¹ Asi Saulo, atshifunga kuhlisa nokuvhuya vhatevheri vha Ishe,wakenda ku Pirisita ukugwane ² akakumbira kavhali lumwalo gokuenda nago Damasiko kumasinagogo, kuti kanaawana vhamwe vhezira iyi vhalume kana vhanhukaji, avhuye navho Jerusalema. ³ Zwino wakati alipagwendo, ohwedera pedlo ne Dlamasika kamwepeji tshiyeja tshakabva nyezulu tshikawupenyera matungo ose; ⁴ akawira pasi akahwa ihwi litshiti kaali, "Saulo, Saulo, unonditambujireni?" ⁵ Saulo akati, "Ndiwe ani, Ishe?"Ishe akati,"Ndimi Jeso, wawunotambuja; ⁶ asi mulukayi, upinde munyika,futhi vhatshakuvhuja zwaunofanira kuyeta." ⁷ Vhalume vhaivha pagwendo na Saulo vhakamira vhakanyalala, vhatshihwa ihwi, mara vhasingavhoni unhu. ⁸ Zwino Saulo akamuluka pasi, asi atshivula meso awe, haana kuvhona tshinhu, aka mubata luvhoko akaenda naye Dhamasiko. ⁹ Akayeta mazuvha matatu asingavhoni, asingadli asinganwi tshinhu. ¹⁰ Zwino pa Damasiko pakanga panoumwe utevheri, wayihwi ananiyasi.Ishe wakati kaali nezwakasumbijiwa, "Ananiyasi!"Akati, "Vhonani,ndiripano,Ishe." ¹¹ Ishe akati kaali, "Muluka,uyende muzira yomudorombo inohwi yakalulama, mungumba yama Judha, unhu unohi Saulo we Tarsus, nokuti unorabhira. ¹² Naiye wakavhona ulume unohwi Ananias atshivhuya atshiesa mavhoko awe panyezulu pape, kuti avhone futi." ¹³ Asi Ananiyasi akapindula, "Ishe, ndakahwa navhanhu vhakawanda zwounhu hoyu kuti wakaetera zwakaipa kuvhanhu vhatswene pa Jerusalema. ¹⁴ Anga ane simba kubva kuvha pirisita vhaishe kuti asunge umwe noumwe anodana zina liro." ¹⁵ Asi Ishe akati kaali, "Endai nokuti iye ujiyo waka pasanugwa nemi, kuti ayend nezina langu kumajentili mazishe nokuvhana vha Izirayeri; ¹⁶ nokuti tshingamusumbija zwose zwaatsha fanira kutambulira nokuda kezina langu." ¹⁷ Iyapo Ananiyasi wakaenda akondopinda mungumba.Akayesa mavhoko awe panyezulu pape, akati, "Ukulu wangu Saulo, Ishe Jeso, akazwisumbija muzira yakavhuya nayo, wakandituma kuti ndisangamije mavhonero awe kuti zajiwene Mwiya Utswene." ¹⁸ Pasina tshikathi pameso awe Saulo pakabva zwinhu zwinenge makwati, akavhona futi, akamuluka, akolovhejiwa ; ¹⁹ akadla futi akakwatisiwa.Akagala navhatevhereri Damasiko zwemazuvha akawanda. ²⁰ Akapalija Jeso sinagogo,kuti ndiye mwana tukana waMwali. ²¹ Vhose vhakahwa vhakamangala vhakati, "Khati uyu haasi palaja vhaidana kuzina iri pa Jerusalema naa?Angavhuyira iyezwo pano, kuti vhaende newakasungwa kuvha pirisita vhaishe." ²² Asi Saulo waka lamba atshiikwatisiwa, akakunda vha Judha vhanga vhagere Dhamasiko, atshisumbija kuti Jeso ndiye Khiristo. ²³ Zwino mazuvha akawanda akati apera, vha Judha vhaka langana kuti vhavhulaye. ²⁴ Asi kulangana kavho kazivhiwa na Saulo.Vhakalinda mikovha masikati novhusiku kuti vhauvhulaye. ²⁵ Zwino vhatevheri vhavhe vhakautola vhusiku, vhakaujikitisa nomumasenha mbevha, vhakauyesa mudengu. ²⁶ Zwino vhakati vhaswika Jerusalema, akazama kuendejana navhatevheri, asi ivho vhose vhaivha kuendejana naye vheso vhasingatendi kuti utevhereri. ²⁷ Zwino Bhanabhasi akatola akaenda naye kuvhapositoli, nokuvha londejera kuti vhakavho na Ishe muzira, futhi kuti walevheka naye, futhi wakapalija nezina la Jeso pa Dhamasiko asingahli. ²⁸ Akagala navho pa Jerusalema. atshiendejana navho.Akapalija nezina laIshe Jeso ²⁹ akalevha nokuyeta kani na Judha; vhayilevhereka tshigiriki asi vhakambovhazama kuuvhulaya. ³⁰ Zwino hama jikati jitshi zwizivha, jikaujikitisira Kesaria nokutumira Tarsusu. ³¹ Zwino gereke kubva kose kuna Judha,ne Galiliya ne Samariya kukavhanolugale lufu yakavhakwa zezulu, futhi jitshiyenda mukuhla muna Ishefuthi mukunaka mune Mwiya Mutswene, gereke jikakula jikaeta tshivhalo. ³² Zwino zwikati Pita oyenda akamona nenyika jose, akajikitira kuvhatswene vhaIshe vhaigala munyika ya Lydda. ³³ Wakawana umwe unhu wayihwi Aeneas, wanga avhete panhovho zwamakole mashanu namatatu, nokuti anga akofa mitezo. ³⁴ Pita akati, "Aeneas, Jeso Khiristu wakupoja.Muluka uwajule nhovho jijo,"akamuluka iyapo. ³⁵ Zwino vhose vhanga vagere Lydda na Sharon vhakauvhona vhakatevhukira kuna Ishe. ³⁶ Zwino pa Joppa phanda pano unhukaji wayihwi Tabitha(ndikokuti "Dorcas").Hoyu unhukaji anga azere namabasa akanaka futi atshihwira vhusiwana nokuetera vhano komwa. ³⁷ Zwino namazuvha awo iye ukagwala ndokufa; vhati vhau nguja, vhakausesa pangumba yapanyezulu. ³⁸ Zwino Lydda zwayanga iri pedlo na Joppa, vhatevhereri vhakati vhahwa kuti Pita ulipo, vhakatumira vhanhu vhavhiri kaali, "Vhuyayi katiri iyezwi." ³⁹ Iyapo Pita wakamuluka.Akayenda navho, vhakati aswika vhakauyesa kungumba yanyezulu, tshirikaji jose jika mira naye jitshilira, vhakasumbija zwokusimira nenguvho javhakanga vhaetegwa na Dhokasi atshambovha navho. ⁴⁰ Pita akavhabudisira paze vhose, akagwadama, akarabhira, nokutendevhukira kutshitumbu, akati, "Tabitha, muka."Zwino wakaswunula meso awe, zwino wakati atshivhona Pita akagala. ⁴¹ Zwino Pita wakaupa luvhoko gugwe akaumuluja akadana vha tswene vha Mwali vhose netshirikaji, akawuesa panda pavho aliupenyu. ⁴² Zwikazikamwa navhose pa Joppa, vhakawando vhaka tenda kuna Ishe. ⁴³ Iyapo wakagala mazuvha akawanda pa Joppa kune umwe unhu waihwi Simon, usuki we zwikumba.