1 2 3 Renge a tiembo Rioso chitía po merío rí ma perito nchocha rí bé i rí chochá rí fomma, poro endi eto ultimo ma ría, Ele a chitia súto po merio rí nmoná, kiene Ele designá pa Ele senda ererero rí to ma kúsa. Po merio rí Ele Rioso asé uniberso. Ele sendá lu ri gloría Rioso. Memo karatte rí esensia si. Ele sostene to kúsa jundo po palabre rí kutú si. Repue ke Ele a limpia rí ma pekaro, Ele sendá endi mano rerecha rí majesta endi attura. 4 5 Éle a kombetti superio a ma ángele, asina ke nombe ke Éle a hererá sendá ma ngande ke nombe rí a ané. Pokke ¿a kiene rí ma angele sí Rioso ñamá: ''BÓ SENDÁ MONÁ MÍ, AGÚE I KOMBETTI ENDI TATÁ RÍ BÓ.'' ''I A SENDÁ TATÁ PÁ ÉLE, Í ÉLE A SENDÁ NMONÁ PA I?'' 6 Kundí Rioso a tré a primojenito a ma mundo, Éle a chitía: TO MA ANGELE RÍ RIOSO TEN KE ADORARLE." 7 Í re ma angele Éle ta chitía: '' ÉLE KE ASÉ MÁ ANGELE SI EPIRITU, Í MA MOSO YAMA RÍ CHISPA.'' 8 Ri Moná Éle a chitía: ''TRONO SI, SENDÁ PA TO TIEMBO. SETRO RI REINO SI SENDÁ RI JUSTISIA. 9 BO A GOMGOROKIA MA JUSTISIA Í A ORIA MA INJUSTISIA. PO ESO RIOSO, BO A UNGI KU MA ASEITE RI CHUCHUMEKO MA KE A KOMBILESA SI.'' 10 ENDI PRINSIPIO, ÑO, BÓ A KREA MÁ FUNDAMENTO RI MA TIELA. MA NSULÚ SENDA OBRA RI MAO SI. 11 ANÉ TAN PERESE PORO BÓ TAN SIGUI. TO ANÉ TAN GASTA KÚMO CHEPA. 12 BÓ TAN ENBOBÉ KÚMO NMANTO, Í ANÉ A KAMBIA KÚMO CHEPA. PORO BÓ SENDÁ É MEMO Í MA ANIO SI NÚ KABA.'' 13 Poro, ¿a kual rí ma angele Rioso a chitía aggun begá: ''SENDÁ ANDI MAO RERECHA MI ATA KE I ASÉ MA ENEMIGO KÚMO BANKETA PA PIE RÍ BÓ''? 14 ¿Nú sendá ma angele epirituke ta sebbi, ke sendá enbiao pa kuilá a to ané ke tan ererá ma salbasio?