¹ Jisas ba, Herod taimkara, Belen, Judia tasbaiara aisubi takan, baha luan piuwara, Waitna sinskira nani, lalma tani wina Jesusalén ra dimiwan, bara naku aisikata: ² "¿Yudia nani kinka aisubi takataba ansarasâ? yan nani lalma tanira Slilma kumra sainka kaiki bauhri, ba mita mayunra yabaia dukiara bal bauhrisa." ³ Bara, turi ba kin Herod kiama kat wasata, baha walan taim, Witin, bara Jerusalén aiska uplika sut ba turban kumra dimiwan. ⁴ Kin Herod mita Prîs nani, aiulbra nani tawan bilara kanba, asla muni, makabi wali naku wisata: "¿Misaia ba ansara aisubi takaisa?" ⁵ Witin nani mita naku wisata: "Betlehen, Yudia nani tasbaiara, kan baha dukiara prapit naku ulbankata: ⁶ "BETLEHEM, YUDIA NANI TASBAIA WINA KIAMKA SILPI KUMSMA, KUNA MAN WINA TAKBIA TA BRABRIRA TARA KUM, ISRAEL TAWANKA AISKA BRIH IMPAKAIA DUKIARA". ⁷ Bara Kin Herod ba, sap natkara winan waitna sinskira nanira makabi walaia dukiara, nahki natkara slilma takata ba dukiara. ⁸ Witin mita naku smalki blikan Betlehem tasbaiara: "Was bara pliks laki kaiks baha tuktika ba, bara aiwis, nu takaia want sna, yan sin waisna mayunra yabaia dukiara". ⁹ Witin nani Kin smalkanka nani sut walan, minitkara witin nani ai yabalkara impakata, baku slilma lalma tanira kaikata ba, witin nani impaki kaina ba kat kata, baku slilma ba, tukta ausubi takan pura kat kata. ¹⁰ Witin nani slilma ra kaikan taim, lilia tara brih bahwi kata. ¹¹ Witin nani tukta aisubi takan watlara wan, baku kaikan tukta silpiba, aiyaptika Meri wal kata. witin nani ailal makupi mayunra yabi kata; Ai ritska nani watla butukbi, gol prisanka nani manas saki baha tukta lamara ikikata, isink nani kia auhni sin. ¹² Witin nanira Dawan mita yaprisauhkan bakki maisipaki naku wisata, Herod ra kli tawi wapara; witin nani ba mita yabal wala marikan bara baku impaki wasata aipliskara. ¹³ Witin nani maka impakan luanra, yaprisauhkan bakki Dawan insalka kum Jose wal prawan, bara naku wisata: "Bus tuktaba bris an yaptika sin, takiwas hiship tasbayara. Takaski bara bas yan kli maiwimna bakat, kan, Kin Herod ba plikaisa tuktabara ikaia dukiara". ¹⁴ Baha tamika José, yapan wina buan, bara tukta ba alkan an yaptika sin, maka impakan Hiship yabalkara. ¹⁵ Herod pruan taimka kat witin bara kan hiship tasbaiara. Baha sut ba aimakaia kan Dawan ai prapitka nani bak aisan kan ba baku. "HISHIP TASBAIA WINA LUHPIRA WINRI". ¹⁶ Baku natkara Kin Herod nu takan, waitna sinskira nani ba witinra ai lawaska kikan baku daukan, lawanka tara brikan baha waitnika nani mapara. witin mita blikan Betlehem tasbayara an pliska sut saitkara tuktan nani alsut iki tikaia, mani wal wina ai maya saitkara, waitna sinskira nani ra tukta aisubi takbia wisata taimka ba wina ai kainara. ¹⁷ Bara baku Dawan bila ba aimakan, prapit Jirimaia aisata pitka bakat: ¹⁸ "RAMÂ TASBAIA WINA BILA BAIKRA KUM WALAN, INANKA TARA AN SARKA TARA KUM, BAHA BA RAQUEL INIKAN AILUHPIA NANI DUKIARA, UPLA KUM WINTINRA AISARKARA HELP MUNBIA WAN APIA WIKAN, KAN UPLIKA NANI SUT BA TASBARA KAU IWI APIA KAN BA MITA". ¹⁹ Herod pruan taimkara, hiship tasbayara yapri sauhkan bak Dawan Insalka kum Jose wal prawan, bara naku wisata: ²⁰ "Bus tuktaba bris, yaptika sin, was israel tawankara, baha uplika nani tukta mapara ikaia dukiara pliki nani kata, alsut ba pruan atia sa". ²¹ José buan bara tuktaba alkata, yaptika sin, bara mahka tawi impaki Israél tawankara dimiwan. ²² Turi ba brin Yudia tasbaiara, Herod watliskara, luhpia Arquelao kin aimakisa, bara witin nani ba sibrin bri kata plis bilara dimi waia. Baha luanra yaprisauhkan bak Dawan mita Josera maisa paki kata, bara baku witin Galili tanira impakan. ²³ Bara baku witin nani Nazaret tawankara wih takaskata. Baha sut ba aimakaia kan, kan prapit nani aisan kan, witin ba Nazaret uplica win kabia.