¹ Nayezwo ndinokumbira ngamanda kamuli,hama jangu, nevhusiwana hwa Mwali, kuti muyese mimbiri yenutshivhe tshimbayiro,tshipenyu, tshitswene tshino faja Mwali. Ndiko kurabhira kenu kemoyo. ² Musa ezanisiwa nenyika yeyi, asi musandugwe fungwa jenu Kuti muyeje muzivhe kuda ka Mwali kakanaka, kunofaja kakakwana Mwali. ³ Nokudaka makombolelo andakapiwa ndinovhuja umwe noumwe ulipakati penu:Alege kuzwifunga kukugwane,kupinda pano faningwa kufunga napo, asi afunge nokufunga kakatanya, umwe noumwe netshiyero tshokutenda sezwakakovhegwa na Mwali. ⁴ Nokuti sezwatinemitezo yakawanda pamimbiri yedu, asi mitezo yose hayina basa limwepeji loga. ⁵ Nayezwo isu , tiri vhanjitiri umbiri umwepeji na Khirisito , umwe noumwe ali utezo wavhamwe. ⁶ Tinezwipo zwakasiyana patakapiwa makombolero napo.Kana kuli kuporofita ngati porofite zwakayezana nokutenda kedu. ⁷ Kana tshiri tshipo tshoku shumira , nga shumire.Kana umwe ane tshipo tshokugudisa, ngagudise. ⁸ Kana tshiri tshipo tshoku layijira, ngalayijire.Kana umwe ane tshipo tshokupa, ngape nemoyo wose.Kana umwe ane tshipo tshovhukugwane, ngabate nokukozerera.Kana umwe ane tshipo tshokuhwira vhusiwana,ngayete noufalo. ⁹ Ludo ngagulege kuvha nokutshutshuja.Vhengani zwakayipa;enderani pandda nezwakanaka. ¹⁰ Kana guli ludo pakati pehama, dananani noludo.Tungamirinanani,kujani umwe. ¹¹ Lugani kuvha novhu simba pakutambujika pasina pamwiya.Batirani Ishe,muushumire. ¹² Falani pataliro, kozererani pakutambula, tengesekani pakurabhira. ¹³ Kovhanani na Mwali pakukonwa sumbijirani zira jakawanda musumbijire ludo. ¹⁴ Kombolerani vhanomutambuja;kombolerani musatuka. ¹⁵ Falani navhanofala;lirani navhano lira. ¹⁶ Ivhani nomoyo umwepeji pakati penu.Musatswaka zwinolumbijiwa,asi muyendejane navhano zwitukupaja.Musati pamoyo yenu makatanya. ¹⁷ Musatshivhija unhu tshakayipa ne tshakayipa.Etani zwakanaka panda kavhanhu vhose. ¹⁸ Kana zwitshi yeta,pamunokona napo, galani nolugale navhanhu vhose. ¹⁹ Musatshivhija,vhadikamwa, asi mujivhulire kutshamwa ka Mwali.Zwakanwagwa,"'Kutshivhija ndikangu;Imi nditshalipira,'ndizwo zwino levha Ishe." ²⁰ Asi "'kana uvhengi uwo anezala,uupeyi tsho kudla.Kana ane nyota,uupeyi zwokunwa.Nokuti kana utshiyeta iyezwo,utshatutira masimbe emoto pausolo uwe."' ²¹ Usakundiwa nezwakayipa,asi ukunde zwakayipa ne zwakanaka.