¹ Nayezwo esani thungo zwakayipa zwose, nokunyengejera kose, nemano negodo, nokuphamuka kose. ² Sevhatuku vhatshambobehwa,pangani ukaka weMwiya usina kuvhipisiwa kuyetera kuti mukule nawo mukophijiwa, ³ kana mukalavhira kuti Isheunemoyo unyolo. ⁴ Vhuyani kaali iye ihwe lenu lakalasiwa navhanhu, asi lakanagwa na Mwali kuti lakakosha. ⁵ Nemwivho munenge mahwe mapenyu muvhake muyete sengumba ye Mwiya muvhe vhu Pirisita vhutswene kuti mubayire zwibhayiro zwe Mwiya zwinofaja Mwali nokuda ka Jeso Khirisito. ⁶ Nokuti mulunwalo zwirimo zwinoti:"Talirani, ndinoyesa muZiyoni ihwe lekorona, lakanangwa nokukosha.Nounotenda kaali hangashonisiwi." ⁷ Asi, kamuli, imwi munotenda.Asi kune vhasingatendi,"Ihwe lakalambwa nevha vhaki, ndiro lakahovha usolo wekhona," ⁸ futhi, "Ihwe lokutshamwisa ne ihwe lokupiringija vhatshiwa."Ndivho yavho vhanotshamwisiwa neihwe-nokuti havhaigiri ndizwo zwavhaka esegwavho. ⁹ Asi imwi muli luji gwakanangwa, vhuPirisita wa Ishe, luji lutswene , vhanhu vhaka zwiwanira, kuti mupalije kunaka kayiye wakamudana kuti mubve kuswiswi muvhuye kutshiyeja tshitshe tshinomangaja. ¹⁰ Imwi kale manga musi vhanhu, asi iyezwino mavha vhanhu vha Mwali.Manga musingahwingwi vhusiwana,asi iyezwino mahwigwa vhusiwana. ¹¹ Vhadiwa, ndinokumbira zwikugwane kamuli zwamuli vhatogwa nevhapfumba kuti muzwijose pakutshivha kenyama, kunogwaa ne Mwiya yenu. ¹² Miyetero yenu ivhe yakanaka pakati pema Gentayile, kuti pavhonomu pomejera vhatshiti munoyeta zwakayipa, vhalumbije Mwali nezuvha lokuvakatshigwa kana vhatshivhona mabasa enu akanaka. ¹³ Muzwiyese pasi petshilevho tshimwe netshimwwe tshavhanhu nokuda ka Ishe.Kujani Ishe nokuti ndiye ukugwane ¹⁴ futhi kana vhali vhabati , nokuti vhakatumwa nayiye kuti vhatshivhe vhanoyeta zwakayipa futhi alumbije vhanoyeta zwakanaka. ¹⁵ Nokuti ndikho kuda ka Mwali, kuti nokuyeta kenu zwakanaka munyalaje kusazivha komapenji. ¹⁶ Savhanhu vhakasununguka, musingoyeta kusununguka kenu kuti kuvhe kupfukija kezwakayipa, asi muvhe vhalanda vha Mwali. ¹⁷ Kujayi vhanhu vhose.Idayi hama jose.Ihlayi Mwali.Kujayi Ishe. ¹⁸ Vhalanda, ingirani vhatezi vhenu nokuhla kose.Musingazwiyeti kunavhakanaka nevha nyolo vhoga, asi kuna vhasakalulama vho. ¹⁹ Nokuti ndikokuda, kana unhu atshikozerera pakutambula nokuda kemoyo kuna Mwali , unhu atshitambula asina mhaka. ²⁰ Nokuti kune kulumbija kupiyo kana mutshikozerera matshinya futhi asi mukalohwa?Asi kana mukakozerera kana mutshiyeta zwakanaka mukatambula,iyezwo kuda ka Mwali. ²¹ Nokuti makadanigwa iyezwo, Khirisito zwakamutambuliravho.Akamusiyira ufananijo kuti mutevhere zira jije. ²² "Iye asina kuyeta zwivhi, nokunyengejera hakuna kuvhoneka mulomo uwe." ²³ Iye wakati atshitukwa , hana kutuka futhi.Wakati atshitambula, asinga hlihlijiriki, asi wakayesa mhaka iye kuna iye unotonga. ²⁴ Iye wakahwala iye zwivhi zwedu muumbiri uwe pauti kuti isu kana tafa kuzwivhi tilalamire zwakalulama.Iye wamakalalamisiwa nemavhanga awe. ²⁵ Imwi mose mangamakalasika samakwaji, asi zwino majokera kuulisa noutaliri we Mwiya wenu.