¹ Vha porofitha vhemanyepo vhakavhuya kuvhanhu, vhagudisi vhemanyepo vhatsha vhuyavho kamuli.Vhatshapinja pakajumbama jijiso jakapamuka jinopalaja, vhatshilamba naiye tenzi wakavhatenga.Vhatshizwiwisira kupalajiwa kunotavhanya. ² Vhanji vhatshatevhera vhusimbe hwavho, nokuda kavho zira yeshuwa itshasasalajiwa. ³ Pakukalira kavho vhatshamu tshutshuja namahwi amano-mano.Kutongwa kavho kakatovhapo kale, hakunonoki nokupalajiwa kavho hakuvhati. ⁴ Nokuti kana Mwali asina kulega vhatumwa vhakatshinya, asi wakavhaposera mugehena nokuvhayesa kumakomba eswiswi kute vhatshengetegwe kutogwa, ⁵ asingalegi vho sango lakale, asi wakapolesa Noa, upaliji wokululama, pamwepeji navhamwe vhashanu navhavhiri tshikathi tshaakavhuyisa vula inji pa sango yavhanhu vhanga vhasingadi mwali. ⁶ akasandula madhorobho eSodhomo neGomora akaeta malota akamatongera kuti apalajiwe akamayeta kuti tshivhe tshisumbijo kuna havho vhatshagala vhasingadi mwali, ⁷ asi akasunungula Loti, anga akalulama wazwidla moyo nokuda komayendero avhakaswiba avhakavhipa- ⁸ nokuti unhu hoyu wakalulama, ugere pakathi pavho atshivhona nokuhwa wakagwajisa mwiya uwe wakalulama zuvha limwe ne limwe- ⁹ kana Ishe vhakayeta hezwi zwinhu, unozivha kusunungula pamilayo vhorabira mwali nokutshengeta vhasina kululama vhavhe pakulohwa kuswikira pazuvha lokutongwa. ¹⁰ Kunyanya ivho vhanoyenda nezira yenyama pakutshivha kunoswibisa.Nokusasalaja vhakugwane-vhakozerera, vhatshiyeta nokuda kavho asingahli kutuka avho vhanokupenya. ¹¹ Vhatumwa tshero vhanovhapinda nesimba novhukugwane, havhavhuyi panda pa Ishe noulandu wokuvhapomera. ¹² Asi havha vhanhu vhakayeta semhuka jisingafungi, jakabehwa kuti jibatiwe jipalajiwe.Havhazivhi zwavhano tuka.Pakupalajiwa nayijo jitshapalajiwa, ¹³ vhatshiyetegwa zwisina kunaka uli ubayiro wokusalulama khavho.Savheya vhanoti mafalo kuyeta zwakavhipa masikati.Ivho makwapa na mavhala.Vhanofala nokunyengeja kavho kana vhatshidla nemwi. ¹⁴ Vhanameso azere novhupombwe; asingalegi kutshinya.Vhanotshutshuja vhanhu vhasinanungo, vhano moyo yakagudisiwa kutshivha.Ivho vhana vhakatukwa! ¹⁵ Vhakasiya zira yakalulama vhakapamuka, vhakatevhera zira ya Bharami mwana wa Bheori, wakada ubayiro wokusalulama. ¹⁶ Asi wakalayijigwa zezulu pokutshinya kuke- nokuti dongi isingakoni kulevhereka yakalevhereka nehwi lounhu ikajivhisa kupenya kou porofita. ¹⁷ Iyavha zwisenya zwisina vula mwando unotaxhwa nemhepo.Ivho vhakavhingigwa kuswiba keswiswi nokusingaperi. ¹⁸ Nokuti nokulevhereka kavho mahwi manji okuzwikuja.Vhanotshutshuja pakutshivha kenyama, novhutera, avho vhatshangotiza vhatshibva kuna vhanogala pakupamuka. ¹⁹ Vhatshitembisa kusunungugwa, matina vho vhalanda vhokuvhola.Unhu unoeta ulanda patshinhu tshose tshinovhuya paali. ²⁰ Nokuti vho kana nezira yokuzivha Ishe upolesi Jeso Khirisito vhombotiza zwavho zwino zwibisa zwenyika, kana vhakabaxhwa nokukundiwa nazwo kuguma kavho kavhipa kupinda kutoma kavho. ²¹ Nokuti zwanga zwirikwine kavhali kana vhanga vhasingazivhi zira yokululama pakuti vhajoke paulayo utswene wavhakapiwa wavhanga vhambouzivha zwavho. ²² Zwinolehwa nesumo yeshuwa ndizwo zwakayehwa kavhali: "Imbwa yakajokera kumatanjo ayo, ne nguluvhe yanga yakangujiwa yakajokera kumatope."