¹ Baha piuara Jan tatahbra bila yamni ba smalki balan Yudia tasbaia ra, tasba lawan upla hiwras tasbaia saitka bak, bara naku aisi kata: ² "Kupiam ulaks, kan heven kinka laka ba pat wan lamara sa. ³ Kan witin dukiara sika prapit Aisaya, naku aisikata: "BILA BAIKRA KUM KISBI NAKU AISISA, RIDI DAUKS DAWAN YABALKABA, YABALKA NANI BA TARA DAUKS". ⁴ Jan kualka ba lika, kamiyu taia putni ba kata, maisa wilkaika ba lika kuiru kata. Witin pataba lika nasma laya bara sin langustin kata. ⁵ Jerusalem uplika nani, Yudia nani alsut, yardan awala uplika nani sut witinra bal kata. ⁶ Witin nani aisaurka witniska aisuya bara, Jan mita, yardan awalara tahbi dauki kata. ⁷ Kuna witin kaikan taim, farisi nani an sadusi nani manis witinra wih kata aitahbi takaia dukiara, kuna witin naku smalki wi kata: "Man nani piuta puisinkira nani uplika, ¿ya mita man nanira mai win yukuama, lawanka tara aula ba wina? ⁸ Kupia ulakaia ma yamni saks. ⁹ Man nani sinskamra naku aisi bauhpara, yan nani aisiki Ebraham bri banhwisna; kuna yan mita lika maiwisni, Dawan karnika brisa, naha walpaia wina abram luhpia nani bukaia. ¹⁰ Hahza ba pat ridi mankansa dus playa wakia dakbaia dukuara. Baku bamna maiwisni, ansa dusa ma yamni sakras sa kaka, dakban kabia an impiara ra lulkan kabia. ¹¹ Yan mita lika ansa uplika aikupia ulalaki nani bara li wal tahbi daukisna. Kuna yan ninira wala kum aula ba lika, yan wina kau karnika tara brisa, yan karnika apusna mina manka ba yabaia. witin mita tahbi mai daukbia Spirit Hulikira an pata aswi ba wal. ¹² Witin kanbi sakaika ba aimihtara brisa, rait pali muhta ba wina klin munaia, ma yamni ba wahbi saki yukukaika watlara mankaia. Kuna witin mita, taia nani ba ankaika pliska daswaia sip apia bara lulki ankan kabia. ¹³ Baku Jisas balan Galili tasbaia wina Jardan awala ra, Jan bakki aihtabi takaia dukiara. ¹⁴ Kuna Jan ba daukaia apia lukikan, ba mita naku aisi kata: "Yan nitka brisna man mita ai tahbi ai daukma, bara ¿man kata yanra aulma?" ¹⁵ Jisas mita naku wisata: "Swis daukbia, kan yamni sa, yan nani daukamna smalkanka yamni sut ba". Bara baku Jan mita baku tahbi daukata. ¹⁶ Aihtabi takan luanra, Jisas minitkara li wina taki wan, baku heven ba kuawata. Witin kaikan Dawan Spiritka ba butku natkara balan. Bara baku witin pura kat bal iwata. ¹⁷ Baku bila baikra kum heven wina aisata: "Witinba yan luhpi laituankira sa. Yan witin wal uba brinki sa".