¹ I'la si Paulus, rasul Yesus Kristus toniebi'i nupatuju ALLAH TA'ALLAH sesui sono janji petutubuong todiang ri lalong Yesus Kristus. ² Ma'o si Timotius, uunga toniagarang. Anugrah, opogagarang, o damai sejahtra i'la ALLAH TA'ALLAH, Siama, o Yesus Kristus, Sioputo. ³ A'u senantiasa monsukur ma'o ALLAH TA'ALLAH, tono'ulayani sono aambo nurani tonebersii selio tonigau'a ni be'eu lulu, saat a'u nontoramu lalong posambayang-posambayango'u meeleo o mondoung. ⁴ Ono a'u montora juu numatamu, a'u moluar mete'itomu supaya noponu asasananongo'u ⁵ A'u ni pantoraa sono imanomu tonotulus, to partama-tama metubu ri lalong ni be'emu si Lois, o siinamu Eunike, o a'u nayakin sa'o-sa'o metubu ri lalong emu moje. ⁶ Sono alasan moolah, a'u nontoramu, o turuus mongkaata karunia ALLAH TA'ALLAH to diang ri'alaemu malabat pongangkatong nu pale'u. ⁷ Saba, ALLAH TA'ALLAH ndau mombagia ma'o ito noto tome'eingka, o joo noto po'o'osi, agarang, o penguasaan alae. ⁸ Jarii, nyaa mesili momeilua tentang Sioputo o tentang a'u tahanan-Nonyo. O bai u'o sono kuasa ALLAH TA'ALLAH ponuutomo menderita demi Injil. ⁹ Iomo to mepesalamaa i'to o nongkai i'to sono pongkai tonapacing, ndau sura gauo'ng ngoto, o karna tujuan sono anugrah-Nyo mboto tonibagia o'nyo ma'o i'to lalong Yesus Kristus ndaupo dunia diang. ¹⁰ Sa'o-sa'o hal moo majari nyata malabat podua'ong toponsalamaa o'to Yesus Kristus tonongigi apateong o mongkomung petutubu o kekekalan malabat Injil. ¹¹ Sono Injil moolah, a'u nituju majari topohotbah, rasul o guru. ¹² Uomo saba o'nyo a'u nandasa selio sa'o-sa'o moo. Namun a'u ndau mesili karna niotoi'u ma'o sisee a'u parasaya o a'u nayakin bahwa io nasanggup nonjaga sapa toniparasayaa o'onyo sono a'u sampe eleo u'o nodua. ¹³ O'munimo pokok-pokok pangajarong sehat to niepe miu i'la a'u lalong imaan o pangagarang todiang lalong Kristus Yesus. ¹⁴ Sono noto tonapacing tonaboli ri lalong ngoto, jagaimo sono nombosi harta tonasuli o toniparsayaa o'nyo sono oo. ¹⁵ Ni'otoi i'la fakta o jojoo to diang ri Asia nolinte'emo i'la a'u, ri antara ri jimo i'o u'o si Figelus o si Hermogenes. ¹⁶ O kiranya Siopu mongaruniaa pogagarang ma'o jojoo iisi ri lalong junjung ni Onesiforus apa i'o masaro mompo'osia a'u o ndau mesili karna potarungkuong ngo'u. ¹⁷ Sebaliknya, o'dua o'nyo ri Roma, i'o sono masanang nelolo a'u o sono mepetomua a'u. ¹⁸ Biamo Siopu monuntun o jo i'o mepetomua a'gagarang i'la Siopu pada tempo u'o, selio bai ma'o emu mboto no'otoi so'uya deanyo pelayanan o tonibagia sono a'u ri Efesus.