¹ Nehemias tandeac acas poch,mi cual nej Hacalias: aga ayaj tajlüy tiül caw Quisleu, tiül nimiow neat, wüexan saltiül nadam cambaj Susa ² cos nop tiül xi cojow, Hananí, tiün aquieb alacas nipilan imienüw tiül Judá, cos tatüniüs nanguiay nguineay tajlüyiw ajcüwa Judios leaw tecüierrüw wüex tenguial aquiebaranüw mamb andüey alinoic cambaj, leaw nganüy aliwqiaj tacüliwan Jerusalen. ³ Nejiw tasajüw xic: "ajcuwa leaw aliw tiul noic nine cambaj quiaj leaw tawüw wüex tengüial amongochiw nadam nael at montemeats, cos aga neyey tiüt cambaj Jerusalen laim jarriüm at aton ajcuwa leaw nepal ombeay nej nieng amomgaran laim mandajpüw". ⁵ wüexan tanguiayüies aga poch ⁴ quiaj,chettetos tapots sajiünts nateow ximeaats, atmien aton taiündas ngo net atmien tandeacas nasaj teat Dios najlüy tiül cielo. condom tapiengas: teat ique Dios ic ijlüy tiül cielo, nadam ijlüy ngondom majaw nguitow ajlüy, cos meawan mipoch xeyay najneaj leaw apmandiem manduub at leaw apmandien mayac wüx omeaats aga nembeat poch leaw teach moises. ⁶ ingueay sandeac ileaig inieg ijaw xic, atquiaj ndom menguiay andeac nop nerang minajüt leaw nganüy tenguial andeac masaj ic meawan nüt at meawan ongüiits wüx ombas cambaj Israel, at meawan monrang minajüt icueaj. Tengüial nached meawan nisoet leaw tarang cambaj Israel, leaw tarangasan nisoet leaw ique ijcüy mejaw. atanmien quiaj xique at anieng xe teat tarangasan nisoet. ⁷ tarangasan xiyay ngomajneaj aton ngome tayacasan wüex ximeajtsan nguineay netam narangan leaw apieng tiül aga poch leaw tesaj Moises. ⁸ nganüey, ich leam imeats aga poch leaw tesaj teat Moises nerang mi najiüt, 'tüiel terangan ngomajneaj tenguial iwaijchayon, sanasajrrich icon mecaliün tiül meawan cambaj, ⁹ tengüa lead imeajtsan xic atmien tendieman meyarien xe poch atmien mendieman merangan, masey mi cambaj lasajrriejow tiüel meawan minquiaj cambaj, xique sanaxeneng alinomb condom sanaquiejmienüw mien andüy nieng xique landoj lanapieng apmacüliw quiaj mapajüw xe nüt ¹⁰ nganüy, nerang mi najiüt nejiw at aton mi cambaj, leaw ique tewüniw wüx nag iwix cos nadam mimonaj neaj . ¹¹ Teat, xique satün tiül iwix mengüiay andeac nerang mi najiüt at mien meawan leaw nerang mi najiüt leaw tengüial matamajchiüw mi nüt. Nganüy, ixaing tiüt neran mi najüit atmiün atmien ich majiür monajneaj teombas aga naxey quiaj."xique nejchiüs anganeow teat natang nenajiüt".