Kichá Rojanarami.
1
Echi bacha inarami, je anili "Ju jena namuti bichiwuali?"
2
Esteban je anili: "Rijimara mina wentami namsi: Echi Riosi we simati olam, ilibali echi tamuje onola echi Abraham mapu ali binoi asali echona Mesopotamia mapu ali binoi bitelma rieli echona Haran;
3
Echije aneli: RIWE ECHI KAWI MINAMUJE RIJIMARA MINA SIMIKA ECHONA KAWICHI MAPU NIJE MI INERMA;
4
Echali binoi riweli echi kawi Caldeos niwali mina biteli echona Haran; echali echona jonsa mapu ali ma mukusa binoi onola, Riosi pali jena kawuichi echona napu yemi bite jipi.
5
Ketasi ira iyali namuti mapu riweli binoi onola echi binoi, kie, kie tasi iyati mapu echona asinea chopi Binoi anili, echali Abraham kecho kuchami nili, mapu POINOI MI IYAMA EHCHI KAWI NAPU OMERMA PIRE SINIBI NIRA ECHI BINOI MINA ECHI BUAMI JUBAMI ECHI YUWA.
6
Riosi raicha echi binoi jerika: ' MAPU ECHI BUAMI PIRELMA PI TEI NIRA ECHONA BILENA KAWI KIE MACHIRUTAMI MIWA ECHONA PIREAMI OTOMEA ECHONA ONOCHARMA RUA MINA AYENACHO RISUA OIAMA NAOCIENTO BAMI'.
7
'MINA NIJE KALA ANEMA ECHI RAIAMULI MAPO NIMA NOCHARTAMI; je anili Riosi, 'MINA JEWA JONSA ECHI ABONI BUAMA MINA MI NAWAJINMA JENAI'.
8
Mina Binoi mi iyali echi Abraham bile raichali, echirika Abraham najitali echi Issac onola echirika aniti echali osanao rawe Issac najitali echi Jacobi onola mina Jacobi echi makoi nao rijimara onola.
9
Echi rijimaras naka nokali echi Jose yuwa jiti ralinewuali echona Egiptochi, mina Riosi asali echi yuwa.
10
Ali chapisa karka mapu risu iniltami ali iyali walu natali bachomi Faraon nira echi walula Egiptochi jena ucheli walula nira echona Egiptochi ayenacho ibilpi kalirali nira.
11
Jipi, nawali bile we lola echona karka chuna Egiptochi ali Canan ali risuniltami ali tamuje onolua kie riwali kowami.
12
Chopi mapali Jacobi anamsa echi Egiptochi niruli turu, binoi julali chave sine.
13
Echali osa chokem Jose inerli binoi nira binoi rijimala; ali bileni kalira pireami echi Jose inili machirutatami echi Faraon.
14
Jose julali binoi rijimala ku rowika mapu anemare echi Jacobi bunoi onola nawanla echona Egipto, napawika karka binoi rijimala, kichas makoy mali ralamuli ni karka.
15
Echirika Jacobi ikinli echona Egiptochi; mina jonsa mukuli, binoi nira ali tamuje chabe nira.
16
Aboni inili otorutami echona siquem ali simibali mapu muchima riweli echona chuwechi mapu Abraham ralali natem pilata echi kuchala homor na siquem.
17
Mapali minami rawe mapu Riosi anili ma mulubenli, mapu anili echi Riosi echirikaa olama ruli Abraham yuwa, echona okua rijowachi ochera inarli ali ika rijosli echona Egiptochi,
18
echali jonsa ilisali chobile wualula echona Egiptochi, bile wualula mapu ke machilli echi Jose nira.
19
Echi bilepi wualubela wikaleli tamuje pireachi mina chibi olali echi chave pireami we risua nira, mapu aboni ka tibuma riali echi kuchi siti ralamuli jiti mapu omerma ochera.
20
Ni echali rawe nawuali Moises: Binoi nili we bayoami echi Riosi yuwa echirika tiburami nili bakia micha echona onala bitechi.
21
Echali mapu binoi achali echona machi bawirali echi Faraon ranala riwuali mina, bukuruli mina ochebnali mapu binoi ranala nira.
22
Moises ni kala binertami nili karka echi binerkuami echi Egipcios nira, mia binoi nili we jiwerami ali raicha mina mapu olci .
23
Chopi mapali ma mulube haosmakoy bami, nawuali binoi sulachi kolkuami binoi rijimala, echi Israel kuchuala.
24
Ali ritesa bila Isrealita risua olusua oluachi, Moises kuirli, mina ku sayerali echi mapu risua olali echi Egipcio.
25
Binoi anatali echi rijimara machimea echi Riosi binoi sicala kuwira chi koli, cho pi aboni kie anamli.
26
Che sine rawe binoi nawali echi Isrealitas mapali aboni mucholi chib aneya muchuli; bi noi isili muchua kili nira aboni nira; binoi aaneli ralamuli hiemi ju rijimala: ¿Churika hiemi nakowa che bile yuka?.
27
Chopi binoi echi chib olala bile, mina rikibuli a li aneli, ¿Muje chika niwali siliame ali walula tamuje?
28
¿A kanilma muje tami mila, churika milake echi Egipcio paca?.
29
Moises simili jubako ali anamsa jena, binoi najitali kie machirutami echona kawirli Madian, echo´na jonsa nawali ono ali okua kuchali.
30
Naosi makoi bami simirlachi, bile kalabe rijoi lible echo´na iye akicheachi echo´na ripa rabo Sinai, bile nai rajaichi echo´na bite raja.
31
Ma pali Moises riwali echi nai, binoi we kanile ma pali riwali, ali mapali mulubenle mino inesia, nawali Riosi raichala je aneka:
32
´NIJE JI RIOSI ECHI MUJE ONOLA, AYENACHO RIOSI ECHI ABRAHAM ALI ECHI ISAAC ALI ECHI JACOBI: Moises salumale y mina kie inenli.
33
Echi Onoruame je aneli echi: IYE ECHI CARACHI, CHOPI ECHO´NA BILENA MAPU MUJE ILI ECHO´NA KAWI WE KALA.
34
NI BICHIWALE NIRA NIJE RITIWA ECHI RISUA INILAME NIJE BITECHI PE OKUA RIJACHI MAPU ATI ECHO´NA EGIPTO; NIJE ANAMKI NAKATRAMI, ALI NIJE RIKINKI ALI CUIRSE; JIPI KINASIMI NIJE MI JULAMA ECHO´NA EGIPTO.
35
Jnea Moises, mapuriga emi kie kaleli ali je anili: ´¿CHIKA MI ILALI BACHA CHUKUAME ALI KALARAMI?´ Echi inili mapuriga Riosi Julali mapu walula nira ali kuirami nira. Riosi julali echi sikala ali Riosi piyonala mapu binoi riwali echo´na rojarli.
36
Moises yuga inarli aboni machi echo´na Egiptochi jonsa juba mapa ali ikisa ali ma riwirasa echo´na Egiptochi ali echo´na walu bawi sitakame, ali echi´na we bachiwealichi echali naosmakoi bami.
37
Inili echi Moises mapuriga aneli echo´na pe okua rijoachi jea Israel: ¨RIOSI ILASMA BILE NAWESAME EMI NIRA, MAPU EMII RIJIMARA BILE NAWESAME RIGA NIJE¨.
38
Jena rijoi mapu asali yuga ralamli echo´na we bachiwealiachi echi Riosi piyonali mapuriga raichali echo´na bileni rabo Sinai. Yena ju rijoi mapu asali tamejo chabe nira; jena ju rijoi mapu chapili raichali bitelkuami mapuriga iyarami tamuje.
39
Echi ju rijoi mapu chabe ke amali; aboni chijanti, echi sulali ku simili echona Egiptochi.
40
Mina rawe anili echi Aaron: ¨NIWASI RIOSI MAPU TAMOJE YUWA. MAPO ALI ATISA MOISES, MAPU TAMOJE YURLI ECHONA CAWICHI EGIPTOCHI, KETASI MACHI CHOKIA¨.
41
Yenarika, mina rawe aboni niwali bile biserre pali niwarami iniwachi, kanila aboni niwarami sikarati niwarami.
42
Bino Riosi nochutali y yali mapu kanma echi sopoli echona riwachi; mapu echira asarutami choku bibliachi echona nawesami; ¿AMI IYALI TAMOJE ECHI KARUNIA KU URITAMI OIARAMI ECHI NAUSIMAKOY ECHONA YE KACHES ECHONA ISRAELICHI BITECHI?.
43
YEMI NALILI ECHONA TABERNAKULICHI BINA MOLOC AYENACHO SOPOLI NILA RIOSI RENFAN ECHI NAMUTI IYEMI NIWALI NAWAJUNKUAMI MINA NIJE OTOMEA MIKABE ECHONA BABILINIA.
44
Mina rawe inili echona tabernaculochi anili binoy nira echona iye akicheasi, mapu ichirika Riosi nulali mapi ali aneti Moises, mapu binoi inima echi niluami nira.
45
Binoi ju ralinekuachi wikave yawe, echali, pali echi kawicha echi Josue. Jena ikili mapali aboni chapisa iyarami jareni piremi mapu Riosi machi pali bachami.
46
Echi mapu riwali sala Riosi nirra; echi atali nali rimueare bile kali mapurika echi Riosi Jacobi hanili.
47
Echi Salomon niwali bile kali echi Riosi anili. Mapurika, echi walula kie bite echona kali niwarami pi sikate;
48
mapurika nali ju mapurika echi, aneli echi nawesami:
49
¨RIPA RIWIGACHI JU NIJE BITELACHI, MINA NALI KAWI PI RIPIORACHI JU MAPU TAMUJE JE RONOLI. ¿CHUYIRA KALI HOMERITE HOLA IEMI? ani echi walula: ¿O KOMI ATI ECHI MAPU ECHONA NIJE HISAPMA?
50
¿KIE NIWALI NIJE SIKALA KARKA NALI?
51
Hiemi mapu we rasiwami kie anamami surachi jonsa mina echiko rikala, hiemi chilupi kie anamite echi Riosi wikala; hiemi aboni nokuati aboni Onoruami okuankua.
52
¿Churapi echi nawesami kie nokuali aboni huentami okanikali? echi niliali echi nawesami mapali bacha buali echi kala; mina jipi hiemi najitali chubi nokoami mina miliami echi ayenacho.
53
Iyemi mapu chapili echi raichoili mapu ju kapi tantewala johali , chopi iyemi kie katewali.
54
Jipi mapu echi ralamuli muchili napawikuachi namali jena iri, aboni na awali echona pacha´na nira, mina ronali echi rame sayerka echi Estebani.
55
Chupi bino, nisa bochirami kala wikala jiti, bino ineli ripa riwikachi mina riwali rina riwikachi niruami; mina bino riwali Jesusi iliami echona otena sikalachi Riosi yowa.
56
Estebani jeani: ¨inesi, nije retiwa ripa riwikachi iraptami, mina rijo ranal, iliami echona otoma sikalachi echona Riosi atiachi¨.
57
Chupi echi ralamuli mochiami echona napawikachi sinakali pe oweli nira mina iyerli na abo nakala mina paiti napawika echi yuwa.
58
Aboni palti chebilena kie rijoachi mina basibuiti riteti; mina mapu riwali ucheili aboni echona Saulu riweami ronola.
59
Ali aboni basibuchi echi Estebani, bino minabi tanuli walubela mina jeanika: ¨Walubela Jesusi, chopi nije wikala¨.
60
Bino chukobaka chukubali mina sinali oweli nira: ¨Walubela, kie chapi kie kala olali sayerka echi yuwa.¨ mapali bino je anili, mina kochili.