¹ Nayezwo ndakavhona gwayana litshivula tshimwe tshezwisumbijo zwishanu nazwivhiri, ndikahwa tshimwe tshezwisikwa zwipenyu zwinaa tshitshiti nehulo noutshindo, "Vhuyai !" ² Ndikatalira ndikavhona bhiza jena .Naiye anga akaligada,anga aneusevhe akapiwa korona.Akabuda atshikunda naiko kuti akunde. ³ Wakati avula lukwatiso gwetshipiri, ndikawa tshisikwa tshetshi piri tshitshiti, "Vhuyai !" ⁴ Iyapo limwe bhiza lakabuda liridzwuku. Wanga akaligada apiwa simba kuti abvise lugale panyika, kuti vhavhulayane akapiwa pfumo gugwane. ⁵ Ukati avula lukwatiso gwetshitatu, ndikahwa tshisikwa tshetshtatu tshitshiti, "Vhuyai !"Ndikatalira ndikavhona bhiza dema,wanga akali gada anga anetshikolo muluvhoko gugwe. ⁶ Ndikahwa ihwi pakati pezwisikwa zwipenyu zwinaa litshiti, ",Tshikalo tshamavhere tshitshatengwa nemali nezwikalo zwitatu zwebhali nemali. Usatshinyira mafuta ne wayini." ⁷ Wakati avula likwatiso gwetshina ndikahwa ihwi letshisukwa tshipenyu tshetshina litshiti, "Vhuyai!" ⁸ Ndikatalira ndikavhona bhiza lakatshenuluka.Wanga akali gada zina lire wayuhwi Lufu,futhi Hades lakautevhera. Ivhovhakapiwa simba panezulu patshetshina tshenyika, kutivhavhuye nepfumo, nezala,nolufu,nemhuka jemu nyika. ⁹ Wakati avula lukwatisa gwetshishanu ndikavhona pasi paaritari mwiya yavhanhu yavhanga vhavhulaya nokuda kemhungo la Mwali nokupupula kavho kavhakapupula. ¹⁰ Vhakadana nehwi gugwane, "Ishe utswene wovhukuma, mutshalega kutonga vhanogala panyika, nokusalipija lopa ledu kuswika linhi?" ¹¹ Iyapo umwe noumwe wavho wakapiwa mwenda mitshena, vhakavhujiwa kuti vhambozolola tshikathi tshituku kuswika kuvhamwe vhalanda panhu pamwepeji naivho nehama javho jayifanira kuvhulawa, sayivho kuswika vhalinganisiwa. ¹² Nayezwo gwayana palakavha vula lukwatiso gwetshishanu naimwe talira kakavha nokudengenyeka kenyika kukugwane. Zuvha lika swiba seguja, levere mweji wakaswiba selopa. ¹³ Nyereji jekumakole jikawira pasi ,soukuyu unowisa maganga awo kana utshidengenyesewa nemwiya ukugwane. ¹⁴ Gole likabva sebhuku.Kana litshipetiwa nethavha jose nezwivhi zwose zwakabvisiwa pavhugalo hwazwo. ¹⁵ Nama jishe enyika navhakugwane navhatungamiriri, vhehondo, navhafumi,navhanesimba, navhalanda vhose, navhakasununguka vhose, vhakanda vhanda mumopako nomumahwe muthavha. ¹⁶ Vhakati muthavha namumahwe, "Tiwireni ! Mutivhige pameso paiye unogala patshigalo tshovhushe napakutshamwa kwegwayana. ¹⁷ Nokuti zuvha gugwane lokutshamwa kalo laswika. Ndiyani unokona kumira?"