¹ Po eso, súto ten ke pala tañio a lo ke súto a kuchá, pa nú aleja rí eso. ² pokke si ma mensaje a se chitíao po ma angeles sendá asina i ma tragresion ku desobediensia ta resibi kastigo, ³ ¿ kúmo súto polé reja pelé ma salbasio ngande? Eta sendá ma salbasion ke Ño anunsia a tiembo i a konfirma súto po eke ke a kuchá. ⁴ Asina ke memo tiembo Rioso testifika rí é kúsa po seña, marabillas i ku obra ku kutú, i andá ma dones rí ma Epiritu Sando kúmo Éle keleba. ⁵ Pokke Rioso núsujeta ma angele a mundo ke tan miní, rí é kúsa súto ta chitía. ⁶ Pokke endi aggun paraje rí má ekritura a testifika asina: ''¿KIENE JUE MA OMBE , PA RIOSO TENE ÉLE MEMORIA? ¿O MONÁ RÍ OMBE, PA BÓ PREOKUPA PO ÉLE? ⁷ BÓ ASÉ A MA OMBE CHITO MEMO KE MA ANGELE; BÓ A KORONALO KU GLORIA Í ONOR. BÓ PONÉ SUJESION BAJO MA PIE.'' ⁸ Pokke sendá endi Éle ke Rioso a sujeta to ma kúsa. Éle nú reja na juelarí Éle. Poro aora, súto nú miná to sujeto a Éle. ⁹ Poro súto miná áke kiene jué icho meno ke ma ángele, po chito tiembo, Jesús, ke po kongoja i muette Rioso a koronala ku gloria i onor. Éle a proba muette po ka ombe. ¹⁰ Pokke Éle a sendá apropiado pa Rioso, pokke to kúsa sendá po merio rí Éle i pa Éle, pa tree chochá rí moná a ma gloria. Éle sendá apropiado pa se kambinbante rí ma salbasio si ke a kompleta po ma komgoja si. ¹¹ Pokke to ané ndo, ake ke justifika i kiene a sendá justifikao, ane ten nmemo fuente. Asina ke Éle nu abergonsar ri ñama súto numano. ¹² Éle chitía: I PROKLAMA NOMBE SI A NUMANO MI: I TAN KANDÁ RÍ BÓ RENJE RÍ ASAMBLEA,'' ¹³ Uto be: ''I tan komfia endi Éle.'' Uto be: MINÁ, I TA KI Í MA MONÁ KE RIOSO NDA MI.'' ¹⁴ Po tanto, renje ke ma moná rí Rioso komparti kanne i póla, Jesus tambie a komparti memo kúsa ku ané, pa ke po medio rí muette Éle polé elimina a ake kiene teneba kutú rí ma muette, kiene sendá, rianche. ¹⁵ Eto sendá pa Éle polé libetta a to, kiene ke po muette, a bibi to ma nbila endi eklabitud. ¹⁶ Nu sendá po ma angele ke Éle ta preokupado; Si nú po ma semia rí Abraham. ¹⁷ A sendá nesesrio pa Jesus asé kúmo numano rí Éle endi to kúsa, pa Éle sendá nsumo saserdote, ku miserikordia i fiel endi to kúsa rí Rioso, asina ke Éle tree ma perdon po ma pekaro rí to ma génde. ¹⁸ Pokke Jesus memo a sufrí i jue tentao, Éle polé yula a to ma gende kiene sendá tentao.