¹ Jipi mapali ma simarsa echona aniliwachi Anfipolis ali Apolonia ,aboni isili echona wikave rijowachi aniliwachi Tesalónica ,mapu niruli bile sinagogachi mapu echi judíosi napawika nokali. ² Pablo, mapu binoy echirika a bineaminili ,mina simili echi yuwa, ali mina vakia rawe echali inili isapkuachi raichali echi aboni yuwa mina Riosi raichala jiti. ³ Binoy asali irapa osorutami Riosi raichala ali nawesika mapu inimariweli ikimea echi Cristo risu inilma ali ku ilisma echona siwikimi itichi.Binoy anili :"Jena jesusi mapurika nije nawesasimi mina emi ju echi Cristo nira". ⁴ Ibili echi judiosi inili werla anerami ali napawili echi pablo ali Silasi yuwa, ayenacho bile wikave nili ,ni bichiwili karka ajasika nijali ali kie pi okua echi muku bacha chuami. ⁵ Chopi echi judíosi kie bichiwami,inisa ucherami we mayemi, chapisa jare ralamuli kie kala olami echona ralinekuachi ,napawili bile wikave ralamuli, ali we charika nokali echona wika rijowachi. Pacha pochika kalirla echi Jason biteachi,aboniko naquilire iyaboruwa echi Pablo ali silas echona pi okua rijowachi. ⁶ Mapali ma kie ruwisa, aboni banaka echi Jason ali ibili rijimala bacham nochami yuwa echi wika rijowachi, sinaka: " Jena ralamuli mapu rowiliku wichimova chumula rile isili ayenacho jenai. ⁷ Jena ralamuli mapu echi Jason jeaneli kala nawami nokami sayeka echi anili Cesar; aboni anil mapu niru chibile walula,Jesusi." ⁸ Wikave ralamuli ali echi nochami echona wika rijowachi kie kanili mapali anamsa jena namuti. ⁹ Chopi juba echi nochami olali mapu Jason ali chejare natetsa wanomi inisa wikarutami nira, ali pi charika ku julali. ¹⁰ Echali rokogo echi rijimala julali Pablo ali Silas echona Berea. Mapali aboni isisa echona,simibali mina sinagogachi mapu Judíos napawi nokali. ¹¹ Jipi echi ralamuli inili we kala echi yuka Tesalónica, mapurika aboni chapili raichala echi natika karika muchuli,bineka echi osorutami Riosi raichala chulupinira mapurika Machivoaruwa jena namuti mapu echirika nimare. ¹² Mina chopi wika aboni ku bichiwli,ayenacho jare muku echi jiwerami ali wikave ralamuli. ¹³ Chopi mapali echi judíos Tesalonika pireami machuli echi Pablo ayenacho iyenili nawesa echi Riosi raichala echona Berea ,aboni simibali echomi ali kie kanilali ali kie kala anika nokali echona wikave ralamuli yuwa. ¹⁴ Minajonsa we soponi,echi rijimala julali Pablo echona walu bawirali,chopi Silas ali Timoteo echi ripili echona. ¹⁵ Chejare mapurika yuka isirli echi Pablo otoli we mika mapu ir echi wika rijowachi Atenas aniliwami. We soponi achakitm echona,aboni chapili inekuami mapu inimare echi Silas nira ali Timoteo mapurika isimea we soponi iensi omer. ¹⁶ Jipi mina Pablo buweli echi aboni echona Atenas binoi wikala we iyoli mina pachani binoi nira mapali riwisa mina wikave rijowachi bochikami niwarami. ¹⁷ Echirika Binoi raicha we charika echona sinagogachi echi Judíosi yuwa ali chejare mapu nawajini echi Riosi ali ayenacho echona ralinekuachi echi chejare yuwa mapu echona muchuware. ¹⁸ Mina ayenacho jare echi bineami anatika Epicureos ali Estoicos riwali echi yuwa. Jare anili:"Piri nira ani jena we raichami? "Chejare anika nokali:"Echi inilatire bile mapu bayemi ralamuli najatama echi wika riosis kie machirutami,"mapu binoi asali nawesa mulube echi Jesusi ali ku owinali nira. ¹⁹ Aboni chapili Pablo ali mina otoli echona Aeropango, jeanika," a omert machia jena kuleami binerami mapurika asalim raicha? ²⁰ Chopi muje apam namuti kie machirutami tamojo nakachi. chopi,machinalit choaniwawamika jena namuti ." ²¹ (jipi karka echi Atenienses pireami ali echi ayenacho pi yenami pireli echona mina suwabali raweli kie vir oloka, chopi raichika ali anamika mulube namuti kulemi nira). ²³ Mina jonsa Pablo ilibali nasipa echo na Aeropango ali anili,"Emi ralamuli echi Atenas pireami,riten mapu we nira bichiwami karka nira. ²² Mapali ma simira inara ali kala ineli echi niwarami mapu aboni nawajini, Nije riwakin bileni bacham olarkuachi mina jena osorutami:"NIRU BILE RIOSI KIE MACHIRUTAMI". Chopi mina mapu emi nawajina noka kie niraka jena nije animea ²⁵ Echi Riosi mapu niwali wichimova ali karka mapu nirure jena,mapu binoi ju onoruwami echi pariwikachi ali nai wichimovachi,kie ite echona ro ovachi niwarami echi sika jiti . ²⁴ Kie Binoi ju nochami sikala echi ralamuli jiti, mapurika ayena Binoi newalesa namuti,mapu binoi nira nisa vitelkuami ali ikua niwami echi ralamuli ali karka chejare. ²⁶ Echi bile rijoi jiti binoy niwali ivilpi nira wikave napawika ralamuli mapurika pirelima echona rile wichimova,mapali ma siwensa itel rawe inerka ali echi akanami jareni mapu pirelvo, ²⁷ mapu echi jare aboni riwimea Riosi,ayena echirika inisa acherisa ali ruwisa. Chopi Binoy kie ati wemika kie iwesi tamojo yuwa. ²⁹ Chopi Binoi nira pireti ali mokowati ali iniwit tamojo nira, chikorika mapu bile aboni nira osami anisa ²⁸ ,chopi tamojo ayenacho ju isirami echi Riosi jiti ,kie nokobo anatika echi kala anika binoi walu simarika nira ju ir echi oro,mina echi plata,mina rite baruarami- oseka niwarami echi jiti biyorkuami anatika rijoi nira. ³⁰ Mina chopi, Riosi simirali mi ripa echali rawe kie nirarami ,chopi jipi Binoi nule karka echi ralamuli karka buchini jareni kurowinala. ³¹ Jena ju mapu Binoi ineli sine rawe mapali Binoi anemare nai wichimova kala nira echi jiti Rijoi mapu Binoy echi nira chapili. Rios mi nijali raichala jena Rijoi mina karka , ajasika echi suwikami. ³² Jipi mapali ralamuli echi Atenas pireami anamali echi awinami echona siwikimi itichi, chejare charika anika nokali echi Pablo jiti ;chopi jare anili:"Tamojo mina akevorut chesine mulube jena raichala ³³ ".jubami minajonsa,Pablo mina riweli. ³⁴ chopi jare napawili echi yuwa ali bichiwili, ayenacho Dionicio binoi Aeropagita, bile muki ruwewami Damaris ,ali chejare echi yuwa.