¹ Ri eleo-eleo uo, padawatu rijumlah togoge too nomasiromu pae ndau diang sapa-sapa untuk toreinang. si Yesus nongkai murid-murid Onyo moje nebura ma'o jimo, ² "Ha'u noondong sosono too dea uo karna sa'o-sa'o jimo notou selio-lio sosono Ha'u selama totolu eleo, moje ndau diang sapa-sapa untuk reinang. ³ Pae, moje ono Ha'u nontuju jimo meteule ma'o junjung ni jimo lalong keadaan noorop, jimo kana metinong lalong pelampaong ni jimo karna baiso'uya ila jimo nodua ila gaar. ⁴ Pae, murid-murid Onyo nonjawab Iyo, " Ila paiyo soung too maala mompo'obosu jimo sono roti ri pongkaleong to noonnos bai moo?" ⁵ Pae, si Yesus noutanya sono jimo, "Souya roti to diang sono emu?" jimo nonjawab, "Pepitu roti." ⁶ Ila uo, si Yesus nomarentaa too dea uo nongodung ri tano, pae Iyo nonggala pepitu roti uo, pae nongganea mombosi, pae Iyo nongkolog-ngkologga, pae nibagia Onyo ma'o murid-murid Onyo untuk ratalea ma'o too dea. jimo moje nontalea ma'o too dea. ⁷ Pae, murid-murid moje diang seide bau deide. notou nonggane mbosi riatang Onyo, si Yesus nontuju murid-murid Onyo untuk rabarea moje bau-bau uo ma'o ri too dea. ⁸ Too dea uo nengkani sampe nobosu, pae jimo nomasiromu olog nu toreinang to nelabi uo pepitu karanjing noponuh. ⁹ Diang kira-kira aparibu too to nengkani. notou uo, si Yesus nontuju jimo nelampa. ¹⁰ Pae si Yesus olongkanong nentama ri payangan selilio sono murid-murid Onyo pae nodua ri daerah Dalmanuta. ¹¹ Pae, too-too Farisi nodua moje nompamula nosibaro sosono si Yesus, samantar uo nomongi supaya si Yesus mompoitoa tanda ila suruga, untuk nepecobai Iyo. ¹² Notou si Yesus neambo nadantang lalong Noto-Nyo, Iyo nebura. "Nouya angkatan moo nelolo tanda? Ha'u neburaa to no ono sono emu, ndau diang souni tanda to maala rabagia ma'o angkatan moo." ¹³ Ila uo, si Yesus nombolia jimo, nentama peteule ri lalong payangan, pae nelampa ma'o santaba. ¹⁴ Murid-murid nielingani nongkomung roti, moje sura diang songkolo roti ri lalong payangan. ¹⁵ Pae si Yesus netuung ma'o jimo, "Siap posadiamo! pa'a jaga-jagamo sosono ragi too-too Faisi o ragi Herodes." ¹⁶ Pae jimo nompamula nositukar pikiran soung sosono ntaninyo soal jimo to ndau diang roti. ¹⁷ Moje notou niotoi ni jimo hal uo, Yesus neburaa ma'o jimo, "Nouya emu nepeburaa tentang emu to ndau diang roti? Apa ndaupo niotoi miu joo atau ndau nipahami? Apa ambo miu ni paadal? ¹⁸ Apakah emu diang mata, tapi ndau meteito? moje diang talinga, tapi ndau mongepe? ndaukah ni tora miu, ¹⁹ Padawatu, Ha'u nomoso-mosoa lelima roti untuk lelima ribu too, souya deanyo karanjing to neteisi noponuh sosono olo-olog toreinang to ni pasiromua miu?" jimo nonjawab, "Sompulu doruo karanjing. ²⁰ "Moje, riwatu pepitu roti untuk aparibu too uo, souya karanjing to noponuh sono olo-olog toreinang to ni pasiromua miu? jimo nonjawab, " Pepitu karanjing." ²¹ Pae, Iyo nebura ma'o jimo, "Apakah emu mono ndaupo nomahami?" ²² Pae, siYesus o muri-murid Onyo nodua ri Batsaida. moje sosouya too nongkomung soung too nobuta moje nomongi tutu-tutu ma'o si Yesus supaya ro'omuni-Nyo ²³ Yesuspun nongkomuni pale nu too nobuta uo moje nongkomung iyo nendoang ila desa. pae, si Yesus nepetunyui mata too nobuta uo moje nongkabas pale-Nyo riatangonyo. Iyo noutanya sono iyo, "Apakah emu neteitomo apesapa?" ²⁴ Pae, too uo nopongaring ma'o atang pae nebura, ha'u neteito too-too tapi jimo niito selio puu-puu to samantara negempang." ²⁵ Notou ila uo, si Yesus nongkabassa pale-Nyo ri atang mata nu too uo moje, pae too uo nombuka matanyo, peitaongonyo nopolo, moje iyopun naala neteito joo-joo sono najalas. ²⁶ Pae si Yesus nontuju iyo neteule ri junjungonyo sono nebura, "Nya mentama ri lalong desa." ²⁷ Notou uo, si Yesus nelampa, selilio murid-murid Onyo, Ma'o desa-desa ri kaisarea Filipi. moje, ri tangah nu pelampaong, si Yesus noutanya ma'o para murid sosono nebura ma'o jimo, "Nipeilu nu too-too, sise Ha'u moo?" ²⁸ Jimo nonjawab, "Yohanes pembabtis, to ntaninyo nomeilu Elia, moje to ntaninyo salah soung ila nabi-nabi." ²⁹ Pae ila uo, si Yesus noutanya ma'o jimo, "Ono, menurut emu, sise Ha'u moo?" si petrus nonjawab Iyo, "Oomo moo Kristus." ³⁰ Pae si Yesus nepepatoraa jimo supaya ndau momeilua ma'o siseepo sura tentang alae-Nyo. ³¹ Pae ila uo, si Yesus nompamula nomaguru murid-murid Onyo bahwa Unga nu Manusia harus mondarita medea hal pae nitolak nu tua-tua Yahudi, imam-imam ba'i, moje ahli-ahli Taurat, o nipatei, moje notou totolu eleo netubu peteule. ³² Pae, si Yesus nomeilua hal moo secara netebuka. karna uo, si Petrus nititininyo si Yesus ma'o giinyo pae nompamula nepesimang Iyo. ³³ Moje, samantara netesiir pae nongita murid-murid Onyo, si Yesus nepesimang si Petrus moje nebura, "La'omo ila Hau, hai Iblis! saba, emu ndau nomikira perkara-perkara nu ALLAH TA ALLAH, tapi sura perkara-perka nu manusia." ³⁴ Notou ila uo, si Yesus nepe aiya too dea, moje murid-murid Onyo, pae nebura ma'o jimo, "Ono soung too moluar monuut Ha'u, iyo harus mepesangkali alaenyo mboto. moje mepetangkuang salib onyo, pae monuut Ha'u. ³⁵ Saba, sise sura to moluar mepesalamaa nyawanyo kana maliponyo, tapi moje, sise sura to nalipo nyawanyo demi Ha'u moje Injil kana nisalamaaonyo. ³⁶ Saba, sapa untung onyo soung too nepedua jojo-joo dunia, tapi nalipo nyawanyo? ³⁷ Sapa to maala soung too mombagia untuk nepetebus nyawanyo? ³⁸ Saba, sisepo sura to mesili karna Ha'u moje Firmanno'U ri generasi to ndau nasetia moje nodosa moo, maka Unga nu Manusia moje kana mesili mepeakui too uo padawatu Iyo modua ri lalong kemuliaan ni Ama-Nyo selilio sono malaeka-malaeka to napacing."