¹ Sayezwo, imwi vhakaji ivhani pasi pavhalume vhenu.Kuti tshero kana vhamwe vhasingaingiri bungo, vhajosiwe namaendero avhakaji vhavho pasina bungo linolehwa, ² kana vhatshivhona maendero enu, akatshena pamwepeji nokuhla. ³ Lunako gwenu ngagulege- kuvha kokuhwa kokulukavuji, nokusonga ndalama, kana kusimira zwisimiro. ⁴ Asi, ngakuvhe unhu akajumbiwa wemoyo wakasonga zwisingavholi zwomwiya unyolo, wakanyalala unokosha zwikugwane phanda pa Mwali. ⁵ Nokuti sayezwo vho kale vhakaji vhatshena vhayitalira kuna Mwali, vhakazwi vhakazwi songeja vhatshizwiyesa pavhalume vhavho. ⁶ Sarah wayi ingira Abrahama atshiueja Ishe. Navhana vhavhe zwino kana mutshiyeta zwakanaka musingahlihlijigwi netshinhu tshipiyo netshipiyo tshinotshuhwisa. ⁷ Nemwi vhalume, galani navhakaji vhenhu nokuzwivhamu tshikuja ukaji mutshiti, ndiye ujiyo unesimba, duku kamuli. Zwavhali vhadli vhenhaka ye makombolero ovhupenyu pamepeji nemwi. Kuti unyengetero yenu irege kujivhisiwa. ⁸ Pakupejisira, imwi mose, nomoyo umwepeji mose, muhwirane vhusiwana mude vhakulu vhenu, muvhe nomoyo unyolo, muzwininipise. ⁹ Musinga lipiji zwakajipa nezwakayipa kana kutuka nokutuka.Asi mulopafaje, nokuti ndizwo zwamukadanigwa, kuti mugale nhaka, yokulopafaja. ¹⁰ "Nokuti uyo unoda vhupenyu nokuvhona mazuvha akanaka ngaajosiwe lulimi gugwe panezwakayipa nemilomo iye kuti ilege kulevhereka zwinonyengejera. ¹¹ Ngadzwenge zwakavhipa ayete zwanaka.Ngatswake lugale agutevhere. ¹² Nokuti meso a Ishe ali pazezulu pavhakaluga, nezevhe jije pakukumbira khavho.Asi tshiso tsha Ishe tshiri pazezulu pavhanoeta zwakaipa." ¹³ Ndiyani utshakuyetera zwakanaka kana mutshikozerera zwakanaka? ¹⁴ Asi kana mutshitambula nokuda kokunaka, makalopafajiwa.Musingohla kudlisa kavho nayezwo. Musongokhakhisiwa. ¹⁵ Asi, etani Ishe Khiristo utswene mumoyo menu. Avhe mwali mugale makazwigajirira kupinda umwe noumwe unokumuzwa pazezulu petalisiro iri mukati menu asi mutshieta novhunyolo nokudla- ¹⁶ ivhani, nehana yakanaka.Kuti pavhanokutsha ivho vhanomhura mukuenda kenu akanaka muna Khiristo vhanyajiwe. ¹⁷ Nokuti zwirikwine, kana kuli kuda ka Mwali, kuti mutambule kana mutshieta zwakanaka pakuti kana mutshieta zwakayipa. ¹⁸ Nokuti na Khiristo akatambula vho lumepeji pazezulu pazwivhi.Iye akaluga, nokuda kavhasinakuluga, kuti atiese kuna Mwali. Akavhulawa iye panyama, asi akapijiwa pamwepeji paMwiya. ¹⁹ Mauli akandopalijigwa vho Mwiya, iri pakusungwa. ²⁰ Yanga isina kuingigwa kale patshikati tshiya moyo ulefu wa Mwali utshimirira kugajirisiwa ke Areka, pamazuvha a Nowa, mukati mayo vhatuku-ivho vhanhu vhashanu navhatatu vhaka pijiwa kubva muvula. ²¹ Naiwo ufananijo wokulovhejiwa nokupijiwa zwino- gusingalevhi kubvisiwa keswina yenyama, asi kutswaka moyo wakanaka kuna Mwali-nokumuka ka Jeso Khiristo. ²² Khiristo iye uli kuludli gwa Mwali.Ukapinda kumakole.Vhatumwa, namajishe, namasimba zwikayesiwa pasi pape.