¹ Sayimoni Pita,ulanda noupositori wa Jesu Khiristo,kune vhakapakigwa kutenda kumwepeji,nekedu kunokosha nokululama ka Mwali wedu nouponesi Jeso Khiristo. ² Vhusiwana ngahuvhe nemwi nolugale ngaluwande pakuzivha Mwali na Jeso Ishe wedu. ³ Nokuti nesimba lovhu Mwali huhwe,takapiwa zwose zwinodikamwa pavhupenyu napakurabhira Mwali nezira yokuzivha iye wakatidana nokupenya kuke nokunaka. ⁴ Akatipa zano nezwipikigwa zwinokosha zwakakula tshaiko, kuti muvhe vhanhu vhakaphakigwa vhumwali, makatiza kuvhola kulipanyika nokutshivha. ⁵ Zwino nokuti munokozerera tshaiko wejerani kunaka pakutenda kenu, napakunaka wejerani kuzivha, ⁶ napakuzivha, kuzwijosa, napakuzijosa, kukozerera, napakukozerera, kurabhira Mwali, ⁷ napakurabhira Mwali,kunowejera ludo kuvhakulu, neludo kuvhakulu gunowejera ludo. ⁸ Nokuti kana zwinhu iyezwi zwiri mamuli zwitshalamba zwitshiwanjiwa,zwitsha mueta vhanhu zhasina vhusimbe, navhasingakomwi zwibereko pakuzivha Ishe wedu Jeso Khiristo. ⁹ Nokuti unhu asina iyezwo ibofu,unovhona zwiri paduze kupera wakangamwa kusazwiwa kuzwivhi zwakale. ¹⁰ Saka,hama jangu, kozererani tshaiko kuti mukwatise kudamwa nokunangwa kenu,nokuti mutshiyeta iyezwi, hamunga mbotshamwisiwi. ¹¹ Nokuti mukazwiyeta mutshavuligwa zwavhudi kuti mupinde muvhushe husingapeli hwashe wedu nouponesi Jeso Khiristu. ¹² Saka handingalegi kukufungisa hezwi zwinhu, tshikhathi tshose kunyange mutshizwizivha zwenu, vhuye makakwata pashuwa yamunayo. ¹³ Ndinoti ndizwavhudi kuti nditshambovha mugereke, yeyi ndimumuse nokumufungisa. ¹⁴ Nditshizivha kuti kubvisiwa kegereke yangu kavha padhuze, sezwandakasumbijiwa nashewedu Jeso Khiristu.

¹⁵ Zwino nditshakozerera kuti mukakona kufunga zwinhu iyezwi tshikhathi tshose kana ndayenda. ¹⁶ Nokuti hatina kutela lungano gwefungwa jedu tshikhathi tshatikamuzivhisa simba lokuvhuya kaIshe wedu Jeso Khiristu, asi tanga tirivhanhu vhanga vhavhona vhumambo huhwe. ¹⁷ Nokuti iye akapiwa kukujiwa nokupenya na Mwali bhabha patshikhathi tshiyatshavhuya ihwi lakadlali khavhali litshibva nokupenya kukugwane,litshiti,"Uyu ndiye mwanatukana wangu, unodikamwa wandinofalira." ¹⁸ Ihwi heri takalihwa isu litshibva kumakole tshikhathi tshatanga tinaye muthavha tswene. ¹⁹ Asi tinebungo lovhuporofita lakakwata tshaiko lamunoyeta zwavhudi kana mutshiligijara lakayeta setshiyeja tshinovhonhekera muneswiswi kuswikira makhuvhi atshitsuka nenyamasase itshibudira moyo yenu. ²⁰ Mutshizivha pakutanga, kuti hakuna vhuporofita holugwalo hokudujigwa nounhu. ²¹ Nokuti hakuna vhuporofita hwakangovhuya nokuda kounhu, mara vhanhu vhatswene vha Mwali vhakalevhereka vhatshimusiwa no Mwiya Utswene.