiwa mapu muje ati chanila mina omermi echi riwe echi chati olalula. ²⁴ Simón iliska ali aneli: "olarsi echi onoruame nije nira, ali kie ira echi ta namuti mapu riga emi raicha kie iki nije yuwa. ²⁵ Mina pedro ali Pablo nawesachi echi aboni raichaga echi onoruame raichala, aboni roili ali ku simibli Jerusalenchi echomi buchi, aboni nawesali echi Riosi raichala wika samaritanos. ²⁶ Jipi echi Riosi piyonala ali onoruame raichali echi Felipe ali vi aneli: "iliska mina simika echona rileni echona mapu simiyamiju Jerusalenchi ali gaza." (jena buye ju echona iye akichewachi) ²⁷ binoi iliska simili. Jenai, niruli bile rijoi ali Etiopía, bile rijoi we nateami, walula echona Etíopes. ²⁸ Binoi asali tibuka echi karka wanomi. Binoi nawali echona torrocachi ali asali liyera echi Isaías nawesame. ²⁹ Echi Riosi wikala ji aneli echi Felipe: "Simika echona ali muluveni echona torocachi. ³⁰ Mina jonsa Felipe amali echi yuwa binoi ali anamali liyerami echi nawesame Isaías ali aneli "¿a machi mapu liyera chum?" ³¹ Echi Etíope anilí: '¿ Churika omermaní, chopi ayeria ali bile tami anesa?" Binói wersi aneli echi Felipe mapu amóma echona toroch mina asimea echi yuwa. ³² Jipi echi asali liera, echi raichali jena jú: "BINÓI OTURUTAMI NILI BILE BOWÁ NIRA ECHONA MILÍWUACI; BILE BOWÁ NIRA, NI BACHAMI KE TASI IIRA ANICA BINÓI KE TASI IIRA ANÍLI ³³ ECHALI CUVA ANILIACHI KE TASI NIRATI ECHI RAICHALA: ¿CHIKA ANEMA ECHI BUAMI? MAPURICA BINÓI BITELKUAMI IYERAMI NILI JENAI WICHIMUBACHI: ³⁴ Echali echi eunuco aneli echi Felipe mina je anilí: "Nije mi rukema ¿Chika nira raicha echi nawesami? ¿echi nira o auchevile nira? ³⁵ Felipe owinali raicha, Binói owinli je na raichalí echona Isaías mapu nawesma echi Jesús nira. ³⁶ Mapu ali echi aboni iyenli echona buye, echi aboni isilí echona bawirilí; echi rijoi je anilí: ineto niru bawi jenaí, ¿pira kie nakiwi mapu omerma ³⁷ Felipe je anilí: "ali muje ayena bichissa ni solochi nira, ali ayena omermi pako," Echi Rijoí ku je anili "nije bichiwi mapu echi Kristo jú Riosi Ranala," ³⁸ Echali echi Etíope aneli uchubnala echi torokí. Echi aboni simibalí echona bawiralí okuaka Felipe mine Etíope sí, mina Felipe pakulí. ³⁹ Mapu ali echi aboni ma buwasa bawirali jonsa echi Riosi Iwikala otolí echi Felipe, echi rijoí kie ku riwuali mina ku similí echona buwe we kanilka ⁴⁰ Chopi Felipe ku machinli echona Azoto Echi simirli echona bilena mina nawesali echi raichali echona karka wika pireachi, yensi nawasa echona Cesarea.