¹ Echi Pablo nawalí echona Derbe raniliacho, ayenacho listra riweachi, echona asali bile bineami Timoteo riweami, iyela ko nili bile muki juria onoruame bichiyame, onolako nili Criego. ² (echi wikabe ralamuli Listra ayenacho iconiochi pireami, we alá raíchali echi rijimala jiti. ³ Binoi Pablo yua siminarale, jiti echiriga nologá sikireli, mapu jiti binoyka Jurio nili, ayenacho ma subab machili echi onola, mapu Crieyo nili. ⁴ Aboniko, echiriga simarga nijasili echi bile nulaliwáme, mapu osiruame nili, echi nawsame jiti, achigoriga, mapuriga echi bacha ichuwuame echona Jerusalemachi. ⁵ Echiriga aboni echona napawiame, wé jiweraga bichiíga, minabi muwesili. ⁶ Echi Pablo, alí echi suwawa mapu yua iyenali, simibali echomi Frijia, alí alicia aniliachi, mapú jiti aboni sulibtame, nili echi Riosi iwigala jiti mapú nawisáma echona Asiachi. ⁷ Mapalí aboni ma, mulube sebalí echona Misia aniliachi, aboni simarma riweeli echona Bitinia aniliachi, chopi echi Jesusi iwigala kee nakili mapu echomi simarma. ⁸ Echiriga simarle echona Misia aneliachi ayenacho Troas aneliachi. ⁹ Echali rokogo pablo riwirtame nili bile rijoy Macedonia biteami, we ballee wililii. "Simirka jenaí Macedoniachi tamuje Kumiri." ¹⁰ Mapali Pablo echiriga riwirtame nili, wé, sapunú niraa a lárle mapuriga ti simabo echona Macedoniachi, mapujiti, Onoruame riakili mapu ti ruyebo Riosi raichalá. ¹¹ Echiriga maa Simarsa echona Troasi, neeti wachiniga simibalí echona Samotraaachi aneliachi, echona jonsa maa ti, ba'alinala sili echona Neapolis aneliachi. ¹² Echona Jonsa ti simi bali Filipos aneliachi, echonako, jú Maceroniachi, mapu ju bilcaria walulachi, ayenacho, mapona pí'kuaa pireele Romana aneliame echoná ti, tibilí pi 'teli rawé. ¹³ Echalí isablachi rawe, tí buyali echona yeachi mapona wálu bawí simi, maponá ti, mayeli a nirú bileana onoruame yua ra'íchalbuáme. Echiriga, kilii tí, muchubga raíchalí, echi jare umugüí yua, mapu napawika silí. ¹⁴ Bilé mukuí Lidia riwéame, ralinéwame echi chini purpura anelíame, mapona wikabe rijowachi, Tiatira aneliachi. Echikó we ó'luberga aneami nili Onoruame, alí, echiriga kilii kipúa, asále. Binoy echi Onoruame, iraplí echi sulála mapurigá kipuma echi Pablo nawesaála. ¹⁵ Mapalí echi mukuí, maa pagotame nilí ayenacho suwaba mapu yua biteelí, Binoy tamuje tanlí, jeaniga: "Tiremi alá mayesaga mapu nije ne wachinaga olá, Onoruame yua, nije bitelchi tibisí. "Echirigá binoy ko, tamujé we weralí aneli. ¹⁶ Mapalita maa simiba irenáli, mapona Onoruame yua raíchaba riweelí. Bile mukuí tí, rarepali, echiko we sitii aliweame nili. Echiko wika onomí mee chukule, ayenacho echiriga kuwiria chukule binoy walubeala. ¹⁷ Jeiná mukuíko Pablo yua jubaáme inargo, achigoriga tamuje yua, o'wéli sinaka je 'anili "jeiná ralámuliko echi walubeala Riosi pionla jú. Abonikó we raíchaka aní echi buwé ne wachiame nira. ¹⁸ Binoy wilí rawe, chanigabi iyenáli. Chopi echi Pablo ko, maa we yoami iyenali, echi mukui yua, binoy kujauwana inérika jeanelí echi sitii iwiga: "Nijeko nimí nulé echi Jesusi riwala Jiti mapo'mi miná machiinama echoná Jonsa." Arlí kee saína machinali echona jonsa. ¹⁹ Mapalí echí mukuí walulabala, ma riwalí mapu ma kee tasi biri méma riweele, aboniko, chapili echi Pablo, ayenacho echi Silasi, alí ma banirli echona, bachaamí jawaame yua. ²⁰ Mapalí ma echona toruame nili, aboniko Jeanili: "Jeína ralamuli, we sitiriga aniga yena tamuje pirelachi. ²¹ Aboniko pi Juriosi ju. Aboniko isena bineri, ayenacho siwinárika nawesa, mapu echi roonachi pireami kee binesare. ²² Echona jonsa wikawe ralamuli maa sayerali echi Pablo a'alí echi Silas, echi jawaame we chiwachali napachi, echiriga nuleli mapuriga wipisotame nima kusii jiti. ²³ Mapali maa wicabe wipisole, pacha yerka muchuble, alí nuleli echi tibuame mapú ne alá tibuma. ²⁴ Mapalí ma, nareli jeína nulolíbáame, binoy aminá pachami ilúle alí, ayenacho chebka muchuwali ronolachi. ²⁵ Maa nasipa rokogoó echi pablo ayenacho echi Silas wé, tania muchuli Riosi ayenacho we nawajinia Onoruami, ayenacho echi wikabe pacha'muchubaame kili kipua muchuli. ²⁶ Ke saína, kawi we onóle, alí ma iraptali echi subaba, yeachi. Ayenacho ma sulánarame nili echi karena. ²⁷ Echi tibuame achasrame nili, ali riwaly echi yeachi irapta jawame binoy, chapili echi walú ripiya, binoy siquirema ria, binoy ma ne mukumea, riweali. Mapujiti binoy ko mayeli maa karga buyasili. ²⁸ Chopi Pablo, owéli raichaka, jeaneli: Ketasi maja, jenay ti subaba a muchuwa." ²⁹ Echi tibuame, we ya'ti pacha simirka, jeanili, rajesi echi na'i; Echiriga we sawilumka echona bachaami. Pablochi alí echi Silasi chokobka chukubali. ³⁰ Echiriga machimi buyáchaka jeaneli: "Ti'e'mi ralamuli, ¿ Piri ní olásaré mapurigani kú kuwirtame niima, ³¹ Aboniko jeanili; "Wichibi echi Rijoy Jesusi echirigami kuwirtame niima, achigoriga muje itémla?" ³² Aboniko rayeli echi Onoruame raichala, subaba echona bitichi pireame. ³³ Echali rokogo echi tibuame ma'a bayerga pabakli mapona chiwa'ale. Achigorigamaa suwabiga echona bitichi pireami pagotarme nili. ³⁴ Echali, bayeli echi Pablo, alí echi Silasi echona ripa maponá biteeli; echiriga kowali, kowa'ame; Bino we, kaníli suwaba bitichi pireami yua, mapujiti maa bichiili Onoruame. ³⁵ Echalí maa rawibása, echi oweala, nuleli echi tibuáme jeaniga: "ku ni'ubsi echi ralámuli." ³⁶ Echí tibuáme jeriga ruyeli echi Pablo. Echi oweála tami nuleli, nimmi ku machi awanála, jiti jipi ku simibga ne kaniliga. ³⁷ Chopi Pablo jeanelí; "Aboniko tamuje we wipisule, ne wikabe riwirka, tarape cho machisaa mapú, tamuje ayenacho romachi pireami ju, arigá tami pacha awalí. ¿Jipiko ne china, niraa tami ku botonanale? ¡kie! Aboniko, siga tami kú, machi' awasa ala niima. ³⁸ Echi tibuame ku, kuwana ruyeli echi oweála, echi oweála we majajali mapali namli mapu echi Pablo alí echi Silasi ehcona Romachi pireami nili. ³⁹ Echi oweala echiriga sigá, ku wikawali tanli, alí ku machi awali echona pacha jonsa, achigoriga tanli mapuriga simama mii wamina siwína poblachi. ⁴⁰ Echiriga echi pablo alí echi Silasi, buyasili echona pacha jonsa, echona jonsa simibali echi muki liria bitelchi. Mapali echi Pablo alí echi Silasi riwale echi ritemtame, we jiwerali yali, echiriga ma simibali che bileana maporia, mikawe pirechi.