¹ Perhatikana o'mo bahwa ri e'leo o'tou'ong, masa-masa tonasukar uo nodua. ² Saba,too too majari pecinta alae mboto, pecinta doi, pembual, tonasombong, topehujat, ndau nataat sosono totomogurang, ndau ni o'toi terima kasih ndau nosuci. ³ Ndau ni o'toi mongagarang, ndau moluar moridame, meseilu pefitna, ndau maala mangandalkan alae, marate, ndau meseilu sapa tonombosi. ⁴ Penghianat, ceroboh, angku, melabipo pecintai hawa nafsu pae pecintai ALLAH TA'ALLAH, ⁵ Ni'ito nasale tapi pesangkali kuasanyo. Gaari too too selio u'o ⁶ Saba, ri antara rijimo diang too-too to penyusup rilalong jama'at o mepegoda bengke-bengkel tonolulu to nibebani sosono tonedea dosa o nepetitini jimo sono nedea hawa nafsu. ⁷ Bengke-bengkel selio u'o butu neguru, tapi ndau diang maala sampe ma'o pengenalan to no'ono. ⁸ Selio si Yanes o si Yambres to mangewa si Musa, bai u'o moje too too moo to mangewa tono'ono. Pikirang ni jimo o iman nijimo to ndau mantahang uji. ⁹ Ai tapi, jimo ndau maalap melabi magaar moje karena alalare nijimo nanyata bagi tiap too, selio-lio too doruo uo. ¹⁰ Maumpo, e'mu monuuta ajaran no'u, cara petutubu'u, tujuan petutubu'u, imanno'u, asabarangngo'u, garang ngo'u, ketekunan no'u, ¹¹ Selio ponganiaya'an o penderitaong ngo'u to no'ua'lami ri Antiokhia, Ikonium, o ri Listra. A'u nontahang ri lalong penganiaya'an, o Siopu nepesalamaa a'u i'la jojo uo. ¹² Sesungguhnya, jojo too tomoluar metubu masale rilalong Yesus Kristus torianiaya, ¹³ Sadangkan too-too marate o topetipu to melabi ararate, jimo pesesatkan o nisesatkan. ¹⁴ Sadangkan untuk e'mu tarusa o'mo sono sapa tonipeguru a'i u'o toniyakini miu karna e'mu i'la sisee e'mu negurunyo, ¹⁵ Se'ia ma'o sejak meide e'mu no'otoimo Kitab suci tonau'le nombagimu hikmat ma'o keslamatan nalabat iman rilalong Yesus Kristus. ¹⁶ Jojoo Kitab Suci ni nyawai nu ALLAH TA'ALLAH o bermanfaat untuk mepepaguru, untuk menyatakan asalaong, untuk mompo'ombosi kedo, untuk mempedidik lalong kebenaran. ¹⁷ Jo bai u'o manusia milik ALLAH TA'ALLAH to nacaka o nilengkapi untuk tiap pogutuong nombosi.