¹ Pae, nomasiromumo too-too farisi nepetomui si Yesus selilio sono sosouya ahli taurat to nodua ila Yerusalem. ² Moje, jimo neteito sosouya murid ni Yesus nengkani roti sono pale najis, uomo pale to ndau ni tambasi. ³ Saba, too-too Farisi o joo-joo too Yahudi ndau takaliu mengkani ono pale nijimo ndau ni tambasi sampe ri tingkosong nu pale karna pabiasaong nu tomogurang lulu to ni omuni ni jimo. ⁴ Ono, sampe too-too Yahudi uo modua ila pongkaleong umum, jimo ndau kana takaliu mengkani ono ndaupo monambas pale. moje nedeapo pabiasaong ntaninyo to nitarima nijimo untuk ro'omuni, selio ponambasong penginunong-penginunong, kendi-kendi o bokor-bokor tambaga. ⁵ Dungku, too-too Farisi o ahli-ahli taurat no'utanya ma'o si Yesus, "No'uya murid-murid-Omu ndau netubu nonuut pabiasaong nu tomogurang lulu tapi sura nengkani roti sono pale nensiing.? ⁶ Si Yesus nebura ma'o jimo, "Si Yesaya no nubuat sono noono tentang emu to munafik, selio to netetulis: " Bangsa moo nepeangga'i Ha'u sono bibi nijimo, tapi sule nijimo nagaar ila Ha'u. ⁷ Jimo no nyambah Ha'u sno ndau diang gunanyo karna nepepagurua pangajarong, parentah to nipogutu numanusia. ⁸ Samantara nepelalua parenta nu ALLAH TA ALLAH, emu naningkomuni noosi pabiasaong manusia. ⁹ Pae, si Yesus moje nebura ma'o jimo, "sono napande emu ndau noluar nontarima parentah nu ALLAH TA ALLAH sampe naala nepetahana pabiasaong miu mboto. ¹⁰ Saba,si Musa nebura, " Anggaimo siamamu o si inamu," moje, siseepo sura to nepe kutuk siamamu o siinamu harus rohukum maate. ¹¹ Pae emu nebura, ono soung too neburaa siamanyo o siinanyo, "sapa joo-joo untungonyo to maala mudua ila ha'u uomo kurban, uomo persembahan" ¹² sura emu ndaumo moje nombagia iyo mongau'a sapa sura untuk siama o siinanyo, ¹³ Sono baiuo emu notou nombatala bura nu ALLAH TA ALLAH sono pabiasaong miu to turun temurun. moje emu nompogau'a nedea baisapa moje selio moo." ¹⁴ Dungku, si Yesus nongkai moje joo-joo too pae nebura ma'o jimo, "Epemo Ha'u, emu joo-joo moje pahamimo. ¹⁵ Ndau diang soungpun ila luar manusia to nentama ma'o lalong alaenyo maala mepe'ensiing iyo, tapi baisapa to nendoang ila manusianyo to mepe'ensiing iyo." ¹⁶ "Ono soung too niediani talinga untuk mongepe, alea omo iyo mongepe!" ¹⁷ Pae, dungku si Yesus nentama ri junjung pae nombolia too-too uo, murid-murid-Onyo no'utanya ma'o Iyo tentang perumpamaan uo. ¹⁸ Moje, Iyo nebura ma'o jimo, "Apa emu moje ndau nengerti? Ndau niotoi miu kah bahwa sapa sura to ila luar nentama ri lalong manusia ndau kana mepeensing iyo? ¹⁹ Saba, to nentama uo ndau nentama ri lalong ambo onyo, tapi tatainyo, pae ila uo nendoang ri lalong petataiyong."(Sono ila uo, si Yesus nomeilua joo-joo toreinang nombosi.) ²⁰ Pae Iyo nebura, "Sapa to nendoang ila manusia uomo to meperatei iyo. ²¹ Saba, ila lalong, ila ambo numanusia, nendoang pikiran-pikiran narate, dosa-dosa to nakese, pongangkaong, pomateong, ²² Posinaong, nangoa, porateong, mepetipu, abo to narate, nogirang, nepefitnah nasombong, moje nobodoh. ²³ Joo-joo, baisapa to narate uo nodua ila lalong nu manusia, moje uo to meperatei iyo." ²⁴ Ila pongkaleong uo, si Yesus nembaung o nelampa ma'o wilaya Tirus o sidon. Pae, Iyo nentama ma'o soung junjung pae ndau moluar soung too to mootoi, tapi iyo ndau naal noluput ila peitaong. ²⁵ Lolongkanong notou nongepe tentang si Yesus, soung bengkel to unga bengkelonyo nipentamai nu noto to narate nodua o nosuju ri paa ni Yesus. ²⁶ Bengkel uo too Yunani, nobosa ri Siro-Fanisia. iyo no mongi tutu-tutu ma'o si Yesus untuk mombugo setan uo mendoang ila unganyo. ²⁷ Notou ila uo, si Yesus nebura ma'o bengkel uo, "Alea omo unga ni po'obosu mongailulu, Saba, ndau nombosi monggala roti to bare nu unga-unga pae rabarengkona ma'o riasu dea." ²⁸ Tapi moje, bengkel uo nonjawab pae nebura ma'o si Yesus, "Tutu, Siopu. tapi moje, asu dea to diang ri angkung nu meja moje nengkani to natambu-tambur nu unga-unga uo." ²⁹ Pae, si Yesus nebura ma'o bengkel uo, "Karna emu nomeilu moo, emu maala ma'o. setan uo boliaomo ungamu." ³⁰ ila uo, bengkel uo neteule ma'o junjung pae nosipotomu unganyo samantara nopoduling ri po'oturuong, o setan uo nelampamo. ³¹ Ila uo, si Yesus nendoang moje ila wilayah Tirus pae nelampa nolabata Sidon netolo ma'o danau Galilea, ri wilayah Dekapolis. ³² Pae, jimo nongkomung ma'o sosono si Yesus soung too no bongol to nandasa nebura. jimo nomongi tutu-tutu sosono si Yesus untuk mongkabasa pale-Nyo riatang nu too uo. ³³ Ila uo, si Yesus nongkomung too uo nontani ila pomasiromuong too dea. Iyo nontamaa bubuanong-Onyo ri lalong talinga nu too uo, pae notou netunyu, iyo nonggama oyo nu too uo. ³⁴ Pae, si Yesus nopongaring ma'o langit, Iyo noniting ambo nadantang pae nebura, "Efata!", batuanyo " Petebuka'omo!" ³⁵ Watu uo moje, talinga nu too uo netebuka, pombato ri oyonyo netetapas, pae iyo nebura sono najalas. ³⁶ Pae, si Yesus nontagali jimo nojaritaa sapa tonajari uo ma'o siseepo sura. maumpo, natalanjur Iyo nontagal jimo, natalanjur opo jimo nojarita'a. ³⁷ Jimo tutu-tutu naherang pae nebura, "Iyo notou nolakua jojo-onyo sosono nombosi. bahkan Iyo napa'ajaria too to no bongol nongepe, moje too to no bobo nebura.