¹ Zwino Mwiya unolevha patshena kuti patshikhathi tshinotevhera vhamwe vhatsha buda pakutenda vhatshi ingira Mwiya unonyengejera nekundiso ye mwiya wakayipa ² vhatshinyengejengwa nevhano levha manyepo, vhakapisiwa pahana javho nedale linopisa. ³ Vhatshijivhisa vhanhu kuwanana, nokulayijira kuti zwimwe zwokudla zwilegwe zwakasikwa na Mwali kuti zwisangamijiwe nokuvhonga navhonotenda vhanozivha shuwa. ⁴ Nokuti zwose zwakasikwa na Mwali zwakanaka, hakuna tshinhu tshikafanira kulasiwa kana tshitshisangamijiwa kana kuvhongiwa. ⁵ Nokuti tshinoyehwa tshitswene neshoko la Mwali nokunyengetera. ⁶ Kana utshifungisa vhakuli,zwinhu yezwi utshavha ushumiri wakanaka wa Khiristo Jeso,wakalegwa nema shoko okutenda ne egudiso yakanaka yawatevhera nemoyo wose. ⁷ Asi ulambe ngano jisina ndavha na Mwali nejetshembere.Uzwilovheje kurabhira kuna Mwali. ⁸ Nokuti kulovheja umbiri kunothusa zwituku zwako, asi kurabhira kuna Mwali kunothusa pazwinhu zwose.Zwakune tshipikigwa tshovhupenyu wayazwino nahunovhuya. ⁹ Isoko leshuwa linofanira kutendiwa tshayiko. ¹⁰ Nokuti ndizwo zwatinotambulira nokugwira.Nokuti talisiro yedu iri kuna Mwali, upenyu uponesi wavhanhu vhose zwikugwane wavhanotenda. ¹¹ Layijira nokugudisa zwinhu izwi. ¹² Unhu ngaalege kuvhapo unozwiyeta vhutuku huho, asi uyetere vhanotenda magwala, pasoko, nepamayendero, nepaludo,nepa Mwiya, nepakutenda. ¹³ Shingirira kuvhala,nepa kulayijira nepakugudisa kuswikira nditshivhuya. ¹⁴ Usalega kutshengeta tshipo tshiri mauli, nokuporofita,nokuyesewa mavhoko evhakugwane. ¹⁵ Kozererayi zwinhu izwi.Ivhayi mavhali ,kuti kupindira kuko phada kuvhoneke nevhanhu vhose. ¹⁶ Uzwitshengete iwe nepfunzo iyo. Ulambire pazwinhu izwi, nokuti kana utshiyeta iyezwo utshazwiphija iwe nevhanokuhwa.