¹ "Nyolerani utumwa wegereke iri paSardis :Uti kayi naiye unemwiya mishanu na mivhiri yaMwali ne nyereji shanu nambiri."Ndinozivha mabasa awo.Kuti unohwi uli upenyu,asi wakafa. ² Pepuka ukwatise izwozwa kasala zwanga zwoda- kufa, nokuti handina kuwana mabasa awo kuti akakwana padda ka Mwali wangu. ³ Nayezwo fungani, kuti, wakasanganija nokuhwa usibhasobhe, utendevhuke.Asi kana usingapepuki, nditshavhuya sembava, hawungazivhi tshikati tshanditsha vhuya natsho. ⁴ Asi unemazina matuku pa Sardis avhanhu vhasina kuswibisigwa nhumbi javho, vhatsha enda nemi, vhane nhumbi tshena, nokuti vhakafanigwa nazwo. ⁵ Unokunda utshasimijiwa mwenda utshe na, handinga puthsi zina lire pabhuku yovhupenyu, nditsha levhulula zina lire pandda kabhabha vhangu, napadda pavhatumwa vhavhe. ⁶ Unezevhe, ngahwe zwinolevha mwiya kugereke." ⁷ "Nyolera utumwa wegereke uli pa Philadeiphia: 'Uti kahi naiye utswene iye we shua- iye unekiyi ya Dhavida, iye unoti kana atshivula hakuna unovala, kana atshivala hakuna unovula. ⁸ "Ndinozivha mabasa awo.Talira, ndakaesa padda kuko ukovha wakavulika hakuna ungakona ku uvala.Kuti unesimba duku izwo, wakatshengeta ihwi langu ukasalamba zina langu. ⁹ Talira! ndinokupa vhamwe vhali vhesinagogo la Satani, vhanoti tiri vha Judha vhasi ivho tshaivho, asi vhanolevha manyepo- talira nditshavhavhuyisa kuti vharabhire padda pesoka javho, futhi vhazivhe kuti ndakakuda. ¹⁰ Zwawakatshengeta ihwi lokukozerera kangu, nditshaku tshengeta vho patshikati itsho kuejiwa yoda kuvhuya panyika yose, kuyehwa vhanogala panyika. ¹¹ Ndinotavha nyija kuvhuya.Batisisai itsho tshaunatsho kuti ulege kutolegwa korona yavho. ¹² Unokunda nditshauyeta pila mugereke ya Mwali wangu.Haanga budimo futhi, nditshanwala panyezulu pape zina la Mwali wangu, nezina ledhorobho la Mwali wangu(Jerusalema nyowani, linojikita kumakole kuna Mwali wangu), nezina langu nyowani. ¹³ Unezevhe, ngaahwe zwinolevha mwiya kugereke." ¹⁴ "Nyolani utumwa wegereke iri pa Laodicea: 'Zwahwi Ameni, vhutanzzi hwakatendewa vhukuma kutanga,kezwisikwa zwa Mwali. ¹⁵ "Ndinozivha mabasa awo kuti hautonholi kana kupisa.Dlenu utshitonhola kana kupisa! ¹⁶ Zwino, zwa unojiya- usingatonholi- nditshakuswiswina muulomo wangu. ¹⁷ Nokuti unoti, 'Ndakafuma, ndakafumisiwa handikoni tshinhu. 'Usingazivhi kuti ndiwe unovhulombo, nenhamo, uli ulombo, nebofu, usina tshokufuka. ¹⁸ Ndinokupa pulani: kuti utenge kandiri ndalama yakaejiwa mumoto kuti uvhe nefuma, nenguvho tshena kuti uzwifukije soni jokusafuka kuko, jirege kuvhoneka netshizolo tshameso kuti uzole meso uvhone. ¹⁹ Vhose vhandinoda ndinovhalanga nokuvhalovha.Nayezwo kozerera utende vhuke. ²⁰ Talira, ndimire pa ukovha nditshikokonya. kana unhu akahwa ihwi langu akavula ukovha, nditshapinda kaali nditshalayira naye, naiye utsha laira neni. ²¹ Unokunda nditsha upa tshinhu itshi kuti agale neni patshigalo tshangu tshovhushe, semi vho ndakakunda ndikagala pamwe peji na Bhabha vhangu patshigalo tshavho tshovhushe. ²² Unezevhe, ngaahwe zwinolevha mwiya kugereke."""