¹ Salomón, David i̧tti̧, I̧Ä̧NÄHUA̧ DIOS juo̧'u̧cu̧ ö̧ja̧'a̧ttö̧ uruhumä ujuruhuönä iyinäcu̧ ja̧'hua̧nö̧ ja̧'a̧ttö̧ hueö ki̧nö̧. ² Salomón ucucuinö o'cato'inärö̧ israel ttö̧ja̧rö̧, milenö jo̧mȩnä̧ su̧ro̧da̧u̧ ttöruhuotucu'inä ciennö su̧ro̧da̧huö̧cu̧'i̧nä̧ hueähuä huȩnȩ päicuätucu'inä ja̧'hua̧ta̧'a̧nö̧ o'cato'inä israel ttö̧ja̧ttö̧ ruhuotörö'inä, odehuiyä uruhuotörö'inä. ³ Ja̧hua̧nö̧ ja̧'a̧ttö̧ Salomóncö̧ o'catoinä ji̧nä̧yo̧mȩtȩ ttöcuocua pe'ö päinättö̧ Gabaónttö̧ ucuo isomettö̧, juȩnȩ tti̧'ö̧ u̧huȩni̧na̧'a̧ttö̧ Moisés DIOS ö̧jode, TÖ̧Ä̧NäHUA̧ u̧mu̧huä̧ya̧, dahuiyä jui̧yä̧jä̧ttö̧ aditinode. ⁴ Ja̧'hua̧nö̧ ja̧'a̧nä̧ David hueähuä huȩnȩ DIOS hueinoca̧ i'cachinö Quiriat Jearim cu chutä aditämecu̧ juo̧ca̧ uta pe'ö, ja̧'hua̧nö̧ ja̧'a̧nä̧ juo̧u̧mä̧ aditinö juo̧ca̧ ja̧a̧tȩö̧ Jerusalén ötahuiyana'inä. ⁵ Ja̧'hua̧ta̧'a̧nö̧, kuicu i̧yä̧huo̧ca̧ broncettö aditinoca̧ Bezalel, Uri i̧tti̧'i̧nä̧ Hur i̧tti̧'i̧nä̧, juȩnȩtä̧ ki̧na̧a̧ TÖ̧Ä̧NÄHUA̧ ö̧jo̧ca̧ ä'ca; Salomón'inä ttöcuocua pe'ö juo̧u̧cu̧ ttö'cöpächi'inätö̧. ⁶ Salomón chi̧nö̧ broncettö̧ adicuä'ca ko̧mȩcu̧ TÖ̧Ä̧NÄ̧HUA̧ ä'ca jo̧mȩ, jua'amä ki̧nä̧'a̧ hu̧ȩnȩ ucuocuähuodenä ja̧'hua̧nö̧ ja̧'a̧ttö̧ ja̧u̧mä̧ juorömä milnö jo̧mȩnä̧ ku'icu iyäcuä iyinö. ⁷ Salomónmä ja̧u̧ yodo Dios i̧jȩcui̧nä̧cu̧ ja̧'hua̧nö̧ ja̧'a̧ttö̧ pä'inäcu̧: ''!Jäjepittö! ¿TTÖTÄ chiyacu jäcuepö juäimä?'' ⁸ Salomón Diosrö pä'inö: ''Ucumä ttö chäo Davidrö esecu juiyo repeäcuähuä i̧jȩpi̧nö̧jä̧ ja̧'hua̧nö̧ ja̧'a̧ttö̧ ttörömä ru̧hua̧ chö̧jö̧nä̧ jȩpö̧jä̧ ja̧u̧ hueinome . ⁹ Jitämä, CHIÄ̧NÄ̧HUA̧ Dios, chäo Davidrö ppä̧huä̧dä̧cuä̧ pähuinö jinö iso jö̧nä̧ ja̧ pä'ötä ppä'ädittö, rȩjȩ i̧sa̧ppȩ 'cua̧rö̧nä̧ recuätö ttö̧ja̧ ttu̧ru̧hua̧ ru̧hua̧ chö̧jö̧nä̧ jȩ'cui̧nä̧cu̧sä̧. ¹⁰ Jitämä iyittö huo̧jä̧cuä̧ huȩnȩ'inä ja̧'hua̧ta̧nö̧ huo̧jä̧chä̧cuä̧'cuä̧ huȩnȩ'inä pitö ttö̧ja̧rö̧ oipö juȩdȩpä̧ra̧, ¿dijä̧ttö̧ ucu cumuhuäyotö recuätörö päö'anö hua̧mä̧? ¹¹ Dios pä'inö Salomónrö̧: ''pi̧yȩmä̧ ucu cuamiso'quinä kö̧ jäcuepö ja̧'hua̧nö̧ ja̧'a̧nä̧ ucumä jäcuepococusä ruhuo kä̧cuȩcuä̧'i̧nä̧, rö̧ä̧ö̧nä̧ micuäu ku̧nä̧rä̧cuä̧'i̧nä̧, ucuo te'äcuä'inä, jitö ucuru a̧u̧tä̧tö̧ tta̧'cua̧rö̧'i̧nä̧, ucutä cua̧'cua̧rö̧ adicuacu pä'öinä, ja̧'hua̧nö̧ ja̧'a̧nä̧ ucumä jäepöjä huo̧jä̧cuä̧ huȩnȩtä̧ ja̧'hua̧ta̧nö̧ huo̧jä̧chä̧cuä̧cuä̧tä̧, ttö chumuhuäyotörö ocuipapä'ö, ru̧hua̧ ku̧ju̧nä̧ jȩchi̧nä̧cu̧jä̧, ja̧'hua̧nö̧ ja̧'a̧tö̧ pi̧yȩtä̧ jȩchä̧cua̧sä̧ TTÖMÄ. ¹² Jitämä ttötä chi̧yä̧cua̧jä̧ huo̧juä̧hua̧ ja̧'hua̧ta̧'a̧nö̧ huo̧ju̧nä̧ kä̧cuä̧huä̧'i̧nä̧. Ja̧'hua̧ta̧'a̧nö̧ järettö ru̧hua̧ cu̧ju̧nä̧, koro cuiäre'inä ja̧'hua̧ta̧'a̧nö̧ ucuounä cu̧ju̧nä̧'i̧nä̧, ya̧tȩ'i̧nä̧ toäcua'a ka̧ra̧ ru̧hua̧mä̧ ucu cuä'cattömä, ja̧'hua̧ta̧'a̧nö̧ cuo'ca'anä'inä. ¹³ Ja̧'hua̧nö̧ ja̧'a̧ttö̧ Salomón Jerusalenra̧'a̧cu ichinö Gabaónttö ötahui ju'toju jo̧mȩttö̧, huȩnȩ ucuocuäcuähuode ä'cattö, ja̧'hua̧nö̧tä̧ ruhuo hue'inö Israélnä. ¹⁴ Salomón caruquiyä ca̧ca̧ti̧nö̧ ja̧'hua̧ta̧'a̧nö̧ ca̧hua̧yu̧tu̧ru̧'i̧nä̧ ja̧'hua̧nö̧ ca̧ca̧tö̧ to'omenä ku̧nä̧ri̧nö̧ 1.400 jo̧mȩnä̧ caruquiyämä ja̧'hua̧ta̧'a̧nö̧ 12,000nö̧ jo̧mȩ ca̧hua̧yu̧tu̧ru̧ ja̧u̧mä̧ ku̧ni̧nö̧ ötahuiyättö caruquiyä ku̧nä̧rä̧tö̧ ttö̧jo̧cuo̧mȩ chutä ö̧jo̧mȩ Jerusalén tö'cönänö. ¹⁵ Ja̧u̧ ru̧hua̧mä̧ jȩpi̧nö̧ pärätä'i̧nä̧ ja̧'hua̧ta̧'a̧nö̧ oro'inä rö̧ä̧nä̧ kö̧na̧ inä'qui jä̧'i̧nö̧'a̧nö̧, ja̧'hua̧ta̧'a̧nö̧ cedro dau'odä'inä rö̧ä̧nä̧ ko̧cu̧nä̧ sicómoro dauhuiyä jö̧ta̧'a̧nö̧ ko̧cu̧nä̧ rȩjȩ pämärächi'ome. ¹⁶ Salomón A̧ji̧mö̧ ca̧hua̧yu̧tu̧ru̧mä̧ i'chächintö Egiptottö ja̧'hua̧ta̧'a̧nö̧ Coattö'inä, mittö ttȩmä̧u̧ru̧tä̧ i'chächinätö̧ Coattömä. ¹⁷ Ja'huätömä jicäte carucä cahuayu doäcä Egiptottömä micuähua'a ȩmi̧nä̧tö̧ 600 siclos de plata jo̧mȩ, ja̧'hua̧ta̧'a̧nö̧ ya̧tȩ cahuayunämä 150 siclos. Ja'huätö'inä iyi'änätö hititas ruhuotörö ja̧'hua̧ta̧'a̧nö̧ arameorö̧'i̧nä̧.