¹ Ezwo ndakavhona luvhoko gokudla gwaiye wa nga agere patshigalo tshovhushe bhuku yakanwagwa mukati nokuze kayo, yakanambatijiwa nezwikwatiso zwishanu ne zwivhiri. ² Ndaka vhona utumwa unesimba atshidavhigiro nehwi gugwane atshiti, "Ndiyani wakafanira kuti avule bhuku iri nokusunungula zwikwatiso zwalo?" ³ Hapana unhu ulinyezulu kana uli pasi kana ulipasi penyika waka kwanisa kuvula kana kuvhala bhuku. ⁴ Iyapo ndaka lila ngamanda kusina kuwanika unhu waka kwanisa kuvula bhuku noku vhala. ⁵ Umwe wavha kugwane wakati kandiri, "Usalila.Talirayi !Ndau yoluji gwavha Judha , uji wa Dhavita, yakakunda kuti vulila bhuku nokusunungula zwikwatiso zwayo zwishanu na zwivhiri." ⁶ Zwino ndakatalira pakati petshigalo tshovhushe nezwisikwa zwipenyu zwina, napakati pavhakugwane, gwayana rimire laiyiyeta sala yibayiwa linenyanga shanu na mbiri ne meso shanu namavhiri zwitshilevha mwiya mishanu na mivhiri ya Mwali yaka tumigwa panyika. ⁷ Wakaenda akabata bhuku kuze muluvhoko goludli kuna hoyo anga agere patshigalo. ⁸ Zwino likati tatola bhuku zwisikwa zwipenyu zwina na vhakugwane vhana makumi mavhiri navhana vhaka wira pasi panda pe Gwayana, umwe noumwe anelutimbwi ne ndiro jendalama jizere nezwinonuhwira.Alimarabhiriro avhatswene. ⁹ Vhaka imba lumbo lunyowani: "Wakafanira kutola bhuku avule zwikhwatiso zwayo.Nokuti makabayiwa muka tengera Mwali nelopa lenu vhanhu vhanobva kumaluji ose nendimi jose,navhanhu vhose, neluji gose. ¹⁰ Mukavha etera Mwali vhedu, kuti vhavhe mazishe navha Pirista vhabate vhushe panyika." ¹¹ Zwino ndaka talira ndakahwa ihwi lavha tumwa vhaka wanda vhanga vhaka monereja tshigalo tshovhushe nezwisikwa zwipenyu, navha kugwane kuwanda kavho vhanga vhali zwiwulu zwezwiulu nezwuwulu zwamazana. ¹² Vhakati nehwi gugwane, "Gwayana laka vhulawa lofanana kuti livhigiwe, vhushe lufumo, nokutanya, nesimba,nokuzwikuja nokupenya, noku kulumbija." ¹³ Ndakahwa tshimwe netshimwe tshinhu tshanga tshiri kumakole, panyika kana pasi penyika kana mugugwa tshanga tshitshiti, "Ngazwivhe kunaiye ugere panyezulu petshigalo tshovhushe, noku gwayana nokusinga peri." ¹⁴ Zwipuka zwina zwino pira zwakati, "Ameni!" futi vhakugwane vhakawira pasi vhaka rabhira.