¹ Dío u̧mu̧hui̧ya̧ MOISES huaöi cuinöo'ca'a ucuocuinö nun i̧hi̧ Josuérö, Josuémä MOISES u̧möhuäya̧ pinödo. Ja̧hua̧nö ja̧'a̧tö̧ tu̧ru̧hua̧'a̧ Dío Josuérö pä'inödo: ² Dío umöhuäya̧ Moisémä hua'öicuinö. Ja̧hua̧nö ja'ato ä̧rä̧míö kähuächí JORDAN aje ya̧nä jijära'a̧ ucutu o'catoi'önä cua̧hua̧röhuä'inä ttö chi̧yä̧jä̧ rȩjȩra̧'a̧ ISRAEL ttöja̧ ttöja̧cua̧ pä'ö. ³ Hötä iyinosä ucutu cu̧juä̧pö dȩ'a̧'a̧ iyosä cu̧jätu̧cu̧ä cuäjämä. Iyinösä ucurö'inä yoräteunätä Moiserö pädinö jinö'a̧nötä. ⁴ ttö̧jä̧inä de'anäinä ju̧i̧yä̧jä̧: LIBANO jubu, otoäjä EUFRATES ajer'a pä'ionä, HITITA ti̧rejä'inä ätäyäjá, deähuoto MEDITERRANEO jubu päi'önä; kähua̧ moä̧cha'acu päteö, juene jubu jäcua̧'ató ucu cuirȩjämä. ⁵ Yate'ina ujuruhuiya̧cua̧ ucurumä pijänä cuidepärä cu̧ju̧o̧mebu. ttötä MOISES hänö tta̧därino'anötä ttadäräcua̧sä. ucurumä unichiocösä jaropiö'inä jaropiocösä. ⁶ Cujuruhuajá yecuecuä ucu jecuäcua̧já pijä reje ucutu cuirejätucu̧ päi'önä ttö cuä̧do̧tö̧ minärö̧ pädinö ta̧'a̧nötä̧ chi̧yä̧cua̧sä. ⁷ cujuruhuajá yecuecuä'chä. O'cajuiyönä hueähuä huene chu̧mu̧huä̧ya̧ MOISES hueinöta'anö ye pä'ö ttu̧ȩpäräcuä'u kätucui, cuire'tehuächätucuo cu̧huoju̧hua̧'acuinä cuieruhua'acuinä hucähuä huene hueinomä, curäbehua̧ päcuinomä adhuäcua'a cui̧'chö̧dö̧nö̧mä̧. ⁸ Cuacuocuaja pita'cuayärötä huȩyö̧tö̧ könähuä cunichioca'atä. Cua̧mucuädaja̧ cuäo pönätä ttörötä, Moro̧'inä yodo'ina, jahua̧nö jomenötä ye pä'ö tteaetäcuotö hueyätö rötähuämä. Ja̧huanö esecuähuainä cuesehuäcua̧jä̧ curäbehua̧ päcuinö räbȩ'u. ⁹ ¿pa̧'anömäcöji̧na̧'a̧ tȩji̧ huedina'a̧mä? ¡Cujuruhuaja cuamiquicuächiajä! ye ecumä yecuecuä. Juiyu pächiömä cäcuiädiä. Curuhua̧ diotä ucutä̧cujome cuä'opurä öjäcua̧. ¹⁰ Ja̧hua̧nö̧ja̧'a Josué hue'ö ku̧minö ötahuiyä ruhuotörö: ¹¹ "tä'i tö̧jo̧cu̧ odönä hue'ö cu̧junaja ötahuiyä tö̧ja̧rö̧: jomenö jepätucui cuäcuähuäina , huäbodäcuä mo̧ro̧ cuö'opu o'ca'a Jordán aje töjähuäcuo tojätö. Turuhua Dio Päinäjä rejera'a dodepätöjä juhuäjä rȩjȩmä ujututä ti̧rȩjä päiönä." ¹² Rubén ahuaruhuä'ina , Gad ahuaruhuä'ina , jahuanö ja̧'anä Manasés ahuaruhuä'ina ppäächotirötä Josie pa'inödo : ¹³ "Amucuädätucui Moisés minä Dios umuhuäya̧ ihuenejinömä, hue'ö ku̧nö päinö: curuhuatucu Diota i̧yä̧ujä jare önä tacuanä hesehua pä'öja̧uta, iyöniä pijä̧ reje. ¹⁴ cuittimu ttaja̧tö̧ina cuittimo ppo̧ätöinä cuäjimö päcäyö̧ina Moisés päinöanö Jordán ajetömä oto käcuä jä̧tö. jahuanö ja̧'a̧nä curärohuähuätömä ttahuaruhuarö ppätädäcuotötö. ¹⁵ töänähua̧ Diostä jȩäcua̧ cujähua̧tö cuäächio ttöjönä. Ja̧huanö iyinöa̧nöta iyäcua̧ ucuturu'inä. ja̧huata'anö juhuätö'inä ti̧rȩjä punä tu̧ju̧näräcuo̧tö̧ , curuhua̧töcu̧ Diostä iya'atö, ja̧u̧nö o'ca'a ucutunu ppa̧cuichäcuo̧ tojä̧ cuirejä̧tö̧ ruhuo hueö, cujätucua̧ pä'o. Reje Dio umuhuäyä Moiserö iyinäjämä Jordán aje tömä kähua̧ räop'acu kinä jä̧do. ¹⁶ Jahuanö ja'a Josuerö ädätö päinätö̧do: a'ca juiyönä ucu huecumä, jȩtäcuo̧töjä, ja̧hua̧ta'anö huecuome'inä ti̧chäcuo̧töjä. ¹⁷ Jarodächö jepo̧tojä ujutumä Moisés pä'ö esetö jȩtinöanö jetäcuotojä . chu̧hua̧cua̧ cu̧ru̧hua Diotä öjäcua̧ ucucu, Moisés ä̧jinöta̧'o̧tä̧ ¹⁸ ka̧ra̧'inä örahuärötömä ucu huecu cuihuene jarodömä huaaretä rebehuäcua̧ jiyȩtetä ja'ato juruhui yecuecuä.