¹ Ishoko leshuwa:lokuti kana unhu atshitswak basa lovhutaliri,unoda basa lakanaka. ² Nayezwo utaliri unofanira kuvha unhu uneulayo wavhudi. Unofanira kuvha ulume woukaji umwepeji.Unofanira kuvha asina tshaangapomegwa, akathanya,atshizivha,ane ugaliro wakafanira,unoyeta vhapfumba ludo.Unofanira kuzivha kugudisa. ³ Asingadi wayini, usingagwi, anemoyo unyolo,asina khanimusingadisi mali. ⁴ Unobata ngumba iye zwakanaka, anevhana vhanozwiyesa pasi nougaliro wose unokujiwa. ⁵ Kana unhu asingazivhi kubata ngumba,iye angatshengeta seni gereke ya Mwali? ⁶ Asavha utendi utswa kuti alege kuzwikuja akawira mukutongwa na satani. ⁷ Vhuye futhi unofanira kupupuligwa navhali kuze kuti alege kuyejiwa noku batiwa nemisungo wa Dhiabhorosi. ⁸ Sayezwovho, vhashumiri ngavhavhe vhanokujiwa, vhasina mahwi mavhiri.Vhasingadi wayini yakawanda vhasingaliri fuma yakayipa. ⁹ Vhanotshengrta zwakavhanda zwokutenda muhana yakanaka. ¹⁰ Nayivho ngavhatange nokuyejiwa, ivho iyapo pashumire kana vhasina tshavha ngapomengwa. ¹¹ Sayezwo, navhanhukaji ngavhavhe vhano kujiwa, vhasingadi vhanwe,vhakaswinula vhakatendeka panevhose. ¹² Vhashumiri ngavhavhe vhalume vhano ukaji umwepeji.Vhano bata vhana vhavho nengumba javho zwakanaka. ¹³ Nokuti avho vhakashumira zwakanaka vhanozwiwanira zina linokujiwa nokukozerera kukugwane pakutenda kavho muna Khiristo Jeso. ¹⁴ Zwinhu izwi ndinokunwalira nditshiti, nditshatavhanya kuvhuya kauli. ¹⁵ Zwino kana ndikanonoka, ndinoda kuti uzivhe kuti vhanhu vhanofanira kuyenda seni mungumba ya Mwali, iyo gereke ya Mwali upenyu, mbiri netshitshigiro tsheshuwa. ¹⁶ Hakuna angalamba kuti tshakavhanda tshokurabhira tshikugwane tshayiko tshokuti:"Iye Mwali wakasumbijigwa panyama,wakalulamisiwa pa Mwiya wakavhoneka navhatumwa,wakapalijiwa pakati pavhahedeni,wakatendiwa panyika,wakakujiwa mukupenya."