¹ Pablo i Timoteo, moso ri Kristo Jesús, a tó má gende ké tá sepalao ri Kristo Jesús ké tá endi Felipos, kú má kanbimbante i moso. ² Nglasia sendá kú enú i pa ri Rioso suto Pae i ri Ño Jesukristo. ³ I ndá nglasia a Rioso mí kuandí í a kolá ri tó enú. ⁴ Tó tiembo endi orasió mí pó tó enú, sendá kú jarócheria ké í tá asé orasió mí. ⁵ I ndá nglasia pó birikuata mí tó enú endi ebangelio renje primó ría ata agué. ⁶ I tá komfíao ri eto, ké ese ké a komensá un bue makaneó endi enú a tá siguí ata akabá ata ría ri Jesukristo. ⁷ Asendá gueno ké i sindí ri é moro memo ri tó enú pokké i tén a tó enú endi kolasón. Tó enú asendá birikueta mí endí grasia, kumo endi prisió, refensa mí i komfimasió ri ebangelio. ⁸ Pokke Rioso asendá perito mí, ri kumo akolá a tó enú kú kompasió ri Kristo Jesús. ⁹ I tá orá asina: ké gongoroko rí enú abundá má i má endi konosimiento i pá entendé, ¹⁰ pa ké enú poleba pemití ri moro superió, i asina poleba sendá retto i sonso endi ría ri Kristo, ¹¹ kompleto kú fruto ri justisia ké a miní pó merio ri Jesukristo, pa gloria i alabansa ri Rioso. ¹² aora i kelé ké enú sabeba, numano, lo ké i tá pasá mí ri belá a siribí pá arelantá ebangelio, ¹³ Kumo resutaó, karena mí endi Kristo a salí a lú ante tó guadia ri posa ngande i ante tó má uto. ¹⁴ Tó má numano a tén konfiasa endi Ño pó kausa ri karena mí, i a tén baló pa chiatiá sin miero palabra ri éle. ¹⁵ I Agguno ri belá ata chitiá a Kristo pó intriga i botrokolo, i tambié uto ri guena ngana. ¹⁶ Má uttimo tá aselo pó gongoroko, sabienda ké i tá akí pó refensa ri ebangelio. ¹⁷ Poro má primó a chitiá a Kristo pó ambisió nú ri belá belá. Ané pensá ké polé akongojá mí miettra i tá endi karena. ¹⁸ ¿Antonse ké? ri tó moro, sí kú baga o endi belá, Kristo tá asé chitiaó, i endi eto i tá jarocho. Sí, i tén jarochería, ¹⁹ pué i sabé ké eto teneba resultaó endi liberasió mí kú má orasió ri enú i ayula ri Epíritu ri Jesucristo. ²⁰ Sendá ri patto kú ngana ké i tén i eperansa ri belá belá endi i tá polé sindí pondono nú, i tabiá, kú kala bien pueta, aora kumo endi tó tiembo, Kristo sendá apasionaó endi kueppo mí, sendá pá mbila o pá muette. ²¹ Pué pa i bibí sendá Kristo i lungá sendá nganansia. ²² Poro si i tá bibí endi kánne, eso sendá makaneo kú kutibo pa mí. Antonse, ¿ke i ta kujé? i sabé nú. ²³ Pué i tá presionaó entre má bilingó. Reseo mí sendá patí i tá kú Kristo, lo kuá sendá mejó. ²⁴ Aunké permansé endi kánne sendá nesesario pó bie ri enú. ²⁵ Tando konbensió ri eto, i sabé ké i tán permanesé i siguí kú tó enú, pá abanse sí, i chuchumeko endi fe. ²⁶ Pá ké endi mí enú poleba tené mayó lasó pá yená endi Cristo Jesús kuandi i bolbé a enú uto bé. ²⁷ guía ri foma ké meresé ebagelio ri Kristo, pa ké si i bae a guatiá a enú o i tá aí nú, poleba kuchá aseka ri enú, ké tó enú permanesé fime endi epirítu, endi un memo pensá, makaneando jundo pó fe ri ebangelio. ²⁸ Nú tén kú miero ri niguna fomma ri ané ké sendá enemió sí. eto sendá seña pa ané ri pattilo, Poro, ri sabbasió ri enú, i é ta miní ri Rioso. ²⁹ Pokke eto sé ndá a enú, pó gongoroko a Kristo; nú pó kreé a Éle, sino tambié pó sufrí pó gongoroko a Éle, ³⁰ kujiendo memo botrokolo ké a guatiá endi mí, i aora kuchá ri mí.