1 Kekantaren ziarah ni Daud. Nulit, kumura e le’osna wo e ewangunena, sakawisa se patuari-patuari mena’ mewali ampit e retuk! 2 Tanu e lana le’os witu natas eng kokong matiise mea witu en sokom, e matiise mea witu en sokom ni Harun wo mea witu e lee’ eng karaiyna. 3 Tanu e leleiydem eng kuntung Hermon matumpami waki atas eng kuntung-kuntung Sion. Karengan mea mouw mana si TUHAN minerentala em berkat, em patou-touan i wee eng keure-urena.