¹ Zwino panga panoumwe ulume pa Caesarea, wayihwi komerio, ukugwane wezana wehondo yayihwi ye Italian. ² Unhu, wayirabhira nokuhla Mwali , iye nengumba iye yose, vhayipa vhanhu zwipo zwakawanda, unorabhira kuna Mwali tshikati tshose. ³ Zwinonetshikati tsheshanu nanaa yezuvha waka vhona zwavhudi, nezwa akasumbijiwa, noutumwa wa Mwali atshivhuya kaali atshiti, "Cornelius!" ⁴ Iye ukautalisisa akahla atshiti, "Thsinikati, Ishe?"ukati kaali ithsbhero jijo nezwipo zwizwo zwakwira nyezulu ka Mwali zwafungiwa. ⁵ Zwino tumayi vhanhu Joppa kunodana Simon, unotumijiwa Pita. ⁶ Unogala noumwe unohwi Simon, usuki wezwikumba, ngumba iye iri pagungwa." ⁷ Zwino utumwa wakalevhereka naye wakati abva, koneliyasi akadana vhalanda vhahiri vhengumba iyeji nougwi wakalulama pakati pavhose vhayiushimira. ⁸ Koneliyasi wakavhavhuja zwose aka vhatumira Joppa. ⁹ Zwino mangwana ahone patshikhat tshashanu naimwepeji, vhalipagwendo vhavhapodle nedorobho, Pita wakakwira panyezulu pengumba kuno rabhira. ¹⁰ Zwino anga ahwazala oda tshinhu tshokudla, asi vhanhu vhanga vhatshambo bikazwokudla, abatiwa ne mwiya, ¹¹ akavhona nyezulu kavulika, netshimwe tshinhu tshitshijikitanselabi gugwane unojikitisigwa pasi tshakasungwa makhona mana. ¹² Manga mune mhuka jose jina makumbo mana nezwino kambayira zwose munyika, nezwinyoni zwekumakole. ¹³ Ihwi likavhuya kaalI: "Muluka, Pita, vhulaya udle." ¹⁴ Asi Pita akati, 'Hayi, Ishe; handina kutongodla tshinhu tshisina kunaka, tshineswina." ¹⁵ Iyapo ihwi likavhuya kaali gwetshipili: "tshakanakisiwa na Mwali, uastshiti tshineswina." ¹⁶ Nezwo zwakaehwa lutatu, tshinhu tshakamulujiwa tshakajokera kumakole. ¹⁷ Zwino Pita wakati atshakanga nisika mumoyo mume kuti tshisumbijo tshaanga avhona tshilevheyi, talila vhalume vhakanga vhatumwa na Komerio, vhakamira paukovha, vhatshibuzwa zira yokuend kungumba. ¹⁸ Vhakadana vhakabuzwa kana Simoni, unohwi Pita angaugerepo. ¹⁹ Zwino Pita akati atshafunga tshisumbijo, Mwiya ukati kaali, "Talira, vhalume vhatatu vhanokutswaka. ²⁰ Zwino muluka ujikite uyende navho.Usinganyunyuti, nokuti ndimi ndavhatuma endayi navho." ²¹ Iyapo Pita wakajikitira kuvhalume avho akati, "Ndimi wayimutswaka mavhuyireni?" ²² Wakati , "Cornelius, ukugwane wezana ulume wakalulama unohla Mwali, unokujiwa noluji gose gwavha Judha, vhakalayijigwa na Mwali noutumwa wakanaka kuti avhuye kungumba yenu, kuti aingire ulayeja kauli." ²³ Pita wakavhadana mungumba akati akagala navho fume mangwana akamuluka, akaenda navho nejimwe hama japa Joppa jikauperekeja. ²⁴ Fume futhi mangwanana akapinda Caesarea.Zwino Cornelius wanga avhomirira akadana hama jije navhangani vhavhe vhapaduze. ²⁵ Zwino Pita wakati atshipanda, Cornelius akasangana naiye akawira pasi pesoka jije akamurabhira. ²⁶ Asi Pita wakautusa, akati , "Muluka! nemi ndiri unhu vho." ²⁷ Zwino wakati atshalevhereka naye akapinda, akawana vhanhu vhaka wanda vhaka vhungana. ²⁸ Akati kavhali, "Imwi munozivha kuti hazina kufanira kuti wou Judha ayendejane nounhu wolumwe luji, kana kuvhuya kaali.Asi Mwali waka ndisumbija kuti ndirege kuti unhu haana kunaka kana kuti uneswina. ²⁹ Nayezwo ndavhuya, ndisingalambi, zwandotumwa .Zwina ndinobuzwa kuti mandidanireni." ³⁰ Cornelius akati, "Avha mazuvha mana kuswikira tshikati tshinotevhera, ndanga nditshi rabhir netshikati tsheshanu nanaa; iyapo ndikavhona ulume akamira panda kangu, anenhumbi jinopenya. ³¹ Akati! 'Cornelius, kurabhira kuko kahwika, nezwipo zwizwo zwafungiwa na Mwali. ³² Nayezwo tshitumira vhanhu Joppa udane Simoni, unohwi Pita unogala mungumba ya Simoni usuki wezwikumba pangungwa. ³³ Nayezwo ndakatavhanya kutuma kamuli, zwino meta zwakanaka, zwamavhuya.Zwino isu tose tiripano panda ka Mwali kuti tihwe zwakalayijigwa na Ishe." ³⁴ Iyapo Pita wakavula ulomo uwe akati, "Shuwa ndinohwisisa kuti Mwali haunhu wopamusa vhanhu. ³⁵ Asi, paluhlovho gupiwo nogupiwo unhu unouhla atshieta zwakalulama unosangamijiwa naye. ³⁶ Ndiwo mamungo akatuma kuvhanavhe Israel, atshipalija mamungo akanaka olugale na Jeso Khiristu ndiye Ishe wezwose- ³⁷ imwi monuzivha mhungo iro lakapalijiwa Judhea lose,lakatoma pa Galilia, sule koku kulovhejiwa kakapalijiwa na Jowana; ³⁸ iye Jeso we Nazareta, kuti Mwali wamuzoja nemwiya wakanaka nesimba.Iye wayimona nyika atshieta zwakanaka atshipolera vhose vhakabatiwa na Dhlabhorosi nokuti Mwali wangu anaye. ³⁹ Nesu tirimafakazi ezwose zwaakaeta munyika yavha Judhea nomu Jerusalema, ndiye wavhakavhulaya, vhatshiutulika pauti, ⁴⁰ asi ndiye wokamusiwa na Mwali nezuvha letshitatu, akapasimba kuti avhoneke patshena, ⁴¹ hana kuvhoneka navhanhu vhose, asi mafakazi vhakanangiwa sule kamavhoko a Mwali-Iyesu tayidla naunokomwa amuka muvhakafa. ⁴² Wakatilayijira kuti tipalijire vhanhu nokupupula zwavhudi kuti ndiye wakagajiwa na Mwali kuti avheutongi wavhapenyu navhakafa. ⁴³ Vhaporofita vhose vhanoulevhelela kuti nezina lire umweno umwe unotenda kaali unopiwa kukanga mwigwa zwivhi." ⁴⁴ Pita wakati atshalevha mamungo awa,Mwiya Utswene ukajikita panyezulu pavhose, vhakahwa mhungo. ⁴⁵ Zwino vhatendi vhokufumbisiwe vhanga vhavhuya na Pita vhakamangajiwa- nokuti tshipo tshemwiya utswene tshanga tshadulugwa panyezulu pavha tshema jentili. ⁴⁶ Nokuti vhakahwa kutshilevhelekwa nejimwe ndimi, vhatshituja Mwali.Iyapo Pita wakapindula akati, ⁴⁷ "Kuno unhu angajivhisa vula kuti avho vhakapiwa mwiya wakanana sesu vhalege ku lovhejiwa?" ⁴⁸ Zwino wakalayira kuti vhalovheje muzina la Jeso Khiristu.Iyapo vhakakumbira kaali kuti ambogala mamwe mazuvha.